Wiyaegü 47:4 - Tupanaarü Ore

⁴ Rü nümatama ya Cori ya Tupana nixĩ ga nüxü̃ naxunetaxü̃ i ñaa norü naane nax guxü̃gutáma tóxrü yixĩxü̃ca̱x. Rü ñaa naanemaxã tataãẽgü i yixema i Acóbutanüxü̃ nax Tupana poraãcü tüxü̃ ngechaü̃güxü̃.

Wiyaegü 47:4 Referans Kwoze

Nüxíraxü̃xü̃ ga popera ga Pedru ümatüxü̃ 1:4

Rü pema rü wüxi i ngunexü̃gu tá penayauxgü i guxü̃ma i ngẽma mexü̃gü ya Tupana tá pexna ãxü̃ i ñu̱xma daxũguxü̃ i naanegu pexü̃́ namaxã nanguxü̃xü̃. Rü ngẽma mexü̃gü ya Tupana tá pexna ãxü̃ rü tagutáma nachixe, rü tagutáma naxãũãchi, rü tagutáma nangau.

Naúü̃ 2:2

Erü nüma ya Cori ya Tupana rü wena tá ínanadagüxẽxẽ i ngẽma Acóbutanüxü̃ nax noxrirüxü̃ naporaexü̃ca̱x. Yerü yexguma nadeãcugüagu ga Iraéane rü Yudáane rü ñoma úbane ga ngechacüxüxü̃rüxü̃ãcü yéma nanata̱xgü.

Amúx 6:8

Rü nüma ya Cori ya Tupana rü nügüégagu nanaxuegu. Rü Cori ya Tupana ya Guxãétüwa Ngẽxmacü rü nüxü̃ nixu rü ñanagürü: —Choma rü naxchi chaxai nax nügü yacua̱xüü̃güxü̃ i ngẽma Acóbuarü duü̃xü̃gü. Rü tama namaxã chataãxẽ ya yima norü ãẽ̱xgacüpatagü ya mexẽchine. Rü norü uanügüme̱xẽwa tá chanangexmagüxẽxẽ ya yima norü ĩane namaxã i guxü̃ma i ngẽma nawa ngẽxmaxü̃ —ñanagürü.

Amúx 8:7

Rü ñanagürü ta: —Choma ya perü Cori ya Tupana rü Acóbuégagu pemaxã nüxü̃ chixu rü tagutáma nüxü̃ charüngüma ga yema chixexü̃ ga pexügüxü̃.

Ochéa 14:4

Rü ñanagürü ya Cori ya Tupana: —Ngẽma duü̃xü̃gü i tama chauga ĩnüexü̃ rü tá chaugümaxã ichanangüxmüexẽxẽ. Rü tá nüxü̃ changechaü̃ama woo tamachire̱x ngẽma nixĩ i norü natanü. Erü marü choxü̃ nangupetü nax namaxã chanuxü̃.

Efesios 1:18

Rü Tupanana naxca̱x chaca nax nümatama pexü̃ yango̱xnaãẽxẽẽxü̃ca̱x, nax nüxü̃ pecuáxü̃ca̱x nax ta̱xacü yixĩxü̃ i ngẽma ípenangu̱xẽẽxü̃ i naxca̱x pexca̱x naca̱xaxü̃ rü pexü̃ nadexü̃. Rü nüxna naxca̱x chaca nax pexü̃ nüxü̃ nacua̱xẽẽxü̃ca̱x nax namexẽchixü̃ i ngẽma maxü̃ i taguma gúxü̃ i nüma norü duü̃xü̃güca̱x namexẽẽxü̃ i daxũguxü̃ i naanewa.

Ore i mexü̃ ga Matéu ümatüxü̃ 25:34

Rü ngẽxguma i nüma ya Ãẽ̱xgacü rü tá ñanarügü nüxü̃ i ngẽma norü tügünecüwawa ngẽxmagüxü̃: “¡Nua pexĩ i pemax ya Chaunatü mexü̃ pemaxã uegugüxe! ¡Rü nüma ãẽ̱xgacü íyixĩxü̃wa pichocu rü penayaxu i pechica ga noxritama naane naxü̱xgu pexca̱x namexẽẽxü̃!

Maraquía 1:2

Rü nüma ya Cori ya Tupana rü ñanagürü: —Choma rü pexü̃ changechaü̃ —ñanagürü. Natürü i pemax rü penangãxü̃ rü ñapegürügü nüxü̃: —¿Ñuxãcü nüxü̃ tacua̱x nax toxü̃ cungechaxü̃xü̃? —ñapegürügü nüxü̃. Rü nüma ya Cori ya Tupana rü pexü̃ nangãxü̃ rü ñanagürü: —Choma rü guma nũxcümaü̃cü ga perü o̱xi ga Acóbuxü̃ changechaü̃ rü ngẽmawa pexü̃ chanawe̱x nax poraãcü pexü̃ changechaü̃xü̃. Rü woo nügüenexẽgü nax yixĩgüxü̃, natürü Acóbuxü̃ changechaü̃ rü Echaúxü̃ chaxo. Rü tama Echaúmaxã chataãxẽ rü yemaca̱x norü naane i máxpü̱xanexü̃ nax yixĩxü̃ rü chianexü̃xü̃ chananguxuchixẽxẽ, rü naeü̃gü i düraexü̃ nawa changexmagüxẽxẽ —ñanagürü.

Echequié 20:6

Rü yematama ngunexü̃gu rü namaxã nüxü̃ chixu nax Equítuanewa tá íchanagaxü̃xü̃ rü ngẽma naane ga chomatama nüxü̃ chaxunetaxü̃wa tá chanagagü. Rü ngẽma nachixü̃anearü naane rü guxü̃ma i ngẽma togü i nachianexü̃ narümemae. Rü ngéma rü yima lechi rü berure rü ñoma dexárüxü̃ taguma nataxu.

Yeremía 3:19

Pa Iraétanüxü̃x, choma rü ñoma chaunegüãcüma pexü̃ chayaxu, rü ñu̱xũchi wüxi ga naane ga mexẽchixü̃ pexna chaxã. Rü yema rü guxü̃ ga naanexü̃ rümemaexü̃ nixĩ. Rü choma nüxü̃ chacua̱xgu rü yemaca̱x chi: “Tonatü”, ñaperügü choxü̃, rü ñu̱xũchi taguchima choxna pixĩgachi.

Ichaía 60:15

Rü yexguma pexna yaxũgachigu ga yema togü ga duü̃xü̃gü rü pexchi naxaie rü taxúema perü ĩanearü namagüwa naxüpetü. Natürü i ñu̱xma i choma rü tá pexü̃ charüngü̃xẽxẽ nax petachigaxü̃ca̱x rü guxü̃gutáma taãẽwa pengẽxmagüxü̃ca̱x.

Wiyaegü 16:3

Rü ngẽma duü̃xü̃gü i cuxü̃́ yaxõgüxü̃ rü naporae, rü choma rü aixcüma namaxã chataãxẽ.

Wenaxarü naxümatü ga Tupanaarü mugü 11:12

Ngẽma rü wüxi i naane i Cori ya Tupanatama nüxna dauxü̃ nixĩ. Nüma rü guxcüma ya taunecügu nüxna nadau.

Wenaxarü naxümatü ga Tupanaarü mugü 33:3

Rü nüma ya Cori ya Tupana rü norü duü̃xü̃güxü̃ nangechaxü̃, rü nüxna nadau i ngẽma naga ĩnüexü̃. Rü nümagü rü nape̱xegu nacaxã́pü̱xügü rü ínanangu̱xuxẽẽgü i norü ucu̱xẽgü.