Wiyaegü 45:1 - Tupanaarü Ore

¹ Chauãxẽwa nangu i mexü̃ i dexagü, rü chorü conü rü ñoma wüxi i ümatüxü̃ruü̃rüxü̃ nixĩ. Rü ñaa chorü ore i chaxümatüxü̃ rü ãẽ̱xgacüpe̱xewa tá nüxü̃ chixu.

Wiyaegü 45:1 Referans Kwoze

Wiyaegü 49:3

Rü ñu̱xmax rü tá chidexa namaxã i ore i cua̱x tüxna ãxü̃. Rü choma rü chauãẽxü̃ chacuáãcüma tá nüxü̃ chixu i ngẽma nagu charüxĩnüxü̃.

Yox 33:3

Rü ore i aixcüma ixĩxü̃maxã tá chidexa. Rü aixcüma tá cumaxã nüxü̃ chixu i ngẽma nagu charüxĩnüxü̃.

2 Chamué 23:2

—Tupanaãxẽ ya Üünecü rü chowa narüdexa rü norü ore rü chorü conüwa nangẽxma.

Ucu̱xẽgüchiga 16:23

Yíxema meama nagu rüxĩnüxe, rü ore i mexü̃xü̃ tixu, rü ngẽma tümaarü dexa rü guxããẽwa name.

Norü taxre ga popera ga Pedru ümatüxü̃ 1:21

Yerü taxuxü̃ma ga yema Tupanaarü orearü uruxü̃ rü nüechamatama nügüãẽwa nanayaxu ga yema ore ga nüxü̃ yaxugüexü̃. Natürü yexguma yema orexü̃ yaxugüegu, rü Naãxẽ ya Üünexü̃ nixĩ ga yadexagüxẽẽxü̃.

Ichaía 5:1

Rü yimá chomücü i nüxü̃ changechaü̃cüarü úbanecügu tá chawiyae. Rü yimá chomücü rü wüxi ga naane ga mexü̃wa nüxü̃́ nayexma ga wüxi ga úbanecü.

Wiyaegü 69:1

¡Choxü̃ rüngü̃xẽxẽ, Pa Chorü Tupanax! Erü ngẽmatama nagu changu i taxü̃ i guxchaxü̃.

Yox 34:4

Rü ngẽmaca̱x name nax mea nangugüxü̃ i ñaa Yoxarü guxchaxü̃ nax ngẽmaãcü nüxü̃ icuáxü̃ca̱x nax ngexü̃rüüxü̃ yixĩxü̃ i ngẽma ore i wéxü̃.

Efesios 5:32

Rü ngẽma orewa nango̱x i ngẽma ẽxü̃guxü̃ ga noxri Tupanaxicatama nüxü̃ cuáxü̃. Rü ngẽmagu chanangu nax Cristu rü ngẽma yaxõgüxü̃ rü wüxitama yaxĩgüxü̃.

Ore i mexü̃ ga Matéu ümatüxü̃ 27:37

Rü norü curuchatape̱xewa nayapocuchigü ga wüxi ga mürapewa ga ãégatachinüxü̃ ga nüxü̃ ixuxü̃ ga ta̱xacüca̱x Ngechuchuxü̃ curuchawa yapotagüxü̃. Rü yema mürapewagu ümatüxü̃ rü ñanagürü: “Daa nixĩ ya Ngechuchu ya Yudíugüarü Ãẽ̱xgacü”, ñanagürü.

Charumóü̃arü wiyae 1:12

Rü ngẽxguma cumax, Pa Ãẽ̱xgacüx, mechawa curütoxgu, rü chorü pumara rü cuxü̃ napa.

Wiyaegü 2:6

—Choma rü marü nüxü̃ chaxuneta ya yimá ãẽ̱xgacü ya choma chanaxwa̱xecü nax yima ma̱xpǘne ya üünene ya Chióü̃wa ãẽ̱xgacü yixĩxü̃ca̱x —ñanagürü.

Édra 7:6

Rü nüma ga Édra rü wüxi ga ngu̱xẽẽtaeruxü̃ nixĩ, rü meama nüxü̃ nacua̱x ga Tupanaarü mugü ga Moiché ümatüxü̃. Rü wüxi ga ngunexü̃gu rü ãẽ̱xgacü ga Artayérena naca nax Yerucharéü̃ca̱x namueguaxü̃ca̱x. Rü nüma ga ãẽ̱xgacü rü naga naxĩnü, yerü Tupana rü poraãcü Édraxü̃ narüngü̃xẽxẽ. Rü yemaacü ga Édra rü Babiróniaanewa inaxũãchi rü Yerucharéü̃ca̱x nataegu.

Ore i mexü̃ ga Matéu ümatüxü̃ 25:34

Rü ngẽxguma i nüma ya Ãẽ̱xgacü rü tá ñanarügü nüxü̃ i ngẽma norü tügünecüwawa ngẽxmagüxü̃: “¡Nua pexĩ i pemax ya Chaunatü mexü̃ pemaxã uegugüxe! ¡Rü nüma ãẽ̱xgacü íyixĩxü̃wa pichocu rü penayaxu i pechica ga noxritama naane naxü̱xgu pexca̱x namexẽẽxü̃!

Ore i mexü̃ ga Matéu ümatüxü̃ 12:35

Wüxi ya mecü ya yatü rü mexü̃ i orexü̃ nixu, erü naãxẽwa rü aixcüma mexü̃gu narüxĩnü. Natürü wüxi i yatü i chixecümaxü̃ rü chixexü̃ i orexü̃ nixu, erü naãẽwa rü chixexü̃gu narüxĩnü.

Wiyaegü 80:1

Pa Cori Pa Tupana Pa Iraétanüxü̃arü Dauruxü̃x, rü cuma nixĩ i carnérugürüü̃ãcü Yúchetanüxü̃maxã icucuáxü̃. Rü cuma nax ngẽma taxre i daxũcüã̱xchicüna̱xãgü i ixãxpe̱xatüxü̃arü ngãxü̃wa nax curütoxü̃ ¡rü nüxü̃ naxĩnü i torü yumüxẽ! ¡Rü toxü̃ nangechaxü̃ãcüma mea nüxü̃ nadawenü ya Efraíü̃tanüxü̃ rü Bẽyamíü̃tanüxü̃ rü Manachétanüxü̃! ¡Rü inachi, rü nua naxũ nax curü poramaxã toxü̃ ícunguxü̃xẽẽxü̃ca̱x!

Wiyaegü 42:1

Rü ñoma wüxi i cowü i ta̱xawaxüchixü̃ i natüca̱x dauxü̃rüxü̃ chixĩ nax cuxca̱x chadauxü̃, Pa Chorü Tupanax.