Wiyaegü 43:2 - Tupanaarü Ore

² Erü cuma nixĩ i chorü Tupana i chorü poxü̃ruxü̃ quixĩxü̃. ¿Rü tü̱xcüü̃ i cugüna choxü̃ cuyáxü̃guxẽxẽxü̃? ¿Rü ta̱xacüca̱x i ngechaü̃ chingeechaxü̃ rü ngẽma chorü uanügü rü chixri chomaxã nachopetü?

Wiyaegü 43:2 Referans Kwoze

Wiyaegü 42:9

Rü ñachagürü nüxü̃ ya Tupana ya chorü poxü̃ruxü̃: —¿Tü̱xcüü̃ choxü̃ curüngü̃ma? ¿Rü ta̱xacüca̱x i ñu̱xma rü ngechaü̃ãcü ichixũxü̃ rü choxü̃ nua nachixeãẽgüxü̃ i chorü uanügü? —ñachagürü.

Wiyaegü 28:7

Rü nüma ya Cori ya Tupana rü chorü poxü̃ruxü̃ ya poraxüchicü nixĩ. Rü nüxü̃́ nixĩ ga chayaxõxü̃, rü nüma nixĩ ga choxü̃ nangü̃xẽẽxü̃. Rü poraãcü chataãxẽ i ñu̱xmax. Rü Cori ya Tupanaca̱x tá chawiyae rü tá moxẽ nüxna chaxã.

Efesios 6:10

Rü ñu̱xmax, Pa Chauenexẽgüx, rü name nixĩ i pegü peporaexẽxẽ namaxã i ngẽma pora i tórü Coriwa ne ũxü̃.

Ichaía 40:31

Natürü yíxema aixcüma Cori ya Tupanaaxü̃́ yaxṍxe rü guxü̃gutáma tüxü̃́ ningexwaca̱xü̃chigü i tümaarü pora. Rü ñoma ĩyügürüxü̃ rü tá taporaama. Rü woo ngẽxguma poraãcü itañaãchigu rü taxũtáma nagu̱x i tümaarü pora. Rü woo ngẽxguma yáxü̃wa taxũxgu, rü taxũtáma tipa.

Wiyaegü 94:14

Nüma ya Cori ya Tupana rü tagutáma ínanawogü i norü duü̃xü̃gü rü tagutáma nüxna nixũ nax nüxica ngéma nawogüxü̃ca̱x.

Wiyaegü 44:9

Natürü i ñu̱xmax rü toxü̃ cuxo rü toxü̃ cuxãneexẽxẽ. Rü marü tama ícuyaxümücü i torü churaragü.

Chacaría 10:12

Rü choma rü tá pora nüxna chaxã rü chauégagu tá ínaxĩ. Rü choma ya Cori ya Tupana nixĩ i pexü̃ ngẽma ñachaxü̃ —ñanagürü.

Ichaía 45:24

Rü ngẽxguma rü tá ñanagürügü: “Cori ya Tupanaxicatama nixĩ ya ixaixcümacü ya pora tüxna ãcü”, ñanagürügü tá. Rü guxü̃ma i ngẽma chauxchi aiexü̃ rü tá naxãnee.

Wiyaegü 140:7

Pa Cori Pa Tupana Pa Chorü Maxẽxẽruxü̃ ya Poracüx, cuma nixĩ i choxü̃ ícupoxü̃xü̃ i daiwa —ñachagürü cuxü̃.

Wiyaegü 77:7

—¿Ẽ̱xna guxü̃gutáma i nanuxü̃ ya Cori ya Tupana? ¿Rü taxũtáma ẽ̱xna wena tamaxã nangüxmüxü̃?

Wiyaegü 71:9

Natürü ñu̱xma nax chayaxü̃ rü changearü poraáxü̃ ¡rü taxṹ i choxü̃ cuxoxü̃ rü choxü̃ ícutáxü̃!

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Ínachoxü̃xü̃chiga 15:2

Nagu chawiyae ya Cori ya Tupana erü nüma nixĩ i choxü̃ naporaxẽẽxü̃ rü choxü̃ namaxẽẽxü̃. Rü nüma nixĩ i chorü Tupana yixĩxü̃ rü ngẽmaca̱x nüxü̃ chicua̱xüxü̃. Rü nüma rü chaunatüarü Tupana nixĩ, rü ngẽmaca̱x chanataxẽxẽ.

Filipenses 4:13

Rü Cristu nixĩ ya choxü̃ poraxẽẽcü, rü ngẽmaca̱x chomaxã nanguxü̃ nax chanaxüxü̃ i guxü̃ma i ngẽma Tupana naxwa̱xexü̃ nax chanaxüxü̃.

Wiyaegü 31:4

¡Rü choxü̃ ínanguxuchixẽxẽ nawa ya yima yüta ya cha̱u̱xca̱x inaxügüne! Erü cuma nixĩ i chorü poxü̃ruxü̃ quixĩxü̃.

Wiyaegü 42:10

Rü woo ya chauxchina̱xãgü rü ta nangúe nagagu i ngẽma chorü uanügü i guxü̃guma choxü̃ cugüexü̃ rü ñagüxü̃: —¿Ngexcü nixĩ ya curü Tupana? —ñagüxü̃.

Wiyaegü 88:15

Rü changextü̱xügucürüwatama rü guxchaxü̃wa changexmaecha rü ngẽmamaxã wixguxüchi chayu. Rü poraãcü yáxna namaxã chaxĩnü ga yema guxchaxü̃gü ga cuma cha̱u̱xca̱x ícunguxẽẽxü̃. Rü ñu̱xma rü düxwa marü tama namaxã chapora.