Wiyaegü 48:3 - Tupanaarü Ore

³ Rü Yerucharéü̃wa ngẽxmane ya ãẽ̱xgacüpatagüwa nixĩ i nangẽxmaxü̃ ya Tupana. Rü nüma ya Tupana rü nügü nango̱xẽxẽ nax yima ĩanearü poxü̃ruxü̃ ya aixcüma poracü yixĩxü̃.

Wiyaegü 48:3 Referans Kwoze

Wiyaegü 125:1

Ngẽma Cori ya Tupanaaxü̃́ yaxõgüxü̃ rü yima ma̱xpǘne ya Chióü̃ ya taxúema ixũgachixẽẽnerüxü̃ nixĩgü. Rü guxü̃guma nangẽxmagüecha.

Wiyaegü 46:7

Rü nüma ya Cori ya Tupana ya Guxãétüwa Ngẽxmacü rü tatanüwa nangẽxma. Rü yimá Acóbuarü Tupana nixĩ ya tórü poxü̃ruxü̃ ixĩcü.

Norü taxre ga to ga popera ga ãẽ̱xgacügüchiga ümatüxü̃ 12:7

Rü Cori ya Tupana rü nüxü̃ nadau nax nape̱xewa nügü inaxixragüxü̃, rü yemaca̱x Chemaíamaxã ñanagürü: —Ngẽma nax chope̱xewa nügü inaxíragüxü̃ca̱x, rü taxũtáma chanadai. Rü paxa tá nawa íchananguxü̃xẽxẽ i ngẽma ãũcümaxü̃. Rü marü taxũtáma Chicháxü̃ chamu nax Yerucharéü̃étügu nanguxü̃ca̱x i chorü nu.

2 Chamué 5:7

Natürü nüma ga Dabí rü norü churaragümaxã nagu naxĩgüama ga guma ma̱xpǘne ga Chióü̃ ga yema ĩanecüã̱xarü churaragü nagu ãchiü̃güne rü nüxna nayapu. Rü ngẽmaca̱x nixĩ i ñu̱xma i Dabíarü Ĩane ñaãcü naxugüãxü̃.

Wiyaegü 50:2

Rü nüma ya Tupana rü yima mexẽchine ya napata ya Chióü̃wa ngẽxmanewa norü üünemaxã nanangóonexẽxẽ.

Wiyaegü 135:21

Rü namexẽchi ya Cori ya Tupana ya ma̱xpǘne ya Chióü̃gu ãchiü̃cü i Yerucharéü̃wa. Rü name nax nüxü̃ icua̱xüü̃güxü̃.

Charumóü̃arü wiyae 6:4

Rü cumax, Pa Choxü̃́ Ngúchaxü̃cüx, rü cumexẽchi rü choxü̃ cutaãẽxẽxẽ yima ĩanegü ya Tirchárüxü̃ rü Yerucharéü̃rüxü̃. Rü cuma rü ñoma wüxi i churaratücumürüxü̃ quixĩ nax taxucürüwa cuxcha̱xwa chiñaxü̃.

Auxexü̃chiga 2:15

Rü ngẽxguma cuxü̃ nadaugügu i ngẽma duü̃xü̃gü i namawa chopetüxü̃ rü napéxme̱xgüãcü cuxü̃ nacugüe. Rü cuxna nawíxgüe rü cuxü̃ nacugüeãcü nanexáerugü, rü ñanagürügü: —¿Daa e̱xna yixĩxü̃ ga guma ĩane ga mexẽchine ga Yerucharéü̃ ga ñoma ga naanewa guxü̃nema ga ĩanegüxü̃ rümemaene? —ñanagürügü.