Wiyaegü 44:5 - Tupanaarü Ore

⁵ Rü cugagu tá nixĩ i nüxü̃ tarüporamaegüxü̃ i torü uanügü. Rü cuégagu tá nüxü̃ tarüyexera i ngẽma toxü̃ daixchaü̃xü̃.

Wiyaegü 44:5 Referans Kwoze

Wiyaegü 108:13

Natürü curü ngü̃xẽẽmaxã Pa Tupanax, rü tá nüxü̃ tarüporamae i ngẽma torü uanügü, erü cuma rü tá cuyayitanüxẽxẽ.

Wiyaegü 60:12

Pa Tupanax, ¡toxü̃ rüngü̃xẽxẽ! Rü curü ngü̃xẽẽmaxã tá nüxü̃ tarüporamae i ngẽma torü uanügü, erü cuma rü tá cuyayitanüxẽxẽ.

Filipenses 4:13

Rü Cristu nixĩ ya choxü̃ poraxẽẽcü, rü ngẽmaca̱x chomaxã nanguxü̃ nax chanaxüxü̃ i guxü̃ma i ngẽma Tupana naxwa̱xexü̃ nax chanaxüxü̃.

Wenaxarü naxümatü ga Tupanaarü mugü 33:17

Rü ngẽma Yúchetanüxü̃ rü tá namexẽchi ñoma woca i yatüxü̃xacü i nüxíra buxü̃rüxü̃. Rü tá naporaxüchi ñoma wüxi i búfalorüxü̃. Rü guxü̃ma i duü̃xü̃gütücumügü i ñoma i naanewa ngẽxmagüxü̃maxã tá napora. Rü ngẽmaãcü tá nixĩ i ngẽma muxũchixü̃ i Efraíü̃tanüxü̃ rü ngẽma muxü̃ i Manachétanüxü̃ —ñanagürü.

Chacaría 10:5

Rü nümagü rü tá ñoma churaragü i ãcharaxü̃gu nügü da̱i̱xü̃rüxü̃ nixĩgü. Rü tá naporae, erü Cori ya Tupana rü natanüwa nangẽxma. Rü ngẽmaãcü tá nanaxãnexẽxẽ i norü uanügüarü churaragü i cowarugu ĩxü̃.

Danié 8:4

Rü nüxü̃ chadau ga yema carnéru nax guma naxchata̱xcuregümaxã oésteguama, rü nórteguama, rü súrguama nacua̱i̱xgüxü̃, rü taxúema tiña naxcha̱xwa ga norü pora. Yema carnéru rü nüma nanawa̱xexü̃ naxümare, rü yemaacü yexera niporachigü.

Wiyaegü 91:13

Rü ngẽxguma tá leóü̃tanügu quixũxgu rü ngo̱xotanügu quixũxgu rü ãxtapetanügu quixũxgu, rü taxuxü̃táma cuxü̃ nangupetü.

Romanos 16:20

Rü ngẽxguma ngẽmaãcü mea pemaxẽgu rü nüma ya Tupana ya tüxü̃ taãẽxẽẽcü rü tá pexü̃ naporaexẽxẽ nax aixcüma nüxü̃ perüyexeraxü̃ca̱x i Chataná. Rü chanaxwa̱xe i tórü Cori ya Ngechuchu ya Cristu pemaxã inarüxã̱ũ̱x rü pexü̃ narüngü̃xẽxẽ.

Nüxíraxü̃xü̃ ga popera ga ãẽ̱xgacügüchiga 22:11

Rü wüxi ga yema orearü uruxü̃ ga Chedequía ga Quenaaná nane rü nanaxü ga ñuxre ga wocachata̱xcurechicüna̱xã ga fierunaxca̱x. Rü ñu̱xũchi tagaãcü ñanagürü: —Rü ngẽma ñanagürü ya Cori ya Tupana: “Rü ñaa wocachata̱xcuregümaxã tá nixĩ i cunada̱i̱xü̃ i ngẽma Chíriaanecüã̱xgü ñu̱xmatáta cunagu̱xẽẽ̱x” —ñanagürü.

Wiyaegü 5:3

Rü ẽxü̃wa noxri yangóonegu rü tá nüxü̃ cuxĩnü i chorü yumüxẽ. Rü pa̱xmama tá cumaxã nüxü̃ chixu i ngẽma cuxna naxca̱x chaca̱xaxü̃. Rü íchanangu̱xẽxẽ nax choxü̃ cungãxü̃xü̃.

Ichaía 33:22

Erü nüma ya Cori ya Tupana rü tórü guxchaxü̃güarü mexẽẽruxü̃ nixĩ. Rü nüma nixĩ i tamaxã inacuáxü̃. Rü nüma nixĩ i tórü ãẽ̱xgacü yixĩxü̃. Rü nüma nixĩ i tórü poxü̃ruxü̃ yixĩxü̃.