Wiyaegü 42:9 - Tupanaarü Ore

⁹ Rü ñachagürü nüxü̃ ya Tupana ya chorü poxü̃ruxü̃: —¿Tü̱xcüü̃ choxü̃ curüngü̃ma? ¿Rü ta̱xacüca̱x i ñu̱xma rü ngechaü̃ãcü ichixũxü̃ rü choxü̃ nua nachixeãẽgüxü̃ i chorü uanügü? —ñachagürü.

Wiyaegü 42:9 Referans Kwoze

Wiyaegü 38:6

Rü ngẽxgumarüxü̃ ta chamatáxü̃ rü guxü̃ma i ngunexü̃gu changechaü̃ rü chanaxĩ̱xãchiãxẽ.

Wiyaegü 43:2

Erü cuma nixĩ i chorü Tupana i chorü poxü̃ruxü̃ quixĩxü̃. ¿Rü tü̱xcüü̃ i cugüna choxü̃ cuyáxü̃guxẽxẽxü̃? ¿Rü ta̱xacüca̱x i ngechaü̃ chingeechaxü̃ rü ngẽma chorü uanügü rü chixri chomaxã nachopetü?

Wiyaegü 18:2

Rü cuma nixĩ ya nuta ya taxüchicü ya chorü poxü̃ruxü̃ quixĩxü̃. Rü cuma nixĩ i chorü dauruxü̃ quixĩxü̃. Rü cuma nixĩ i choxü̃ cunapuxü̃ nüxna i chorü uanügü. Rü cuma nixĩ i chorü tüpe̱xeruxü̃ quixĩxü̃. Rü cuma nixĩ i curü poramaxã choxü̃ cumaxẽẽxü̃. Rü cuma nixĩ i chorü cu̱xchicaxü̃ i ma̱xpǘnewa nagu changaxixü̃ quixĩxü̃.

Ichaía 40:27

Pa Iraéanecüã̱xgüx, Pa Acóbutanüxü̃, ¿rü ta̱xacüca̱x pidexagüxü̃ rü ñaperügügüxü̃: —Cori ya Tupana rü tama nüxü̃ nacua̱x nax ta̱xacü choxü̃ üpetüxü̃. Rü nüma ya Tupana rü tama chaugu narüxĩnü —ñaperügügüxü̃?

Wiyaegü 62:2

Rü nüma nixĩ i chorü poxü̃ruxü̃ i choxna nadauxü̃. Rü nüma nixĩ i chorü dauruxü̃ yixĩxü̃, rü ngẽmaca̱x tagutáma choxü̃ narüporamae i chorü uanügü.

Wiyaegü 28:1

Pa Cori Pa Tupanax, cuma nixĩ i nuta i chorü poxü̃ruxü̃ quixĩxü̃. Rü cuxna nixĩ i chacaxü̃ nax choxü̃ curüngü̃xẽẽxü̃ca̱x. ¡Rü taxṹ i cugü quinuxuxü̃ nax choxü̃ cungãxü̃xü̃! Erü ngẽxguma taxũtáma choxü̃ cungãxü̃gu rü ñoma yuexü̃rüxü̃ tá chixĩ.

Ichaía 49:15

Natürü nüma ya Cori ya Tupana rü ñanagürü: —¿Ẽ̱xna wüxi i mama rü tá nüxü̃ yanangümaxü̃ nax ngĩnexü̃ nangechaxü̃xü̃? Rü woo ngĩma ngĩnexü̃ nangümagu, natürü i choma rü tagutáma pexü̃ icharüngüma.

Ngu̱xẽẽtaeruü̃arü ore 4:1

Rü yemawena rü nüxü̃ chadau nax ñoma i naanewa naxrüxü̃ i duü̃xẽgümaxã chixri icua̱xgüxü̃. Rü tüxü̃ chadau nax taxauxexü̃ ga guxema duü̃xẽgü ga chixri tümamaxã inacua̱xgüxe, rü taxúema tüxü̃ rüngü̃xẽẽxü̃ nax tataãẽgüxü̃ca̱x. Rü ngẽma duü̃xü̃gü i chixri tümamaxã icua̱xgüxü̃ rü poraãcü chixri tümamaxã nachopetü rü taxúema texé tüxü̃ tarüngü̃xẽxẽ.

Wiyaegü 88:9

Rü ngẽma nax poraãcü chaxauxechaxü̃gagu rü düxwa chixoxetü. Rü guxü̃ma i ngunexü̃gu rü cuxca̱x chaxunagüme̱xẽãcüma cuxna chaca, Pa Corix, rü auxãcüma cumaxã nüxü̃ chixu i chorü guxchaxü̃.

Wiyaegü 77:9

¿Ẽ̱xna nüxü̃ narüxo ya Tupana nax namecümaxü̃? ¿Ẽ̱xna tamaxã nanuxũchi rü ngẽmaca̱x marü tama nüxü̃́ tangechaü̃tümüü̃gü? —ñachagürü.

Wiyaegü 55:3

Rü ngẽma chorü uanügü rü choxü̃ naxãxũnegü, rü ngẽma chixexü̃gu rüxĩnüexü̃ rü chomaxã nanue. Rü nümagü rü ngúxü̃ choxü̃ ningexẽẽgü. Rü norü numaxã chomaxã naguxchigagü.

Wiyaegü 13:1

Pa Cori Pa Tupanax ¿Ñuxguratáta nüxü̃ curüchauxü̃ nax choxü̃ curüngü̃maxü̃? ¿Rü ñuxguratáta nüxü̃ curüchauxü̃ nax cha̱u̱xcha̱xwa iquicúxü̃?

Wiyaegü 92:3

¡Ngĩxã Tupanaca̱x tawiyaegü ãcúnüxü̃ i paxetaruü̃maxã tüxü̃ napaxpe̱xegüãcüma!