Wiyaegü 48:13 - Tupanaarü Ore

¹³ ¡Rü mea penangugü i norü poxeguxü̃tápü̱xgü rü yima ãẽ̱xgacüpatagü nax pexü̃́ natauxchaxü̃ca̱x nax namaxã nüxü̃ pixuchigaxü̃ca̱x i petaagü!

Wiyaegü 48:13 Referans Kwoze

Wiyaegü 71:18

Pa Chorü Tupanax, ñu̱xma nax marü chayaxü̃ rü chapuxeruxü̃, rü ¡taxṹ i choxna quixũgachixü̃! Erü chanaxwa̱xe i curü porachigaxü̃ chixu namaxã i ngẽma ñu̱xma maxẽxü̃ i duü̃xü̃gü nax nümagü rü ta ngẽma duü̃xü̃gü i tá ingóetanüxü̃maxã nüxü̃ yaxugüxü̃ca̱x.

Wiyaegü 122:7

Pa Yerucharéü̃x, chanaxwa̱xe i cuwa nangẽxma i taãxẽ rü curü ãẽ̱xgacügüpatawa nax nataxuxü̃ i guxchaxü̃gü.

Wenaxarü naxümatü ga Tupanaarü mugü 11:19

¡Rü ñaa oremaxã penangúexẽxẽ i pexacügü, rü nachigagu namaxã pidexagü i pepatawa, rü namagüwa. Rü ngẽxgumarüxü̃ ta i ngẽxguma pepeechaü̃gu rü íperüdagügu rü ñaa oremaxã penangúexẽxẽ!

Amúx 9:11

Rü Cori ya Tupana rü ñanagürü: —Pa Iraétanüxü̃x, yexguma ãẽ̱xgacü ga Dabí pechixü̃anemaxã icua̱xgu, rü naporaxüchi. Natürü i ñu̱xma rü pechixü̃ane rü ñoma wüxi ya ĩpata ya rüngutaxü̃nerüxü̃ nixĩ. Natürü tá nawa nangu i ngunexü̃ nax wena íchanadaxẽẽxü̃ i pechixü̃ane nax noxrirüxü̃ wena naporaxü̃ca̱x.

Ichaía 58:12

Rü pemax, Pa Iraétanüxü̃x, rü wenaxarü tá peyamexẽxẽ ya yima perü ĩane i ñu̱xma chixene. Rü wena tá penanucu i ngẽma norü nutagü i nawa inaxügüxü̃ i naxtapü̱xgü ga nũxcüma nucuxü̃. Rü togü tá pexü̃ nixu nax naxtapü̱xgü i wa̱xgüxü̃arü mexẽẽruü̃gü pixĩgüxü̃ rü ĩpatagü ya ichixenearü mexẽẽruü̃gü pixĩgüxü̃.

Ichaía 33:20

Rü dücax, ¡nüxü̃ pedau ya Chióü̃ ya yima ĩane i ngextá tórü petagü i üünegüxü̃ nawa ixügüxü̃ne! Rü pexetügümaxã tá nüxü̃ pedau ya Yerucharéü̃ ya ĩane ya taãẽne. Rü ñoma wüxi ya ĩpata ya naxchirunaxca̱x ya mexü̃nerüxü̃ tá nixĩ. Rü yima naixmena̱xãgü i natü̱xü nagu ngagüxü̃ rü taxũtáma ínayangogü rü natü̱xügü rü taxũtáma nicauyegü.

Echequié 21:25

Rü cumax, Pa Iraéanearü Ãẽ̱xgacüx, rü wüxi i máetaxü̃ quixĩ rü chixexü̃arü üruxü̃ quixĩ. Natürü marü nawa nangu i ngunexü̃ nax cupoxcuxü̃.