Wiyaegü 43:4 - Tupanaarü Ore

⁴ Rü ngẽmaãcü tá nawa changu i ngẽma curü ãmarearü guruxü̃, Pa Tupanax. Rü ngéma tá cuxü̃ chicua̱xüxü̃ árpagamaxã. Erü cumax, Pa Tupanax, rü taãẽmaxã choxü̃ cunapaxẽxẽ.

Wiyaegü 43:4 Referans Kwoze

Ichaía 61:10

Choma rü Tupanamaxã chataãxẽ. Rü aixcüma poraãcü namaxã chataãxẽ i chorü Tupana erü nüma choxü̃ ínanguxuchixẽxẽ rü pora choxna naxã nax nüxü̃ charüporamaexü̃ca̱x i chorü uanügü. Rü ñoma wüxi i ãxma̱xchaü̃xü̃rüxü̃ chamexchiruxüchi rü ñoma wüxi i ãtechaü̃xü̃rüxü̃ chaugü changa̱xãẽ.

Wiyaegü 57:8

Rü pa̱xmama tá ícharüda naxca̱x i chorü paxetaruü̃gü i árpa rü árpaxacü. Rü ngẽmaãcü tá íchanabaixgü i ngẽma ngexwacaxü̃xü̃ i ngunexü̃.

Wiyaegü 33:2

¡Rü moxẽ nüxna pexãgü ya Cori ya Tupana! ¡Rü árpaxacümaxã rü árpa i 10 cunaxü̃maxã naxca̱x pewiyaegü rü nüxü̃ picua̱xüü̃gü!

Wiyaegü 81:2

¡Rü paü̃derumaxã rü árpamaxã rü árpaxacümaxã pegü pepaxpe̱xegüãcüma pewiyaegü!

Wiyaegü 42:6

Natürü i ñu̱xmax rü poraãcüxüchima íchayaxoõchi. Rü ngẽmaca̱x, Pa Tupanax, poraãcü cuxna chacua̱xãchi nawa i ñaa naane i natü i Yudáü̃ nawa dapetüxü̃ rü yima ma̱xpǘnegü ya Ermóü̃ rü Michá nawa ngẽxmagüne.

Wiyaegü 26:6

Rü cupe̱xewa chaugü chayauxme̱x, rü chowa rü nataxuxü̃ma i ta̱xacürü pecadu. Rü ngẽmaãcü, Pa Cori Pa Tupanax, curü ãmarearü guruü̃wa changu nax cuxca̱x chawiyaexü̃ca̱x rü cuxü̃ chicua̱xüü̃xü̃ca̱x rü nüxü̃ chixuxü̃ca̱x i ngẽma mexü̃gü i cuxüxü̃.

2 Chamué 6:5

Rü nüma ga Dabí rü guxü̃ma ga Iraétanüxü̃maxã Cori ya Tupanape̱xegu naxĩ. Rü guxü̃ma norü taãẽmaxã nawiyaegü, rü íniyüxüe. Rü paxetaruü̃gü ga árpagümaxã rü árpa i íxraxü̃gümaxã rü paü̃derugümaxã rü arugümaxã rü platíyugümaxã nipaxetatanü.

Romanos 5:11

Rü tama ngexicatama nixĩ. Natürü i ñu̱xma rü tórü Cori ya Ngechuchu ya Cristugagu rü Tupanamaxã tataãẽgü, yerü Cristugagu nixĩ ga Tupana ga tamaxã nangüxmüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:8

Rü yexguma nayauxãgu ga yema popera, rü yema ãgümücü ga daxũcüã̱x ga maxẽxü̃ rü yema 24 ga ãẽ̱xgacügü rü nacaxã́pü̱xügü nape̱xegu ga yema Carnéruxacü. Rü wüxichigü ga yema daxũcüã̱x ga maxẽxü̃ rü yema ãẽ̱xgacügü rü nüxü̃́ nayexma ga wüxi ga norü paxetaruxü̃ ga árpa. Rü yexgumarüxü̃ ta nüxü̃́ nayexma ga copu ga úirunaxca̱x ga pumarate̱xemaxã napagüxü̃. Rü yema pumarate̱xe rü nayixichi ga yexguma yaxaxgu. Rü yema pumaragü rü ngẽma nixĩ i Tupanaarü duü̃xü̃güarü yumüxẽgü.

Wiyaegü 57:9

Pa Cori Pa Tupanax, chautanüxü̃pe̱xewa tá cuxü̃ chicua̱xüxü̃. Rü chorü wiyaegümaxã tá cuxü̃ chicua̱xüxü̃ natanüwa i ngẽma togü i nachixü̃anecüã̱x i duü̃xü̃gü.

Wiyaegü 63:2

Rü cupatawa cha̱u̱xca̱x cungo̱x. Rü marü nüxü̃ chadau i curü pora rü curü üünexü̃. Rü ngẽma curü ngechaü̃ rü maxü̃arü yexera name. Rü ngẽmaca̱x cha̱u̱a̱xmaxã tá cuxü̃ chicua̱xüxü̃.

Chacaría 13:9

Rü ngẽma duü̃xü̃gü i íyaxügüxü̃ rü tá nüxü̃ chaxü, ñoma diẽrumü i üxüwa idexexü̃ nax ínayixü̃ca̱x i norü ãũãchixü̃rüxü̃. Rü ñoma úiru i üxüwa idexexü̃ nax ínayixü̃ca̱x i norü ãũãchixü̃rüxü̃ tá nüxü̃ chaxü i ngẽma duü̃xü̃gü. Rü ngẽxguma i nümagü rü tá choxna nacagüe rü choma rü tá chanangãxü̃. Rü ñachagürü tá: “Nümagü rü chorü duü̃xü̃gü nixĩgü”, ñachagürü. Rü nümagü rü ñanagürügü tá: “Nüma ya Cori rü tórü Tupana nixĩ”, ñanagürügü tá. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.