Wiyaegü 45:2 - Tupanaarü Ore

² Rü cumax, Pa Ãẽ̱xgacüx, rü guxü̃ i yatügüxü̃ curümemae. Rü ngẽma curü dexa i cua̱xwa ixũxũxü̃ rü namexẽchi. Erü ya Tupana rü guxü̃guma cuxü̃ narüngü̃xẽxẽ.

Wiyaegü 45:2 Referans Kwoze

Ore i mexü̃ ga Luca ümatüxü̃ 4:22

Rü guxü̃ma ga duü̃xü̃gü rü mea Ngechuchuchiga nidexagü. Rü naba̱i̱xãchiãẽgü namaxã ga yema ore ga mexü̃ ga namaxã nüxü̃ yaxuxü̃. Rü nügüna nacagü rü ñanagürügü: “¿Taux ẽ̱xna daa yixĩxü̃ ya Yúche nane?” ñanagürügü.

Popera ga Yudíugü ga yaxõgüxü̃ca̱x ümatüxü̃ 7:26

Rü ñu̱xma rü Ngechuchu rü Chacherdóte ya Guxü̃étüwa Ngẽxmacü nixĩ ya inaxwa̱xecü. Erü nüma rü aixcüma naxüüne, rü nawa nataxuma i chixexü̃, rü nangearü pecaduã̱x, rü taguma duü̃xü̃gürüxü̃ pecadu naxü. Rü nüma nixĩ i daxũguxü̃ i naaneétüwa ngẽxmaxü̃ rü namaxã inacuáxü̃.

Ore i mexü̃ ga Cuáü̃ ümatüxü̃ 7:46

Rü yema purichíagü rü nanangãxü̃gü rü ñanagürügü: —Taguma texé tidexa i ngẽma yatü idexaxü̃rüxü̃ —ñanagürügü.

Wiyaegü 21:6

Rü cuma rü guxü̃guma nüxü̃ curüngü̃xẽxẽ. Rü naxü̃tawa cungexmaecha rü ngẽmaca̱x poraãcü nataãẽxü̃chi.

Ore i mexü̃ ga Cuáü̃ ümatüxü̃ 1:14

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

Charumóü̃arü wiyae 2:3

Yimá ngextü̱xücü ya choxü̃ ngúchaü̃cü rü guxü̃ma i yatügütanüwa rü ñoma nanetü i manzana i naixnecüarü naigütanüwa rüxüxü̃rüxü̃ nixĩ. Rü chataãxẽ nax norü gáuxchipetatüxü̃wa charütoxü̃. Rü namaixcuraxüchi i ngẽma norü o.

Ucu̱xẽgüchiga 22:11

Nüma ya ãẽ̱xgacü rü tümamaxã nataãxẽ ya yíxema ixaixcümáxe, rü tümamaxã naxãmücü ya yíxema mexü̃ i oremaxã idexáxe.

Ore i mexü̃ ga Matéu ümatüxü̃ 17:2

Rü yéma yema ngúexü̃güpe̱xewa rü toraxü̃ãcü nango̱x ga Ngechuchu. Rü üa̱xcürüxü̃ niyauracüxü ga nachiwe. Rü naxchiru rü nacómüxü̃chi, rü ñoma ngóonexü̃rüxü̃ nixĩ.

Chacaría 9:17

Rü ngẽma nachixü̃ane rü tá namexẽchi. Rü ngẽma nax namuarü triguã̱xgü rü bínuã̱xgü rü ngẽma ngextü̱xücügü rü pacügü rü tá mea nayae.

Ichaía 61:1

Tupanaãxẽ i Üünexü̃ rü chowa nangẽxma, erü Tupana rü choxü̃ naxuneta rü choxü̃ inamuãchi nax yíxema ngearü diẽruã̱xgüxemaxã nüxü̃ chixuxü̃ca̱x i mexü̃ i ore rü tüxü̃ chataãẽxẽẽgüxü̃ca̱x ya yíxema naxĩ̱xãchiãẽgüxe. Rü choxü̃ naxuneta nax yíxema to i nachixü̃anewa gagüxemaxã nüxü̃ chixuxü̃ca̱x nax paxa tá ítanguxü̃xü̃ rü yíxema poxcupataxü̃wa ngẽxmagüxe rü tá ta ítanguxü̃xü̃

Ichaía 50:4

Rü choma i Ichaía rü ñachagürü: —Tupana rü choxü̃ nangu̱xẽxẽ nax norü ore i taãxẽ tüxna ãxü̃maxã chayaxucu̱xẽgüxü̃ nax naporaexü̃ca̱x i ngẽma ipaexü̃ rü ngúxü̃ ingegüxü̃. Rü guxü̃ i pa̱xmama rü Tupana choxü̃ ínarüdaxẽxẽ nax wüxi i ngúetanüxü̃ i mexü̃rüxü̃ nüxü̃ chaxĩnüxü̃ca̱x i norü ngu̱xẽẽtae.

Ucu̱xẽgüchiga 5:2

Ngẽmaãcü tá cuãẽxü̃ cucua̱x rü nüxü̃ cucuáãcüma tá quidexa.

Ichaía 33:17

Rü wenaxarü tá nüxü̃ pedau ya ãẽ̱xgacü ya norü ãẽ̱xgacüchirugu icúcü. Rü ngẽma norü üyeanegü i tachixü̃ane rü yáxü̃wa nangu.