Wiyaegü 45:3 - Tupanaarü Ore

³ Pa Poracüx ¡ẽcü cugücüwawa yanga̱xcuchi i ngẽma curü tara! Rü ngẽma nixĩ i curü poraarü cua̱xruxü̃ ixĩxü̃.

Wiyaegü 45:3 Referans Kwoze

Popera ga Yudíugü ga yaxõgüxü̃ca̱x ümatüxü̃ 4:12

Erü Tupanaarü ore rü namaxü̃ rü naporaxüchi. Rü wüxi i tara i guxü̃cüwawa mea waixmaguxü̃arü yexera nixĩ nax natéxü̃. Erü ngẽma ore rü tawa nixücu ñu̱xmata taãẽwa nangu, rü ñu̱xmata nawa nangu i ngẽma wüxichigü nagu rüxĩnüxü̃. Rü ngẽmaãcü meama nanango̱xẽẽãma i guxü̃ma i ngẽma yixicatama nagu rüxĩnüxü̃ rü tüxü̃́ ngúchaü̃xü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:16

Rü norü tügüneme̱xẽwa nüxü̃́ nayexma ga 7 ga woramacurigü. Rü naã̱xwa ínaxũxũ ga wüxi ga tara ga guxü̃cüwawa téxü̃. Rü nachiwe rü ñoma üa̱xcü poraãcü ngu̱xetügurüxü̃ nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:15

Rü naã̱xwa ínaxũxũ ga wüxi ga tara ga guxü̃cüwawa téxü̃ nax yemamaxã nüxü̃ naporamaexü̃ca̱x i guxü̃ma i nachixü̃anegü. Rü nüma rü poraãcü tá namaxã inacua̱x. Rü ñoma úbagü i norü ma̱i̱xruü̃wa ima̱i̱xtüü̃xü̃rüxü̃ tá nixĩ nax napoxcueãxü̃ namaxã i ngẽma poxcu ya Tupana ya Guxü̃étüwa Ngẽxmacü norü numaxã mexẽẽxü̃.

Ichaía 49:2

Rü Tupana rü ñoma tara i meama téxü̃rüxü̃ nayaxĩxẽxẽ ya chorü conü, rü naxme̱xmaxã choxü̃ ínapoxü̃. Rü ñoma ochagu ya meama ãmaguxnerüxü̃ choxü̃ nixĩxẽxẽ rü nachixü̃gu chomaxã nanguxü̃.

Wiyaegü 96:6

Rü nüma ínangexmaxü̃wa rü nangóone. Rü napatawa nangẽxma i pora rü guxü̃ma namexẽchi.

Wiyaegü 21:5

Rü cuma rü norü uanügüxü̃ cunaporamaexẽxẽ, rü ngẽmaca̱x natachiga ya yimá ãẽ̱xgacü. Rü cuma rü nüxü̃ curüngü̃xẽxẽ rü ngẽmaca̱x namaxã nataãẽgü i duü̃xü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:21

Rü yema tara ga gumá cowaruétüwa rütocüa̱xwa ixũxũxü̃maxã nanadai ga yema ngo̱xogüarü churaragü. Rü guxü̃ma ga ngurucugü, rü yemamachimaxã nangãxcharaü̃gü.

Popera ga Yudíugü ga yaxõgüxü̃ca̱x ümatüxü̃ 8:1

Rü ngẽma pemaxã nüxü̃ tixuxchaü̃xü̃ i ñu̱xma nixĩ nax Tupanape̱xewa tüxü̃́ nangẽxmaxü̃ ya tórü ngü̃xẽẽruxü̃ ya chacherdóte ya Guxü̃étüwa Ngẽxmacü. Rü nüma rü daxũguxü̃ i naanewa i Tupanaarü tochicaxü̃arü tügünecüwawa narüto.

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

Romanos 14:9

Rü yemaca̱x nixĩ ga nayuxü̃ ga Cristu rü wenaxarü namaxü̃xü̃ nax tümaarü Cori yixĩxü̃ca̱x ga guxãma ga guxema yaxõgüxe ga marü yuexe rü guxãma ya yíxema yaxõgüxe ya ñu̱xma rü ta maxẽxe.

Wiyaegü 145:12

Rü ngẽmaãcü tá duü̃xü̃gü nüxü̃ nacua̱x nax ñuxãcü cuporaxüchixü̃ rü ñuxãcü ãẽ̱xgacü ya üünecü quixĩxü̃.

Wiyaegü 145:5

Rü choma rü tá nüxü̃ chixu nax ñuxãcü torü ãẽ̱xgacü ya üünecü nax quixĩxü̃ i cumax. Rü tá nüxü̃ chixu i ngẽma mexü̃gü i toxca̱x cuxüxü̃.

Wiyaegü 104:1

Rü guxü̃ma i chorü ĩnümaxã tá nüxü̃ chicua̱xüxü̃ ya Cori ya Tupana. Erü cumax, Pa Cori Pa Chorü Tupanax, rü guxü̃étüwa cungexma rü cuxüüne rü cunangóonexẽxẽ.

Ngechuchuarü ngúexü̃gü ga yamugüxü̃arü puracüchiga 10:36

Rü nüma ga Tupana rü Iraétanüxü̃tanüwaxíra nanamu ga norü ore rü nüxü̃ nixu ga yema ore ga mexü̃ nax nüma rü duü̃xü̃gümaxã nangüxmüxü̃ i ngẽxguma Ngechuchu ya Cristu ya guxãarü Cori ixĩcüaxü̃́ yaxõgüãgu.

Ãẽ̱xgacügü ga guxchaxü̃güarü mexẽxẽruü̃gü 3:16

Natürü naxü̃pa ga nax inaxũachixü̃ ga Aóx rü wüxi ga tara ga taxrewa ãmaguxü̃ ga ngãxü̃ ga metrugu ixüxü̃ naxü. Rü norü goyexü̃wa nanatuxẽxẽ ga norü tügünecüwawa. Rü ñu̱xũchi inaxũãchi nax Iraétanüxü̃arü ngetanü yaxütanüxü̃ca̱x naxü̃tawa ga ãẽ̱xgacü ga Eglóü̃ ga íngüxüchixü̃.

Yox 1:16

Rü taũtama yagúegayane ga yema yatü rü to ga yatü yéma nangu rü ñanagürü: —Wüxi ya ãẽmacü yexma nangu rü wüxigu norü dauruü̃gümaxã nanadai i ngẽma carnérugü. Rü chaxicatama chiña nax cumaxã nüxü̃ chayarüxuxü̃ca̱x —ñanagürü.

Wiyaegü 21:7

Rü nüma ya ãẽ̱xgacüx, rü Cori ya Tupanaaxü̃́ nayaxõ. Rü yimá Guxãmaxã Icuácü rü poraãcü yima ãẽ̱xgacüxü̃ nangechaü̃, rü ngẽmaca̱x tagutáma chixexü̃gu nangu.

Charumóü̃arü wiyae 2:3

Yimá ngextü̱xücü ya choxü̃ ngúchaü̃cü rü guxü̃ma i yatügütanüwa rü ñoma nanetü i manzana i naixnecüarü naigütanüwa rüxüxü̃rüxü̃ nixĩ. Rü chataãxẽ nax norü gáuxchipetatüxü̃wa charütoxü̃. Rü namaixcuraxüchi i ngẽma norü o.

Charumóü̃arü wiyae 5:13

Rü namatügü rü nimexẽchi ñoma putüraanecügü i chiacaemaxü̃rüxü̃. Rü naberagü rü namexẽchi ñoma putüragü i líriugü i míra nawa ichuruxü̃rüxü̃.