Wiyaegü 48:1 - Tupanaarü Ore

¹ Nüma ya Cori ya Tupana rü guxãétüwa nangẽxma rü name nax nüxü̃ icua̱xüü̃güxü̃ nawa ya yima norü ĩane ya norü ma̱xpǘne ya üünene ya Chióü̃wa ngẽxmane.

Wiyaegü 48:1 Referans Kwoze

Miquéa 4:1

Rü ngẽma nawa iyacuáxü̃ i ngunexü̃gügu rü tá nawa nangu nax yima ma̱xpǘne ya Tupanapata ya taxü̃ne nagu üxü̃ne rü tá guxü̃nema ya naigü ya ma̱xpǘnegüarü yexera natachiga. Erü ngéma Tupanapatawa tá naxĩ i guxü̃ma i nachixü̃anecüã̱xgü i duü̃xü̃gü nax nüxü̃ yacua̱xüü̃güxü̃ca̱x.

Chacaría 8:3

Rü ñachagürü ta: “Choma rü Yerucharéü̃ca̱x tá chataegu nax ngéma chamaxü̃xü̃ca̱x. Rü ngẽxguma chataeguxgu rü yima ĩane ya Yerucharéü̃ rü Ĩane ya Chauga Ĩnünemaxã tá nanaxugü. Rü ngẽxgumarüxü̃ ta ya yima chorü ma̱xpǘne ya Chióü̃, rü Ma̱xpǘne ya Üünenemaxã tá nanaxugü”, ñachagürü.

Wiyaegü 96:4

Erü nüma ya Cori ya Tupana rü guxãétüwa nangẽxma, rü ngẽmaca̱x name nax nüxü̃xicatama icua̱xüü̃güxü̃. Erü nüma rü naxãũcümaxü̃chi rü guxü̃ma i ngẽma duü̃xü̃gü namaxã tupanaã́xü̃étüwa nangẽxma.

Wiyaegü 46:4

Rü nangẽxma i wüxi i natü i norü poraxü̃chíüxü̃maxã nataãẽxẽẽxü̃ ya yima Tupanaarü ĩane ya Yerucharéü̃. Rü yima ĩanewa nangẽxma ya napata ya üünene ya Tupana ya Guxãétüwa Ngẽxmacü.

Wiyaegü 145:3

Rü nüma ya Cori ya Tupana rü nüxü̃ nacua̱xüchi rü ngẽmaca̱x name nax nüxü̃ icua̱xüü̃güxü̃. Rü ngẽma tórü cua̱x rü tama nawa nangu nax nüxü̃ icuáxü̃ca̱x i ñuxãcü nüxü̃ nacua̱xüchixü̃ i nümax.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:2

Rü nüxü̃ chadau ga guma ĩane ga mexü̃ne ga Yerucharéü̃ ga yexwaca̱xü̃ne ga daxũguxü̃ ga naanewa Tupanaxü̃tawa írüxĩxü̃ne. Rü guma ĩane rü guxü̃wama nimexẽchi ñoma wüxi i pacü i ngẽxguma iyangĩxgu rü ngĩteca̱x ngĩgü mexẽẽcürüxü̃ ixĩxü̃ne.

Wiyaegü 87:3

Pa Tupanaarü Ĩanex, rü mexẽchixü̃ i ore cuchiga nixugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:5

Rü ñu̱xũchi yema tochicaxü̃xü̃tawa inanaxũ ga wüxi ga naga ga ñaxü̃: “Name nixĩ i tórü Tupanaxü̃ picua̱xüü̃gü i guxãma i pema i buxü̃gü, rü yaxü̃gü, rü guxü̃ma i pema i nüxü̃ pengechaü̃ãcüma nax nüxü̃́ pepuracüexü̃”, ñanagürügü.

Ore i mexü̃ ga Matéu ümatüxü̃ 24:15

Rü nũxcümaü̃cü ga Tupanaarü orearü uruxü̃ ga Danié nachiga nanaxümatü i ngẽma chixexü̃ i Tupanape̱xewa poraãcü ãũãchixü̃ i tá ínguxü̃. Rü ngẽxguma nüxü̃ peda̱u̱xgu nax Tupanapata ya taxü̃ne ya üünenewa nangóxü̃ i ngẽma chixexü̃ i Tupanape̱xewa chixexü̃chixü̃, rü yíxema nawa ngúxe rü name nixĩ i nüxü̃ tacua̱x nax ta̱xacüchiga yixĩxü̃.

Wiyaegü 99:9

¡Rü nüxü̃ picua̱xüü̃gü ya yimá Cori ya tórü Tupana ixĩcü! ¡Rü yima napata ya norü ma̱xpǘne ya üünenewa ngẽxmanepe̱xegu pecaxã́pü̱xügü! Erü nüma ya Cori ya tórü Tupana rü naxüüne.

Wiyaegü 87:1

Rü yima ma̱xpǘne ya Chióü̃gu nixĩ i naxüxü̃ ya yima Tupanaarü ĩane ya Yerucharéü̃.

Wiyaegü 86:10

Erü cuxicatama nixĩ nax Tupana quixĩxü̃. Rü cuma nixĩ i nüxü̃ cucua̱xüchixü̃ rü cunaxüxü̃ i ngẽma taxü̃ i mexü̃gü i curü poramaxã cuxüxü̃.

Wiyaegü 78:68

Rü yemaca̱x nüxü̃ naxuneta nax Yudátanüxü̃wa ne naxĩxü̃ ga norü duü̃xü̃güarü ãẽ̱xgacügü. Rü nüxü̃ naxuneta ga ma̱xpǘne ga Chióü̃ nax gumawa nayexmaxü̃ca̱x ga napata.

Wiyaegü 65:1

Rü cumax, Pa Tupanax i Chióü̃gu Ãpataxex, rü name nixĩ i cuxü̃ ticua̱xüü̃gü rü cupe̱xewa tayanguxẽxẽ i ngẽma unetagü i cumaxã nüxü̃ tixuxü̃.

Wiyaegü 47:8

Rü ngẽma yatügü i tachigaxü̃ i guxü̃ i nachixü̃anegüwa ngẽxmagüxü̃ rü namaxã nangutaque̱xe i ngẽma duü̃xü̃gü i Abraáü̃arü Tupanaaxü̃́ yaxõgüxü̃. Rü nüma ya Tupana rü norü tochicaxü̃ i üünexü̃wa narüto rü guxü̃ma i nachixü̃anegüarü ãẽ̱xgacügümaxã inacua̱x. Rü nüma rü guxü̃étüwa nangẽxma.

Wiyaegü 46:1

Nüma ya Tupana rü tórü poxü̃ruxü̃ nixĩ rü tórü poraxẽẽruxü̃ nixĩ. Rü nüma rü tüxü̃ narüngü̃xẽxẽ ega guxchaxü̃ taxca̱x ínguxgux.

Wiyaegü 2:6

—Choma rü marü nüxü̃ chaxuneta ya yimá ãẽ̱xgacü ya choma chanaxwa̱xecü nax yima ma̱xpǘne ya üünene ya Chióü̃wa ãẽ̱xgacü yixĩxü̃ca̱x —ñanagürü.

Popera ga Yudíugü ga yaxõgüxü̃ca̱x ümatüxü̃ 12:22

Erü ñu̱xma i pema rü marü nüxna pengaicamagü ya yima ma̱xpǘne ya Chióü̃ ya yimá Tupana ya Maxü̃cüarü ĩane ya daxũgune ya Yerucharéü̃. Rü marü nüxna pengaicamagü i ngẽma muxũchixü̃ma i norü orearü ngeruü̃gü i daxũcüã̱x i Tupanaxü̃ icua̱xüü̃güxü̃.

Abdía 1:17

Natürü Chióü̃arü ma̱xpǘne ya chopata nawa yexmane rü wüxi i nachica i üünexü̃ nixĩ. Rü ngéma tá naxĩ i duü̃xü̃gü nax ngẽma ãũcümaxü̃wa yabuxmüxü̃ca̱x. Rü ngẽma Acóbutanüxü̃ rü wena táxarü nanayauxgü i norü naanegü.

Yeremía 31:23

Rü Cori ya Guxãétüwa Ngẽxmacü ya Iraétanüxü̃arü Tupana rü ñanagürü: —Ngẽxguma chanawoeguxẽẽgu i ngẽma Yudátanüxü̃ nawa i ngẽma nachixü̃ane i ñu̱xma nawa muruü̃gü yaxĩgüxü̃, rü ngẽxguma wenaxarü ñaa naanewa rü norü ĩanegüwa nangẽxmagügu, rü ñanagürügü tá: “Pa Ma̱xpǘne ya Üünene ya Chióü̃x, ¡Tupana cuxü̃ rüngü̃xẽxẽ, erü cuwa nixĩ ya Tupana mea norü duü̃xü̃gümaxã inacuáxü̃!” ñanagürügü tá.

Ichaía 27:13

Rü ngẽma ngunexü̃gu rü tá nagu nicue ya yimá cornéta ya tagane. Rü ngẽma Iraétanüxü̃ i Achíriaanegu woonexü̃ rü ñu̱xũchi ngẽma Equítuanewa gagüxü̃ rü tá Yerucharéü̃ca̱x nawoegu. Rü yima ma̱xpǘne ya üünenewa tá Cori ya Tupanaxü̃ nicua̱xüü̃gü.

Wiyaegü 147:5

Rü nüma ya tórü Tupana rü guxü̃étüwa ücü nixĩ rü naporaxüchi. Rü norü cua̱x rü taguma inayagu̱x.

Wiyaegü 30:1

Pa Cori Pa Tupanax, cuxü̃ chicua̱xüxü̃ erü cuma nixĩ i chorü da̱xawewa choxü̃ ícurüdaxẽẽamaxü̃ rü ngẽmaca̱x tama chayu. Erü cuma rü nüxna cunachu̱xu nax choxü̃ nacugüexü̃ i chorü uanügü.

Neemía 9:5

Rü ñu̱xũchi yema Lebítanüxü̃ ga Yochué, rü Caxmié, rü Baní, rü Achaxnía, rü Cherebía, rü Odía, rü Chebanía rü Petaía rü duü̃xü̃güxü̃ ñanagürügü: —¡Ẽcü, ipechigü rü ñu̱xma rü guxü̃guma nüxü̃ picua̱xüü̃gü ya Cori ya Tupana! Rü naéga rü naxüüne rü guxü̃étüwa nangẽxma. Rü ngẽmaca̱x name nixĩ i nüxü̃ ticua̱xüü̃gü —ñanagürügü.

Wiyaegü 42:1

Rü ñoma wüxi i cowü i ta̱xawaxüchixü̃ i natüca̱x dauxü̃rüxü̃ chixĩ nax cuxca̱x chadauxü̃, Pa Chorü Tupanax.