Wiyaegü 42:4 - Tupanaarü Ore

⁴ Rü ngẽxguma ngẽmagu charüxĩnügu rü marü tama yáxna namaxã chaxĩnü i ngẽma nax chaxaxuxü̃. Rü nüxna chacua̱xãchi ga yexguma Tupanapatawa chanagagügu ga yema muxü̃ma ga duü̃xü̃gü. Rü taãẽãcü moxẽ nüxna taxã rü tanatachigaxẽxẽ.

Wiyaegü 42:4 Referans Kwoze

Ichaía 30:29

Natürü i pemax, Pa Tupanaarü Duü̃xü̃güx, rü pexca̱x tá nangẽxma i taãxẽ i ngẽxguma peta i üünexü̃ i chütacü ípexügügurüxü̃. Rü tá petaãẽgü ngẽxguma woweru picueãcüma yima ma̱xpǘne ya Cori ya Tupanapata nawa ngẽxmanegu pexĩgügu. Rü nüma nixĩ i Iraétanüxü̃arü poxü̃ruxü̃ yixĩxü̃.

Wiyaegü 122:1

Rü chataãxẽ i ngẽxguma choxü̃ nangĩxãgügu nax Cori ya Tupanapatawa taxĩxü̃.

Wiyaegü 62:8

Pa Chorü Duü̃xü̃güx ¡guxü̃guma nüxü̃́ peyaxõgü ya Tupana! ¡Rü perü yumüxẽwa namaxã nüxü̃ pixu i perü guxchaxü̃gü! Erü nüma nixĩ i aixcüma tórü ngü̃xẽẽruxü̃ i tórü cu̱xchicaxü̃ yixĩxü̃.

Naúü̃ 1:15

Dücax, Pa Yudáanecüã̱xgü, marü máxpü̱xanexü̃wa ne naxũ ya yima orearü uruxü̃ i mexü̃ i orexü̃ nua yarüxucü. ¡Penaxüchiga i perü petagü rü peyanguxẽxẽ i ngẽma unetagü i Tupanamaxã pexüxü̃! Rü tagutáma wena pexca̱x ínayaxüãchi i ngẽma chixexü̃arü üruü̃gü, erü marü inarüxo.

Wiyaegü 100:4

¡Rü nua naxü̃tawa pexĩ, rü napatagu pechocu, rü perü wiyaegümaxã nüxü̃ picua̱xüxü̃gü rü moxẽ nüxna pexãgü! ¡Rü nüxü̃ pixu nax aixcüma namexẽchixü̃ i nümax!

Ore i mexü̃ ga Luca ümatüxü̃ 16:25

Natürü Abraáü̃ rü ñanagürü nüxü̃: “Pa Chaunex, ¡nüxna nacua̱xãchi nax taxuxü̃ma cuxü̃́ taxuxü̃ ga yexguma cumaxü̱̃xgu! Natürü Lácharo rü poraãcü guxchaxü̃wa nayexma. Rü ngẽmaca̱x i ñu̱xma rü nua mexü̃wa nangẽxma i Lácharo, rü cuma rü ngéma poxcuchicawa ngúxü̃ quinge.

Auxexü̃chiga 2:19

¡Írüda! ¡Rü wüxichigü i chütaxü̃ rü wüxichigü i ora nayumüxẽ! ¡Rü Cori ya Tupanamaxã nüxü̃ ixu i curü guxchaxü̃gü! ¡Rü cugüwa ínaxũxü̃xẽxẽ i guxü̃ma i ngẽma nagu curüxĩnüxü̃, ñoma dexá iyáxü̃rüxü̃! Rü Tupanaca̱x dauxü̃ naxunagü rü curü yumüxẽwa curü buxü̃güca̱x ínaca nax tama ĩanearü namagügu taiyamaxã nayuexü̃ca̱x.

Norü taxre ga to ga popera ga ãẽ̱xgacügüchiga ümatüxü̃ 7:10

Rü gumá taunecüarü 7 ga tauemacüarü 23 gu nixĩ ga ãẽ̱xgacü ga duü̃xü̃güxü̃ namoxẽxü̃ nax napataca̱x nawoeguxü̃ca̱x. Rü yemaacü taãẽãcü nawoegu. Rü Tupanaxü̃ nicua̱xüü̃gü naxca̱x ga yema mexü̃gü ga Dabíca̱x, rü Charomóü̃ca̱x rü yema norü duü̃xü̃gü ga Iraétanüxü̃ca̱x naxüxü̃.

Rux 1:21

Ããcume̱xẽãcüma nua íchaxũxũ, rü ngeãcume̱xẽãcüma chataegu, erü ngẽmaãcü nanaxwa̱xe ya Cori ya Tupana. ¿Rü tü̱xcüü̃ Noemímaxã choxü̃ pixu, ega ngẽxguma Cori ya Tupana ya Guxü̃xü̃ma Cuácü choxü̃ poxcuxgu rü ngechaü̃ choxna ãxgu? —ngĩgürügü.

Wenaxarü naxümatü ga Tupanaarü mugü 16:11

Rü Tupanape̱xewa tá penaxü i ngẽma peta nawa i ngẽma nachica ya Tupana nüxü̃ unetaxü̃ nax nawa nangẽxmaxü̃. Rü ngẽma petawa rü name nax ngéma penagagüxü̃ i guxü̃ma i pexacügü rü perü mugüruü̃gü. Rü ngẽxgumarüxü̃ ta name nax nüxna pexuxü̃ i ngẽma Lebítanüxü̃ rü ngẽma to i nachixü̃anecüã̱x i petanüwa ngẽxmagüxü̃. Rü ñu̱xũchi name nax tüxna pexuxü̃ ya yíxema taxcutagü rü yutegüxe i perü ĩanewa ngẽxmagüxe.

Auxexü̃chiga 4:1

Ngẽma úiru i cupata namaxã tüchiãxü̃ rü nixo. Rü ngẽma cupataarü naxpáü̃gü i úiruxüchinaxca̱x rü marü tama niyauracüxü. Rü yima cupatata̱xpüxarü nutagü rü namagüarü poõchixü̃gu nawoonemare.

Norü taxre ga popera ga ãẽ̱xgacügüchiga 18:30

Rü ngẽxguma Echequía pexü̃ yaxõgüxẽẽchaü̃gu nax Cori ya Tupanana perüyoegüxü̃ca̱x rü pexü̃ ñaxgu: “Nüma ya Cori ya Tupana rü aixcüma tá tüxü̃ ínanguxü̃xẽxẽ, erü tama nanaxwa̱xe nax daa ĩane rü Achíriaanearü ãẽ̱xgacüme̱xẽwa nangẽxmaxü̃”, ñaxgu, ¡rü taxṹ i naga pexĩnüexü̃! Rü yimá Achíriaanearü ãẽ̱xgacü rü nua choxü̃ namu nax pemaxã nüxü̃ chayarüxuxü̃ca̱x nax namaxã perüngüxmüexü̃ca̱x, rü naxme̱xwa pegü pengẽxmagüxẽẽxü̃ca̱x. Rü ngẽmaãcü i wüxichigü i pema rü tá penangõ̱x i ngẽma norü úbanecüarü o rü norü igunecüarü o, rü ñu̱xũchi ngẽma noxrütama puchuwa ngẽxmaxü̃ i dexáwa tátama pexaxegü.

Norü taxre ga popera ga ãẽ̱xgacügüchiga 18:32

Rü ngẽmawena rü wüxi i nachixü̃ane i pechixü̃anerüxü̃ ixĩxü̃wa tá pexü̃ nagagü. Rü ngẽma nixĩ i wüxi i nachixü̃ane i ngextá trigunecügü nawa ngẽxmaxü̃ nax penaxüxü̃ca̱x i perü paũ, rü nawa ngẽxmaxü̃ i úbanecügü nax penaxüxü̃ca̱x i perü bínu. Rü ñu̱xũchi ngẽma nachixü̃anewa nangẽxma i oribuarü chíxü̃ rü berure rü ta. Rü ngéma rü taãẽãcü tá pemaxẽ rü taxũtáma peyue. ¡Natürü taxṹ i Echequíaga pexĩnüexü̃! Erü nüma rü pexü̃ nawomüxẽxẽ i ngẽxguma nüxü̃ yaxuxgu nax Cori ya Tupana tá pexü̃ ínguxü̃xẽẽxü̃.

Wiyaegü 79:10

Rü ngẽma duü̃xü̃gü i tama cuxü̃́ yaxõgüxü̃ rü taxuca̱xma tü̱xcüü̃ ñanagürügü: —¿Ngecü nixĩ ya yimá norü Tupana? —ñanagürügü. Rü ñu̱xma rü nüxü̃ tadauxchaü̃ nax ñuxãcü tá cunada̱i̱xü̃ i ngẽma torü uanügü ga curü duü̃xü̃güxü̃ daixü̃. Rü woo i ngẽma nachixü̃anecüã̱xgü i tama cuxü̃́ yaxõgüxü̃ rü tanaxwa̱xe nax nümagü rü ta nüxü̃ nacua̱xgüxü̃ca̱x i ngẽma cuxüxü̃.

Wiyaegü 80:6

Rü ngẽma nachixü̃anegü i torü ngaicamagüxü̃arü dauxcüraxü̃ruxü̃ toxü̃ quixĩxẽxẽ, rü ngẽma torü uanügü rü toxü̃ nacugüe.

Wiyaegü 115:2

¿Rü tü̱xcüü̃ i ngẽma tama yaxõgüxü̃ rü ínacagü rü ñanagürügü: —¿Ngexcü nixĩ ya perü Tupana? —ñanagürügü?

Wiyaegü 122:8

Rü ñu̱xma rü chauenexẽgüca̱x rü chomücügüca̱x chanaxwa̱xe i cuwa nangẽxma i taãxẽ, Pa Yerucharéü̃x.

Echequié 46:10

Rü nüma ya ãẽ̱xgacü rü wüxigu duü̃xü̃gümaxã tá nixücu. Rü ñu̱xũchi wüxigu tá duü̃xü̃gümaxã ínaxũxũ.

Joel 2:17

¡Rü pexauxe, Pa Chacherdótegüx i Tupanaarü Puracümaxã Icua̱xgüxex, rü ãmarearü guruü̃pe̱xewa Tupanamaxã nüxü̃ pixu rü ñaperügügü nüxü̃! —¡Nüxü̃ nangechaxü̃ i ñaa curü duü̃xü̃gü, Pa Torü Corix ya Tupanax! ¡Rü taxṹ i cunangexrüxü̃ nax togü nüxü̃ cugüexü̃! ¡Rü taxṹ i cunangexrüxü̃ nax togü i nachixü̃anecüã̱xgü namaxã icuáxü̃! ¡Rü taxṹ i cunangexrüxü̃ i ngẽma tama yaxõgüxü̃ nax curü duü̃xü̃güxü̃ nacugüexü̃ ñaxü̃maxã!: “¿Ngexcü ya yimá perü Tupana?” ñaxü̃maxã nacugüexü̃ —ñaperügügü.