Wiyaegü 42:11 - Tupanaarü Ore

¹¹ ¿Natürü ta̱xacüca̱x chi nüxü̃ charüxoxü̃? ¿Rü ta̱xacüca̱x chi ichaxoégaãẽxü̃? Erü Tupanaaxü̃́ nixĩ i chayaxõxü̃ rü yimáxü̃ tá nixĩ ichicua̱xüxü̃amaxü̃. Erü nüma nixĩ i chorü Tupana ya chorü maxẽxẽruxü̃ ixĩcü.

Wiyaegü 42:11 Referans Kwoze

Wiyaegü 42:5

¿Rü ñu̱xma rü ta̱xacüca̱x chi íchayaxoõchixü̃? ¿Rü ta̱xacüca̱x chi i naxca̱x chaxoegaãẽxü̃? Rü Tupanawa tá nüxü̃ ichayangau i chorü ngü̃xẽxẽ, rü yimáxü̃ tá nixĩ i chicua̱xüxü̃xü̃. Erü nüma nixĩ ya chorü Tupana ya chorü maxẽẽruxü̃.

Yeremía 33:6

Natürü wüxi i ngunexü̃ rü tá naxca̱x chayataanexẽxẽ i ngẽma Iraétanüxü̃. Rü wena táxarü chanataãxẽxẽxẽ nax ngẽmaãcü aixcüma nataãẽgüxü̃ca̱x rü tama ãũcümaxü̃wa nangẽxmagüxü̃ca̱x.

Yeremía 30:17

Rü choma rü tá pexü̃ charümeexẽxẽ nawa i perü guxchaxü̃gü woo perü uanügü rü ñanagürügü: “Chióü̃ rü ngéma nata̱xmare rü taxúema nagu tarüxĩnü”, ñanagürügü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Wiyaegü 43:5

¿Rü ñu̱xma rü ta̱xacüca̱x tá nüxü̃ charüxoxü̃? ¿Rü ta̱xacüca̱x tá ichaxoégaãẽxü̃? Erü choma rü marü Tupanaaxü̃́ chayaxõ rü yimáxü̃ tá nixĩ i chicua̱xüxü̃xü̃. Rü nüma nixĩ i chorü Tupana i chorü maxẽẽruxü̃ yixĩxü̃.

Ore i mexü̃ ga Matéu ümatüxü̃ 9:12

Rü yexguma yemaxü̃ naxĩnügu ga Ngechuchu, rü ñanagürü nüxü̃ ga Parichéugü: —Ngẽma tama ida̱xaweexü̃ rü tama nanaxwa̱xegü ya dutúru, natürü ngẽma ida̱xaweexü̃ nixĩ i naxwa̱xegüxü̃.

Wiyaegü 79:10

Rü ngẽma duü̃xü̃gü i tama cuxü̃́ yaxõgüxü̃ rü taxuca̱xma tü̱xcüü̃ ñanagürügü: —¿Ngecü nixĩ ya yimá norü Tupana? —ñanagürügü. Rü ñu̱xma rü nüxü̃ tadauxchaü̃ nax ñuxãcü tá cunada̱i̱xü̃ i ngẽma torü uanügü ga curü duü̃xü̃güxü̃ daixü̃. Rü woo i ngẽma nachixü̃anecüã̱xgü i tama cuxü̃́ yaxõgüxü̃ rü tanaxwa̱xe nax nümagü rü ta nüxü̃ nacua̱xgüxü̃ca̱x i ngẽma cuxüxü̃.

Wiyaegü 102:9

Rü ngẽma nax ngúxü̃ chingexü̃gagu rü tama chataiya rü düxwa tanimaca chanangõ̱xmare. Rü ngẽma chorü axexü̃ rü chauxgüxü̃etümaxã naxãéxü̃ erü chomaxã cunuxũchi. Rü ãẽ̱xgacüwa choxü̃ cungu̱xẽxẽ nax yixcüra choxü̃ curütáexü̃ca̱x.

Wiyaegü 115:2

¿Rü tü̱xcüü̃ i ngẽma tama yaxõgüxü̃ rü ínacagü rü ñanagürügü: —¿Ngexcü nixĩ ya perü Tupana? —ñanagürügü?

Joel 2:17

¡Rü pexauxe, Pa Chacherdótegüx i Tupanaarü Puracümaxã Icua̱xgüxex, rü ãmarearü guruü̃pe̱xewa Tupanamaxã nüxü̃ pixu rü ñaperügügü nüxü̃! —¡Nüxü̃ nangechaxü̃ i ñaa curü duü̃xü̃gü, Pa Torü Corix ya Tupanax! ¡Rü taxṹ i cunangexrüxü̃ nax togü nüxü̃ cugüexü̃! ¡Rü taxṹ i cunangexrüxü̃ nax togü i nachixü̃anecüã̱xgü namaxã icuáxü̃! ¡Rü taxṹ i cunangexrüxü̃ i ngẽma tama yaxõgüxü̃ nax curü duü̃xü̃güxü̃ nacugüexü̃ ñaxü̃maxã!: “¿Ngexcü ya yimá perü Tupana?” ñaxü̃maxã nacugüexü̃ —ñaperügügü.