Wiyaegü 41:1 - Tupanaarü Ore

¹ Rü nüma ya Cori ya Tupana rü tümamaxã nataãxẽ ya yíxema nüxü̃ rüngü̃xexẽ́xẽ i tümamücü i nüxü̃́ nataxuxü̃ i pora. Rü nüma ya Cori ya Tupana rü tá tüxü̃ ínanguxuchixẽxẽ i ngẽxguma guxchaxü̃ tümaca̱x ínguxgu.

Wiyaegü 41:1 Referans Kwoze

Ucu̱xẽgüchiga 19:17

Ngẽxguma wüxi i duü̃xü̃ i ngearü diẽruã́xü̃xü̃ curüngü̃xẽẽgu diẽrumaxã, rü Tupanaxü̃ nixĩ i curüngü̃xẽẽxü̃. Rü nüma ya Cori ya Tupana rü tá cuxü̃́ tüxü̃ natáeguxẽxẽ.

Ucu̱xẽgüchiga 14:21

Yíxema tama tümamücüxü̃ cuáxchaxü̃xe, rü pecadu taxü. Natürü tataãxẽ ya yíxema tüxü̃́ nangechaü̃tümüxe i ngẽma ngearü diẽruã́xü̃.

Ngechuchuarü ngúexü̃gü ga yamugüxü̃arü puracüchiga 20:35

Rü guxü̃guma mea pexü̃ changúexẽxẽ nax ngẽmaãcü pepuracüexü̃ nax nüxü̃ perüngü̃xẽẽxü̃ca̱x i ngẽma duü̃xü̃gü i nüxü̃́ nataxuxü̃. Rü name nixĩ nax nüxna pecua̱xãchiexü̃ i Cori ya Ngechuchuarü ore ga nümatama ñaxü̃: “Rü narümemae nixĩ i pema nax toguxena penaxãxü̃ rü tama i tüma pexna nax tanaxãxü̃” —ñaxü̃.

Popera ga Chantiágu ümatüxü̃ 2:13

Erü guxãma ya yíxema tama tümamücügü tüxü̃́ ngechaü̃tümüü̃güxe, rü Tupana rü taxũtáma nüxü̃́ tangechaü̃tümüü̃güãcüma tüxna naca i tümaarü maxü̃chiga. Natürü yíxema tümamücügü tüxü̃́ ngechaü̃tümüü̃güxe, rü taxũtáma tamuü̃e i ngẽxguma Tupana tüxna caxgux, erü nüxü̃́ tangechaü̃tümüü̃güãcüma tá tüxna naca.

Popera ga Yudíugü ga yaxõgüxü̃ca̱x ümatüxü̃ 6:10

Erü nüma ya Tupana rü aixcümacü nixĩ. Rü nüma rü taxũtáma nüxü̃ inayarüngüma ga yema mexü̃ ga pexüxü̃ rü ñuxãcü taenexẽgü i yaxõgüxü̃xü̃ nax pengechaü̃güxü̃ ga yexguma nüxü̃ perüngü̃xẽẽgügu, ngẽma ñu̱xma ípenaxüxü̃rüü̃tama.

Wiyaegü 37:19

Rü ngẽxguma guxchaxü̃gü íngugügu, rü taiya ngu̱xgu, rü taxũtáma ãne tinge ya yíxema mexü̃gu rüxĩnüexe, erü õna rü tá tüxü̃́ ningu.

Wiyaegü 112:9

Rü yíxema tüxü̃́ nataxúxe rü guxü̃guma norü ngúchaü̃maxã tüxna nanaxãmare i diẽru. Rü ngẽma nacüma i mexü̃ rü taguma nüxü̃ narüchau nax naxüaxü̃. Rü taxuca̱xma naxãne erü aixcüma nagu namaxü̃ i ngẽma nüxü̃ yaxuxü̃.

Ore i mexü̃ ga Márcu ümatüxü̃ 14:7

Rü ngẽma ngearü diẽruã̱xgüxü̃ rü guxü̃gutáma petanüwa nangẽxmagü, rü ngẽmaãcü pexü̃́ natauxcha nax nüxü̃ perüngü̃xẽẽxü̃ i ngẽxguma penaxwa̱xegu. Natürü i choma rü taxũtáma guxü̃gu petanüwa changexma.

Wiyaegü 37:26

Rü nüma ya yimá yatü ya mecü rü guxü̃guma duü̃xẽ nüxü̃́ tangechaü̃tümüxü̃ rü tüxna nanaxã ega ta̱xacüca̱x nüxna tacagügu. Rü nanegü rü norü taãẽxẽẽruxü̃ nixĩgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:10

Cuma rü meama cuyanguxẽxẽ i ngẽma cuxü̃ chamuxü̃ nax aixcüma cuyaxõõmaxü̃ naétüwa i ngẽma guxchaxü̃gü i cuxca̱x ínguxü̃. Rü ngẽmaca̱x tá cuxü̃ íchapoxü̃ nax tama cuxna nanguxü̃ca̱x i ngẽma guxchaxü̃ i taxü̃ i ñoma i naanewa tá ínguxü̃ nax guxü̃ma i ñoma i naanecüã̱x i duü̃xü̃güxü̃ naxüxü̃ca̱x.

Gálatas 2:10

Rü yema namaxã toxü̃ naxucu̱xẽgüxü̃ nixĩ nax nüxü̃ tarüngü̃xẽẽgüxü̃ca̱x ga yema yaxõgüxü̃ ga ngearü diẽruã̱xgüxü̃. Rü yexicatama nixĩ ga toxna nüxü̃ nacua̱xãchixẽẽxü̃. Rü choma rü woetama ngẽma nixĩ i guxü̃guma marü chaxüxü̃.

1 Tesalonicenses 5:14

Rü pemaxã nüxü̃ tixu ta nax penaxucu̱xẽgüxü̃ i ngẽma duü̃xü̃gü i oexü̃ i tama puracüechaü̃xü̃. ¡Rü nüxü̃́ penangúchaü̃xẽẽgü i ngẽma duü̃xü̃gü i marü nüxü̃ rüxoechaü̃xü̃ nax yaxõgüãxü̃! ¡Rü nüxü̃ perüngü̃xẽxẽgü i ngẽma duü̃xü̃gü i turaexü̃ i norü õwa! ¡Rü yáxna namaxã pexĩnüe i guxü̃ma i ngẽma taenexẽgü!

Ucu̱xẽgüchiga 16:14

Ngẽxguma ãẽ̱xgacü duü̃xü̃gümaxã nuxgu, rü yu namaxã naxuegu, natürü yíxema tümaãẽxü̃ cuáxe rü dexa i ngüxmüxẽẽruü̃maxã tanangãxü̃.

Wiyaegü 34:19

Rü yimá yatü ya ixaixcümacü rü namu i norü guxchaxü̃gü. Natürü nüma ya Cori ya Tupana rü ínananguxuchixẽxẽ nawa i guxü̃ma i ngẽma.

Ngu̱xẽẽtaeruü̃arü ore 12:1

Rü ñu̱xma nax cungextü̱xüxü̃, rü ¡nüxna nacua̱xãchi ya yimá Tupana ya cuxü̃ ngo̱xẽẽcü ñoma rü ta taxũta ínangugü i ngunexü̃gü i guxchaxü̃gü namaxã napaxü̃! Erü tá cuxca̱x ínangugü i ngunexü̃gü i nagu ñacuxü̃: —Rü taxuwama choxü̃́ name nax chamaxü̃xü̃ —ñacuxü̃.

Rux 2:19

Rü ngĩ̱xẽ ga Noemí rü ngĩxna ica, rü ngĩgürügü: —¿Ngextá nixĩ icuyapuracüxü̃ i ngewa̱x? ¿Rü ngextá nixĩ i muxü̃ i chebádaya̱xa ta cudexü̃? ¡Rü poraãcü Tupana nüxü̃ rüngü̃xẽxẽ ya yimá duü̃ ya cuxü̃ rüngü̃xẽxẽcü! —ngĩgürügü. Rü ngĩma ga Rux rü ngĩ̱xẽxü̃ ingãxü̃ rü nüxü̃ iyaxu ga Boóanewa nax yixĩxü̃ ga chebádaya̱xa ta nadexü̃.

Yeremía 39:17

Natürü i choma rü tá cuxü̃ íchapoxü̃ nax tama naxme̱xgu cunguxü̃ca̱x i ngẽma duü̃xü̃gü i nüxü̃ cumuü̃xü̃.