Wiyaegü 42:6 - Tupanaarü Ore

⁶ Natürü i ñu̱xmax rü poraãcüxüchima íchayaxoõchi. Rü ngẽmaca̱x, Pa Tupanax, poraãcü cuxna chacua̱xãchi nawa i ñaa naane i natü i Yudáü̃ nawa dapetüxü̃ rü yima ma̱xpǘnegü ya Ermóü̃ rü Michá nawa ngẽxmagüne.

Wiyaegü 42:6 Referans Kwoze

Wiyaegü 61:2

Rü ñu̱xma nax chorü naanena chayáxü̃guxü̃ rü cuxna chaca nax choxü̃ curüngü̃xẽẽxü̃ca̱x. Rü poraãcü chaxoegaãxẽ, rü ngẽmaca̱x chanaxwa̱xe i wüxi ya tacü ya nutaétügu choxü̃ cumunagü i ngextá taxucürüwa chorü uanügü choxna íngugüxü̃wa.

Yoná 2:7

Rü yexguma nagu charüxĩnügu ga marü nax chingo̱xochixü̃ nax chayuxü̃ca̱x, rü cuxna chacua̱xãchi, Pa Cori Pa Tupanax, rü cumaxã chidexa. Rü yema chorü yumüxẽ rü yima cupata ya üünene ya nawa cungexmanewa nangu.

Wiyaegü 43:4

Rü ngẽmaãcü tá nawa changu i ngẽma curü ãmarearü guruxü̃, Pa Tupanax. Rü ngéma tá cuxü̃ chicua̱xüxü̃ árpagamaxã. Erü cumax, Pa Tupanax, rü taãẽmaxã choxü̃ cunapaxẽxẽ.

Wiyaegü 22:1

Pa Chorü Tupanax, Pa Chorü Tupanax ¿tü̱xcüü̃ choxna quixũgachi? ¿Rü tü̱xcüü̃ choxna cuyáxü̃gu rü tama choxü̃ curüngü̃xẽxẽ rü tama nüxü̃ cuxĩnü i chorü axu?

2 Chamué 17:22

Rü yexgumatama ga Dabí rü norü duü̃xü̃gümaxã paxa inaxũãchi rü nichoü̃ ga natü ga Yudáü̃. Rü moxü̃ãcü pa̱xmama rü guxü̃ma marü natü nichoxü̃.

Ore i mexü̃ ga Matéu ümatüxü̃ 27:46

Rü yema tomaepü̱xarü oragu rü Ngechuchu rü tagaãcü aita naxü, rü ñanagürü: —Erí, Erí, ¿damá chabátani? —ñanagürü. Rü ngẽma rü ñaxü̃chiga nixĩ: “Pa Chorü Tupanax, Pa Chorü Tupanax, ¿tü̱xcüü̃ choxna quixũgachixü̃?” ñaxü̃chiga nixĩ.

Ore i mexü̃ ga Matéu ümatüxü̃ 26:39

Rü yexguma ga Ngechuchu rü yéaxüra naxũ. Rü waixü̃müanegu nanangücuchi. Rü nayumüxẽ rü ñanagürü: —Pa Chaunatüx, ngẽxguma cuma cunaxwa̱xegu, ¡rü nüxna choxü̃ ínanguxuchixẽxẽ i ñaa ngúxü̃ i tá chingexü̃! Natürü chanaxwa̱xe i curütama ngúchaü̃ cuxü rü tama i choxrü —ñanagürü.

Wiyaegü 133:3

Rü ñoma cherena ya ma̱xpǘne ya Ermóü̃étügu nguxü̃rüxü̃ rü ma̱xpǘne ya Chióü̃étügu nguxü̃rüxü̃ tüxü̃ nataãẽxẽxẽ. Rü Chióü̃wa nixĩ i ne naxũxü̃ i Tupanaarü ngü̃xẽxẽ nax namáxü̃ca̱x i norü maxü̃ i norü duü̃xü̃gü.

2 Chamué 17:27

Rü yexguma Maanaíü̃wa nanguxgu ga Dabí rü naxca̱x naxĩ ga Chobí ga Naáx nane ga Rabácüã̱x ixĩcü ga Amóü̃anewa, rü Maquí ga Amié nane ga Lodebácüã̱x, rü Bachilái ga Rogueríü̃cüã̱x ga Garaáxanewa.

Wiyaegü 43:5

¿Rü ñu̱xma rü ta̱xacüca̱x tá nüxü̃ charüxoxü̃? ¿Rü ta̱xacüca̱x tá ichaxoégaãẽxü̃? Erü choma rü marü Tupanaaxü̃́ chayaxõ rü yimáxü̃ tá nixĩ i chicua̱xüxü̃xü̃. Rü nüma nixĩ i chorü Tupana i chorü maxẽẽruxü̃ yixĩxü̃.