Wiyaegü 47:3 - Tupanaarü Ore

³ Rü nüma rü taxme̱xwa nanangexmagüxẽxẽ i guxü̃ma i nachixü̃anegü nax namaxã icuáxü̃ca̱x.

Wiyaegü 47:3 Referans Kwoze

1 Corintios 15:25

Erü nüma ya Cristu rü ãẽ̱xgacü tá nixĩ ñu̱xmatáta nüxü̃ naporamae i guxü̃ma i norü uanügü.

Wiyaegü 18:47

Rü Tupana nixĩ ya chorü uanügüxü̃ choxü̃ rüporamaexẽẽcü rü cho̱xme̱xgu nayixẽẽcü i ngẽma togü i nachixü̃anegüarü duü̃xü̃gü.

Wiyaegü 110:1

Rü nüma ya Tupana rü chorü Corixü̃ ñanagürü: —¡Chorü tügünecüwawa rüto rü ñu̱xmatáta i ngẽma curü uanügü rü curü chicutüxü̃ chayaxĩxẽẽgü! —ñanagürü.

Filipenses 3:21

Rü ñaa taxü̃ne i yuxwa̱xexü̃ rü nüma ya Cristu tá nanaxüchicüxü nax naxü̃ne i üünexü̃rüxü̃ yixĩxü̃ca̱x. Rü ngẽma norü pora i namaxã guxü̃étüwa nangẽxmaxü̃maxã tá nixĩ i naxüchicüüãxü̃ i ngẽma taxü̃ne nax noxrürüxü̃ yixĩxü̃ca̱x.

Wenaxarü naxümatü ga Tupanaarü mugü 33:29

¡Pa Iraétanüxü̃x, petaãxẽgü! Pema rü taxúema pemaxã tawüxigu erü nümatama ya Cori ya Tupana nixĩ i pexü̃ ínapoxü̃xü̃, rü pexü̃ nangü̃xẽẽxü̃. Rü nüma nixĩ i perü tara i namaxã perü uanügüxü̃ pedaixü̃. Rü perü uanügü rü pepe̱xegu tá nacaxã́pü̱xügü. Rü pema rü tá penaxãnexẽxẽ rü penapu̱xcuchigüama —ñanagürü ga Moiché.

Yochué 21:44

Cori ya Tupana rü nayanguxẽxẽ ga norü uneta, rü taãxẽwa nanayexmagüxẽxẽ ga guxü̃wama ga yema naanewa. Rü norü uanügü rü taxuxü̃ma ga ta̱xacürü chixexü̃ namaxã naxüe, yerü Cori ya Tupana rü Iraétanüxü̃me̱xẽgu nanayixẽxẽ ga guxü̃ma ga yema norü uanügü.

Wiyaegü 66:5

¡Rü nua pexĩ nax nüxü̃ pedaugüxü̃ca̱x i ngẽma taxü̃ i mexü̃gü i duü̃xü̃güca̱x naxüxü̃ ya Tupana!

Wiyaegü 95:3

Erü nüma ya Cori ya Tupana rü naporaxüchi rü naétüwa naxü i guxü̃ma i ngẽma tupanagüneta ixĩgüxü̃.

Wiyaegü 99:2

Rü nüma ya Cori ya ma̱xpǘne ya Chióü̃gu ãchiü̃cü rü guxü̃étüwa nangẽxma. Rü nüma nixĩ i guxü̃ma i nachixü̃anecüã̱x i duü̃xü̃gümaxã inacuáxü̃.

Yeremía 10:7

Rü tataxuma ya texé i ñoma i naanewa i tama cuxü̃ muü̃xe Pa Guxü̃ i Nachixü̃anearü Ãẽ̱xgacüx. Rü cumawaxi nixĩ i namexü̃ nax cuxü̃ tamuü̃exü̃. Rü natanüwa i guxü̃ma i ngẽma nüxü̃ cua̱xüchixü̃ rü ãẽ̱xgacügü ixĩgüxü̃ i ñoma i naanewa ngẽxmagüxü̃, rü nataxuma i to i cumaxã wüxiguxü̃.

Chacaría 14:9

Rü ngẽma ngunexü̃gu rü nüma ya Cori ya Tupana rü ãẽ̱xgacü tá nixĩ nawa i ñoma i naane. Rü nüxica tátama nixĩ ya Tupana yixĩxü̃ rü nataxutama i to i naéga i duü̃xü̃gü nüxü̃ icua̱xüü̃güxü̃.

Maraquía 1:14

¡Rü guxchaxü̃ namaxã chaxuegu i ngẽma idorata̱xáxü̃ i chomaxã nüxü̃ ixuxü̃ nax naxü̃natanüwa tá wüxi i naxü̃na i mexü̃ choxna muxü̃, natürü chixemarexü̃ nixĩ i cha̱u̱xca̱x yamáxü̃! Rü choma nixĩ i Ãẽ̱xgacü ya Guxãétüwa Changexmaxü̃, rü choxü̃ nixĩ i namuü̃exü̃ i guxü̃ma i nachixü̃anecüã̱xgü —ñanagürü ya Tupana ya Guxü̃étüwa Ngẽxmacü.