Wiyaegü 48:11 - Tupanaarü Ore

¹¹ Rü cuma, Pa Tupanax, aixcüma mexü̃ tomaxã cuxuegu. Rü ngẽmaca̱x nataãẽgü i Chióü̃cüã̱xgü rü Yudáanearü ĩanegücüã̱xgü.

Wiyaegü 48:11 Referans Kwoze

Wiyaegü 97:8

Pa Corix, yima ĩane ya Chióü̃ rü guxü̃ma ya yima Yudáanearü ĩanegü rü nataãẽgü namaxã i curü mugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:20

Natürü ñu̱xma nax napoxcuxü̃ ya yima ĩane, rü name nixĩ i cutaãxẽ Pa Daxũguxü̃ i Naane. Rü ngẽxgumarüxü̃ ta rü name nixĩ i petaãẽgü i pema i Tupana norü oremaxã pexü̃ namugüxe, rü pema i Tupanaarü orexü̃ ixugüe, rü guxãma i pema i Tupanaarü duü̃xü̃gü ixĩgüxe. Erü ñu̱xma nax napoxcuxü̃ ya yima ĩane, rü ngẽmaãcü Tupana pexü̃ naxütanü naxca̱x ga yema chixexü̃ ga pemaxã naxügüxü̃ ga gumá ĩanecüã̱x”, ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:4

¿Rü texé taxũtáma cuxü̃ tamuü̃, Pa Corix? ¿Rü texé taxũtáma cuxü̃ ticua̱xüxü̃? Erü cuma rü cuxicatama nixĩ i üünecü quixĩxü̃. Rü guxü̃ma i nachixü̃anecüã̱x rü tá cuxü̃tawa naxĩ, rü tá cuxü̃ nicua̱xüü̃gü, erü nüxü̃ nadaugü nax aixcüma namexü̃ i guxü̃ma i ngẽma nagu curüxĩnüxü̃ rü cuxüxü̃, rü aixcüma tá cunapoxcuexü̃ i ngẽma chixexü̃ ügüxü̃”, ñanagürü ga yema wiyae.

Ore i mexü̃ ga Luca ümatüxü̃ 23:28

Natürü ga Ngechuchu rü yema ngexü̃güxü̃ nadawenü, rü ñanagürü nüxü̃: —Pa Ngecügüx, Pa Yerucharéü̃cüã̱x ¡taxṹ i cha̱u̱xca̱x pexauxexü̃, natürü pegüca̱xtama pexauxe rü pexacügüca̱x!

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.

Ichaía 37:22

Rü ñaagü nixĩ i ngẽma ore ya Cori ya Tupana nüxü̃ ixuxü̃ nachiga i ngẽma Achíriaanearü ãẽ̱xgacü: “Dücax, Pa Chenáquerix, rü yima Tupanaarü ĩane ya Chióü̃arü duü̃xü̃gü rü ñoma wüxi i pacü cuxü̃ cugüxü̃rüxü̃ tá cuxü̃ nacugüe. Rü ngẽxguma nüxna quixũgachigu rü ngẽma Yerucharéü̃cüã̱xgü rü tá nanexáerugüãcüma cugu nidauxcüraxü̃gü.

Charumóü̃arü wiyae 5:16

Rü nabera rü namaixcuraxüchi. Rü nüma rü guxü̃wama namexẽchi, Rü ngẽmaãcü nixĩ ya chaute ya choxü̃́ ngúchaü̃cü, Pa Ngexü̃gü i Yerucharéü̃cüã̱xgüx.

Charumóü̃arü wiyae 3:5

Pa Ngexü̃gü i Yerucharéü̃cüã̱xgüx, rü chanaxwa̱xe i ngẽma cowügü rü cowüacügü i naixnecüwa ngẽxmagüxü̃égagu chomaxã ipexüga nax taxũtáma ngĩxü̃ ípeba̱i̱xgüxü̃ i ngẽma choxü̃́ ngúchaü̃cü i pacü rü ñu̱xmatáta ngĩechama naba̱i̱xãchi.

Charumóü̃arü wiyae 2:7

Pa Ngexü̃gü i Yerucharéü̃cüã̱xgüx, rü chanaxwa̱xe i ngẽma cowügü rü cowüacügü i naixnecüwa ngẽxmagüxü̃égagu chomaxã ipexüga nax taxũtáma ngĩxü̃ ípeba̱i̱xgüxü̃ i ngẽma choxü̃́ ngúchaü̃cü i pacü rü ñu̱xmatáta ngĩechama naba̱i̱xãchi.

Charumóü̃arü wiyae 1:5

Pa Ngecügü i Yerucharéü̃cüã̱xgüx, choma rü chawaxracha̱xmü, natürü chamechametü. Chawaxraxü̃ne yimá Quedáxcüã̱xarü ĩpatagürüxü̃. Rü chamexẽchi ñoma Charomóü̃arü ucapuarü düxmachiü̃rüxü̃.

Wiyaegü 58:10

Rü ngẽxguma daigu nayuegu i ngẽma chixexü̃ ügüxü̃, rü ngẽma duü̃xü̃gü i Tupanaga ĩnüexü̃ rü tá nataãẽgü. Rü ngẽma mea maxẽxü̃ rü nawa tá nangagü i nagü i ngẽma chixexü̃ ügüxü̃.

Ãẽ̱xgacügü ga guxchaxü̃güarü mexẽxẽruü̃gü 5:31

Pa torü Tupanax, tanaxwa̱xe nax ngẽmaãcü nayuexü̃ i guxü̃ma i curü uanügü. Natürü ngẽma cuxü̃ ngechaü̃güxü̃ rü tanaxwa̱xe nax naporaexü̃ ñoma üa̱xcü i poraemaxüchixü̃rüxü̃ —ñanagürügü. Rü yemawena rü 40 ga taunecü nataxuma ga dai ga yema naanewa.

Maraquía 1:11

Rü guxü̃ma i nachixü̃anegü i ñoma i naanecüã̱x rü duü̃xü̃gü choxü̃ nicua̱xüü̃gü, rü pumarate̱xe cha̱u̱xca̱x nigugü rü ãmare choxna naxãgü.