Wiyaegü 44:1 - Tupanaarü Ore

¹ Pa Tupanax, tomatama nüxü̃ taxĩnüchiga ga yema taxü̃ ga mexü̃ ga nũxcüma cuxüxü̃. Yerü torü o̱xigü rü tomaxã nüxü̃ nixugüe ga yema mexü̃gü ga nũxcüma curü poramaxã cuxüxü̃.

Wiyaegü 44:1 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 6:13

Rü nüma ga Yedeóü̃ rü nanangãxü̃ rü ñanagürü: —¡Choxü̃ nangechaxü̃, Pa Corix! Rü ngẽxguma chi Cori ya Tupana toxü̃tawa ngẽxmagu ¿tü̱xcüü̃ toxü̃ nangupetü i ñaa guxchaxü̃gü i ñu̱xma ngẽxmaxü̃? ¿Rü ngexü̃ nixĩ i ngẽma norü pora ga namaxã naxüxü̃ ga yema mexü̃gü ga taxü̃gü ga torü o̱xigü nüxü̃ ixugüchigagüxü̃ ga yexguma Equítuanewa tüxü̃ ínanguxü̃xẽẽgu? Rü nüma ya Cori rü toxna nixũgachi i ñu̱xmax, rü Madiáü̃tanüxü̃na toxü̃ namugü —ñanagürü.

Wenaxarü naxümatü ga Tupanaarü mugü 6:20

Rü ngẽxguma wüxi i ngunexü̃ pexacügü pexna caxgux rü ñagügu: “¿Ta̱xacüchiga nixĩ i ñaa mugü rü ñaa ucu̱xẽgü i tamaxã nüxü̃ yaxuxü̃ ya tórü Cori ya Tupana?” ñagügu, rü pema rü tá penangãxü̃ rü ñapegürügü tá: “Toma ga nũxcüma rü ãẽ̱xgacü ga Equítuanecüã̱x ga Faraóü̃me̱xẽwa tayexmagü rü norü mugüruü̃gü tixĩgü. Natürü nüma ga tórü Cori ya Tupana rü norü poramaxã toxü̃ ínanguxü̃xẽxẽ.

Wiyaegü 77:5

Rü nüxna chacua̱xãchi ga yema ngunexü̃gü rü taunecügü ga nagu mexü̃ choxü̃ ngupetüxü̃.

Wiyaegü 42:1

Rü ñoma wüxi i cowü i ta̱xawaxüchixü̃ i natüca̱x dauxü̃rüxü̃ chixĩ nax cuxca̱x chadauxü̃, Pa Chorü Tupanax.

Ichaía 38:19

Rü ngẽma maxẽxü̃xicatama nixĩ i cuxü̃ icua̱xüü̃güxü̃, ñoma ñu̱xma choma chaxüxü̃rüxü̃. Rü ngẽma nanatügü rü nanegümaxã tá nüxü̃ nixu nax aixcüma cuyanguxẽẽxü̃ i ngẽma nüxü̃ quixuxü̃.

Wiyaegü 22:31

Rü ngẽmaãcü i ngẽma duü̃xü̃gü i tawena buexü̃ rü tá nüxü̃ naxĩnüechiga ga yema taxü̃ ga mexü̃gü ga Cori ya Tupana üxü̃.

Wiyaegü 71:18

Pa Chorü Tupanax, ñu̱xma nax marü chayaxü̃ rü chapuxeruxü̃, rü ¡taxṹ i choxna quixũgachixü̃! Erü chanaxwa̱xe i curü porachigaxü̃ chixu namaxã i ngẽma ñu̱xma maxẽxü̃ i duü̃xü̃gü nax nümagü rü ta ngẽma duü̃xü̃gü i tá ingóetanüxü̃maxã nüxü̃ yaxugüxü̃ca̱x.