Wiyaegü 48:9 - Tupanaarü Ore

⁹ Pa Tupanax, nua cupatawa nüxna tacua̱xãchie nax poraãcü toxü̃ cungechaü̃xü̃ i cumax.

Wiyaegü 48:9 Referans Kwoze

Wiyaegü 26:3

Choma nüxü̃ chacua̱x nax choxü̃ cungechaü̃xü̃, rü guxü̃guma mea cuga chaxĩnüxü̃.

Wiyaegü 40:10

Rü tama chaugügu chayacu̱x nax quixaixcümaxü̃ rü namexü̃ i ngẽma cuxüxü̃. Rü marü namaxã nüxü̃ chixu nax cuma yixĩxü̃ i toxü̃ cumaxẽxẽẽxü̃ rü aixcüma cuyanguxẽẽxü̃ i ngẽma nüxü̃ quixuxü̃. Rü ngẽmaãcü tama ichayacu̱x nax nüxü̃ chixuxü̃ nax cuma rü ixaixcümacü quixĩxü̃ rü cuxü̃́ tangechaü̃tümüxü̃güxü̃.

Charumóü̃arü wiyae 1:4

¡Rü paxãma cugüxü̃tawa choxü̃ naga! ¡Pa Ãẽ̱xgacüx, curü ucapuwa choxü̃ naga! Rü ngéma rü tá wüxigu tataãẽgü. Rü curü meãxẽ rü namaxã tataãẽgü bínuarü yexera. Rü ngẽmaca̱x nixĩ i ngexü̃gü i poraãcü nüxü̃́ cungúchaü̃güxü̃.

Wiyaegü 104:34

Rü chierüx Cori namaxã taãẽgu i ngẽma nagu charüxĩnüxü̃. Erü naxü̃taguxica nixĩ i nüxü̃ ichayangauxü̃ i chorü taãxẽ.

Ichaía 26:8

Pa Corix, ngẽxguma naga taxĩnüegu i curü mugü rü taxuca̱xma taxoegaãẽgü. Rü ngẽma guxü̃arü yexera nagu tarüxĩnüexü̃ nixĩ nax cuga taxĩnüexü̃ rü cuxü̃ ticua̱xüü̃güxü̃.

Nüxíraxü̃xü̃ ga popera ga ãẽ̱xgacügüchiga 10:6

Rü ãẽ̱xgacü ga Charomóü̃xü̃ ngĩgürügü: —Yema chauchixü̃anewa nüxü̃ chaxĩnüxü̃ ga cuchiga rü curü cuáxchiga, rü aixcüma nixĩ.

Nüxíraxü̃xü̃ ga popera ga ãẽ̱xgacügüchiga 10:7

Rü ñu̱xmawaxix nixĩ i chayaxõxü̃ erü nua chaxũ, rü chauxetümaxã nüxü̃ chadau. Natürü yema nüxü̃ chaxĩnüxü̃ ga cuchiga, rü curü cuáxchiga, rü tama ngãxü̃wa nangu ga yema cuchiga ga chomaxã nüxü̃ yaxugüxü̃. Erü ngẽma curü cua̱x, rü curü ngẽmaxü̃gü, rü yema nüxü̃ chaxĩnüxü̃arü yexeraxüchi nixĩ.

Wiyaegü 87:5

Natürü guxü̃arü yexera nataãẽgü i ngẽma Chióü̃gu buexü̃. Erü nümatama ya Tupana ya Guxãétüwa Ngẽxmacü rü nüxü̃ naxuneta ya yima ĩane nax noxrü yixĩxü̃.

Yeremía 31:40

Rü guxü̃ma i ngẽma metachinüxü̃ i duü̃xü̃gü nagu ta̱xgüxü̃ i yuexü̃ rü tanimaca nawa nagügüxü̃ rü tá chorü ĩanechica nixĩ. Rü guxü̃ma i ngẽma naanegü i natü i Chedróü̃cutüwa ngẽxmagüxü̃ rü ñu̱xmata íyapoõchixü̃wa ngẽxmaxü̃ i Cowarugüarü ĩã̱xwa nangu i oéstewaama rü chorü ĩane ya Yerucharéü̃chica tá nixĩ. Rü guxü̃ma ya yima ĩane rü tagutáma texé wena tayapu rü tagutáma texé nagu tapogü —ñanagürü.