Wiyaegü 41:2 - Tupanaarü Ore

² Rü nüma ya Cori ya Tupana rü tá tüxna nadau rü tá maxü̃ tüxna naxã rü tá tüxü̃ nataãẽxẽxẽ i ñoma i naanewa. Rü taxũtáma tümaarü uanügüarü ngúchaü̃wa tüxü̃ nata̱x.

Wiyaegü 41:2 Referans Kwoze

Wiyaegü 27:12

¡Rü taxṹ i chorü uanügüarü ngúchaü̃wa choxü̃ cutáxü̃! Erü ngẽma duü̃xü̃gü i choxü̃ ima̱xgüchaü̃xü̃ rü chixri chauchiga nidexagü. Erü guxü̃ma i ngẽma chauchiga nüxü̃ yaxugüxü̃ rü doragümare nixĩ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:8

Rü wüxi i mexü̃ nixĩ nax yaxĩã̱xcüüxẽẽxü̃ i taxü̃ne nax naporaxü̃ca̱x. Natürü ngẽmaarü yexera narümemae nixĩ nax yigü iporaxẽẽxü̃ nax Tupanaga ixĩnüxü̃ca̱x erü ngẽma rü guxü̃wama tüxü̃́ name i ñu̱xma nax imaxẽxü̃ rü guxü̃gutáma i daxũguxü̃ i naanewa rü ta.

Wiyaegü 37:22

Rü yíxema Cori ya Tupana tüxü̃ rüngü̃xẽẽgüxe rü tümaarü tá nixĩ i naane. Natürü i ngẽma tama naga ĩnüexü̃ rü Tupana tá chixexü̃wa nanawogü rü tá inayarüxogü.

Wiyaegü 33:19

Rü yuwa tüxü̃ ínapoxü̃ rü maxü̃ tüxna naxã ega ñoma i naanewa taiya ínguxgu.

Wenaxarü naxümatü ga Tupanaarü mugü 14:29

Rü ngẽmaãcü i ngẽma Lebítanüxü̃ i ngearü naaneã̱xgüxü̃ rü ngẽma to i nachixü̃anecüã̱x i perü ĩanewa ngẽxmagüxü̃ rü tá naxãwemügü ñu̱xmata mea nüxü̃́ yangu. Rü ngẽmaãcü i nüma ya Cori ya perü Tupana rü tá pexü̃ narüngü̃xẽxẽ nawa i guxü̃ma i ta̱xacü i pexüxü̃.

Rux 2:19

Rü ngĩ̱xẽ ga Noemí rü ngĩxna ica, rü ngĩgürügü: —¿Ngextá nixĩ icuyapuracüxü̃ i ngewa̱x? ¿Rü ngextá nixĩ i muxü̃ i chebádaya̱xa ta cudexü̃? ¡Rü poraãcü Tupana nüxü̃ rüngü̃xẽxẽ ya yimá duü̃ ya cuxü̃ rüngü̃xẽxẽcü! —ngĩgürügü. Rü ngĩma ga Rux rü ngĩ̱xẽxü̃ ingãxü̃ rü nüxü̃ iyaxu ga Boóanewa nax yixĩxü̃ ga chebádaya̱xa ta nadexü̃.

Ucu̱xẽgüchiga 11:17

Yíxema mecümaxe rü tügüxü̃́tama mexü̃ taxü, natürü ngẽma chixecümaxü̃, rü nügüca̱xtama guxchaxü̃ ínanguxẽxẽ.

Ucu̱xẽgüchiga 14:21

Yíxema tama tümamücüxü̃ cuáxchaxü̃xe, rü pecadu taxü. Natürü tataãxẽ ya yíxema tüxü̃́ nangechaü̃tümüxe i ngẽma ngearü diẽruã́xü̃.

Ucu̱xẽgüchiga 19:17

Ngẽxguma wüxi i duü̃xü̃ i ngearü diẽruã́xü̃xü̃ curüngü̃xẽẽgu diẽrumaxã, rü Tupanaxü̃ nixĩ i curüngü̃xẽẽxü̃. Rü nüma ya Cori ya Tupana rü tá cuxü̃́ tüxü̃ natáeguxẽxẽ.

Ucu̱xẽgüchiga 31:20

Rü ngĩma rü guxü̃guma tüxü̃ irüngüxẽxẽ ya yíxema ingearü diẽruã̱xgüxe rü yíxema ta̱xacü tüxü̃́ taxue.

Yeremía 39:17

Natürü i choma rü tá cuxü̃ íchapoxü̃ nax tama naxme̱xgu cunguxü̃ca̱x i ngẽma duü̃xü̃gü i nüxü̃ cumuü̃xü̃.