Wiyaegü 44:8 - Tupanaarü Ore

⁸ Rü guxü̃guma cumaxã togü ticua̱xüü̃gü, Pa Tupanax. Rü guxü̃gutáma nüxü̃ ticua̱xüxü̃ i cuéga.

Wiyaegü 44:8 Referans Kwoze

Wiyaegü 34:2

Rü chauãẽwa Cori ya Tupanaxü̃ chicua̱xüxü̃. Rü ngẽma mexü̃gu rüxĩnüexü̃ rü tá nüxü̃́ naxĩnüe i chorü ore i namaxã nüxü̃ chicua̱xüxü̃, rü tá nataãẽgü.

Yeremía 9:24

Natürü ngẽxguma texé tügü icua̱xüxü̃chaü̃gu rü name i tügü ticua̱xüxü̃ naxca̱x nax choxü̃ tacuáxü̃. Rü ẽcü tügü ticua̱xüxü̃ naxca̱x nax nüxü̃ tacuáxü̃ nax choma nax tümaarü Cori ya Tupana chixĩxü̃ rü ñoma i naanewa nüxü̃ changechaü̃xü̃ i duü̃xü̃gü rü mea namaxã nax ichacuáxü̃ rü aixcüma nawe̱xguxü̃ i chorü ĩnü. Rü ngẽma nixĩ i namaxã chataãẽxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Romanos 2:17

Natürü pema Pa Chauenexẽgü Pa Yudíugüx, rü ñaperügügü: “Toma rü Yudíugü tixĩgü rü meama nüxü̃ tacua̱x i Tupanaarü mugü ga Moiché ümatüxü̃”, ñaperügügü. Rü ngẽmaãcü Tupanamaxã pegü picua̱xüü̃gü erü nagu perüxĩnüe nax Tupana pexü̃ nangechaü̃xü̃ erü Yudíugü pixĩgü.

Ichaía 45:25

Rü guxü̃ma i Iraétanüxü̃ rü chaugagu tá narüporamaegü rü tá chomaxã nügü nicua̱xüü̃gü —ñanagürü.

Wiyaegü 30:12

Rü ngẽmaca̱x wiyaegümaxã tá cuxü̃ chicua̱xüxü̃ rü guxü̃gutáma moxẽ cuxna chaxã.

Wiyaegü 106:10

Rü yemaacü nixĩ ga norü uanügü ga naxchi aiexü̃me̱xẽwa ínanguxü̃xẽẽãxü̃.