Wiyaegü 44:4 - Tupanaarü Ore

⁴ Pa Chorü Ãẽ̱xgacü, Pa Chorü Tupanax, chanaxwa̱xe icunaporamaexẽẽxü̃ i curü duü̃xü̃gü.

Wiyaegü 44:4 Referans Kwoze

Wiyaegü 74:12

Rü nũxcümacürüwatama rü cuma nixĩ ga torü ãẽ̱xgacü quixĩxü̃. Rü ñoma i naanewa rü muxü̃ma ga ãẽ̱xgacügüxü̃ curüporamae.

Wiyaegü 42:8

Rü guxü̃ i ngunegu rü nüma ya Cori ya Tupana choxü̃ nanawe̱x nax choxü̃ nangechaü̃xü̃. Rü chütacü rü chawiyae rü namaxã chidexa ya Tupana ya choxü̃ maxẽẽcü.

Ore i mexü̃ ga Márcu ümatüxü̃ 9:25

Rü yexguma Ngechuchu nüxü̃ da̱u̱xgu nax muxü̃ma ga duü̃xü̃gü marü yexma ngutaque̱xexü̃, rü nananga ga yema ngo̱xo. Rü ñanagürü nüxü̃: —Pa Ngo̱xo i Ngegaxẽxẽruxü̃ rü Ngauchi̱xẽxẽẽruxü̃, ¡choma cuxü̃ chamu nax nawa ícuxũxũxü̃ ya daa bucü, rü tagutáma wena nagu cuyaxücuxü̃! —ñanagürü.

Wiyaegü 89:18

Rü nüma ya Cori rü tórü poxü̃ruxü̃ nixĩ. Rü nüma nixĩ i tórü ãẽ̱xgacü ya üünecü i yixema i Iraétanüxü̃ nax ixĩgüxü̃.

Ore i mexü̃ ga Márcu ümatüxü̃ 1:41

Rü Ngechuchuaxü̃́ nangechaü̃tümüxü̃ ga gumá yatü. Rü nüxü̃ ningõgü rü ñanagürü nüxü̃: —Ngü̃, chanaxwa̱xe. Marü curüme —ñanagürü.

Ore i mexü̃ ga Márcu ümatüxü̃ 1:31

Rü ngĩxca̱x nixũ, rü ngĩxme̱xgu nayayauxãchi, rü ngĩxü̃ ínarüdaxẽxẽ. Rü yexgumatama iga̱u̱xãchi ga nax yaxaxünexü̃. Rü íirüda, rü inaxügü ga naxca̱x nax namexẽẽãxü̃ ga õna.

Wiyaegü 149:2

Rü pemax, Pa Iraétanüxü̃ i Chióü̃cüã̱x i Tupanaarü Duü̃xü̃gü Pixĩgüxex ¡rü namaxã petaãxẽgü! Erü nüma nixĩ i perü ãẽ̱xgacü ga pexü̃ nango̱xẽẽxü̃.

Ichaía 33:22

Erü nüma ya Cori ya Tupana rü tórü guxchaxü̃güarü mexẽẽruxü̃ nixĩ. Rü nüma nixĩ i tamaxã inacuáxü̃. Rü nüma nixĩ i tórü ãẽ̱xgacü yixĩxü̃. Rü nüma nixĩ i tórü poxü̃ruxü̃ yixĩxü̃.

Ínachoxü̃xü̃chiga 15:6

Pa Cori ya Tupanax, cuma nixĩ i curü tügünechacüxü ya poranemaxã cunada̱i̱xü̃ i torü uanügü.

Wenaxarü naxümatü ga Tupanaarü mugü 7:8

Rü nüma ga Cori ya Tupana rü pexü̃ nangechaxü̃ rü nayanguxẽẽchaü̃ ga yema uneta ga nũxcümaü̃güxü̃ ga perü o̱xigümaxã naxueguxü̃. Rü yemaca̱x pexü̃ ínagaxü̃ ga Equítuanewa ga ngextá mugüruü̃gü ípixĩgüxü̃wa. Rü taxü̃ ga norü poramaxã pexü̃ ínanguxü̃xẽxẽ naxme̱xwa ga Equítuanearü ãẽ̱xgacü ga Faraóü̃.

Wenaxarü naxümatü ga Tupanaarü mugü 7:19

¡Rü nüxna pecua̱xãchi ga yema taxü̃ ga guxchaxü̃gü rü cua̱xruxü̃gü ga Equítuanewa nüxü̃ pedaugüxü̃, rü yema pora ga Cori ya Tupana pexü̃ wéxü̃ ga yexguma Equítuanewa pexü̃ ínagaxü̃gu! Rü nüma ya perü Cori ya Tupana rü ngẽmatátama namaxã naxü i guxü̃ma i ngẽma duü̃xü̃gü i ñu̱xma pema nüxü̃ pemuü̃exü̃.

Yochué 24:12

Rü tama pema nixĩ ga perü taragümaxã rü perü würagümaxã nüxü̃ perüporamaexü̃ ga yema taxre ga ãẽ̱xgacügü ga Amoréutanüxü̃arü. Natürü choma nixĩ ga muü̃ naxca̱x íchanguxẽẽxü̃ nax pecha̱xwa yabuxmüxü̃ca̱x naxü̃pa nax yéma pengugüxü̃.

Wiyaegü 111:6

Rü nüma rü norü duü̃xü̃güpe̱xewa inanawe̱x ga norü pora ga yexguma nüxna naxããgu ga ñaa Iraéane woo muxü̃ma ga totücumü ga duü̃xü̃gü ga tama yaxõgüxü̃ nawa namaxẽchire̱x.