Wiyaegü 41:10 - Tupanaarü Ore

¹⁰ Natürü cumax, Pa Corix ¡rü cuxü̃́ changechaü̃tümüxü̃! ¡Rü choxü̃ írüdaxẽxẽ nax ngẽmaãcü chanapoxcuexü̃ca̱x i ngẽma chomaxã rüxuanügüxü̃!

Wiyaegü 41:10 Referans Kwoze

Ore i mexü̃ ga Luca ümatüxü̃ 19:27

Rü yema chorü uanügü ga tama naxwa̱xegüxü̃ nax norü ãẽ̱xgacüxü̃ chixĩxü̃, ¡rü nua penagagü, rü nua chopexegu peyadai!” —ñanagürü.

Wiyaegü 57:1

¡Cuxü̃́ changechaü̃tümüxü̃, Pa Chorü Tupanax, cuxü̃́ changechaü̃tümüxü̃! Erü cuxca̱x chiña nax choxü̃ ícupoxü̃xü̃ca̱x. Rü cuxpe̱xatütüü̃gu chaugü chicúxchaü̃ ñu̱xmatáta nangupetü i ngẽma ãũcümaxü̃.

Wiyaegü 3:3

Natürü cumax, Pa Corix, rü chorü poxü̃ruxü̃ quixĩ. Rü cuma nixĩ i choxü̃ cuporaxẽẽxü̃, rü choxü̃́ cunangúchaü̃xẽẽxü̃ nax tama chamuü̃xü̃ca̱x.

2 Chamué 15:12

Rü yexgumarüxü̃ ta ga nüma ga Acharóü̃ rü naxca̱x nangema ga wüxi ga Dabíarü ucu̱xẽruxü̃ ga Aitópegu ãégacü ga ĩane ga Guirógu ãchiü̃cü. Rü namaxã nüxü̃ nixu nax naxümücüãxü̃ca̱x ga yexguma Tupanaca̱x naxü̃na nadaixgu rü ínaguãgu. Rü yemaacü ga yema Acharóü̃arü ĩnüwaama ügüxü̃ ga yatügü rü nimuetanü ga yema nawe rüxĩxü̃.

Yox 19:19

Rü ngẽma chomücüxüchigü rü chauxchi naxaie. Rü ngẽma nüxü̃ changechaü̃xü̃chigüxü̃ rü chomaxã narüxuanügü.

Wiyaegü 55:13

Natürü cumatama, Pa Chomücüxüchix, nixĩ i cuchauechitaexü̃ woo ü̃pa rü poraãcü yigü ingechaü̃gügu rü wüxigu yigümaxã Tupanapatawa ixĩxgu nax ngéma duü̃xü̃gümaxã Tupanaxü̃ icua̱xüü̃güxü̃ca̱x.

Yeremía 20:10

Rü nüxü̃ chaxĩnü nax duü̃xü̃gü rü cugüãcüma chauchiga yadexagüxü̃. Rü guxü̃wama choxü̃ naxãxũnegüxü̃ i duü̃xü̃gü rü ngẽmaca̱x chamuü̃. Rü nügümaxã ñanagürügü: “Ngĩxã ítanaxuaxü̃gü”, ñanagürügü. Rü woo i ngẽma chomücügü rü ínanangu̱xẽẽgü nax ngürüãchi ta̱xacürü chixexü̃ chaxüxü̃. Rü ñanagürügü: “Rü nügü tátama nixĩ i chixexü̃gu nanguxẽẽxü̃, rü ngẽxguma i yixema rü tá tayayauxgü rü yixema inaxwa̱xexü̃ tá namaxã taxü”, ñanagürügü.

Abdía 1:7

Rü guxü̃ma ga yema nachixü̃anegü ga cuxü̃ ípoxü̃güchiréxü̃, rü ñu̱xma rü curü naanewa cuxü̃ ínata̱xüchigü. Rü woo ngẽma cumücügüxüchi ixĩgüxü̃ rü cumaxã narüxuanügü. Rü ngẽma cumücügü i nagu cuyaxõxü̃ rü guxchaxü̃ cuxca̱x ínanguxẽxẽ. ¡Pa Edóü̃x, cuma rü tama cua̱x cuxü̃́ nangẽxma! —ñanagürü ga Tupana.