Wiyaegü 40:3 - Tupanaarü Ore

³ Rü wüxi ga yexwaca̱xü̃xü̃ ga wiyae cha̱u̱a̱xwa nanguxẽxẽ nax yemamaxã nüxü̃ chicua̱xüxü̃xü̃ca̱x ga Tupana. Rü muxü̃ma ga duü̃xü̃gü rü nüxü̃ nadaugü ga yema Tupana üxü̃ rü namuü̃e rü nüxü̃́ nayaxõgü.

Wiyaegü 40:3 Referans Kwoze

Wiyaegü 33:3

¡Rü ngexwaca̱xü̃xü̃ i wiyaegümaxã Tupanaca̱x pewiyaegü! ¡Rü mea pepaxetagüãcüma nüxü̃ picua̱xüü̃gü!

Wiyaegü 52:6

Rü ngẽma duü̃xü̃gü i Tupanaga ĩnüexü̃ rü ngẽxguma nüxü̃ nadaugügu i ngẽma cuxü̃ üpetüxü̃, rü tá poraãcü namuü̃e. Rü tá cuxü̃ nacugüe rü ñanagürügü tá:

Yema Cuáü̃ nüxü̃ dauxü̃ i yixcüra tá ngupetüxü̃chiga 14:3

Rü yema 144,000 ga duü̃xü̃gü rü nagu nawiyaegü ga wüxi ga yexwaca̱xüxü̃ ga wiyae nape̱xewa ga Tupanaarü tochicaxü̃ rü nape̱xewa ga yema ãgümücü ga daxũcüã̱x ga maxẽxü̃ rü nape̱xewa ga yema 24 ga ãẽ̱xgacügü. Rü taxucürüwama texé ga togue nüxü̃ tacua̱x ga yema wiyae. Rü yema 144,000 ga duü̃xü̃güxicatama nixĩ ga nüxü̃ cua̱xgüxü̃. Rü yema nixĩ ga Tupana ñoma ga naanewa dexü̃ nax namaxẽxẽẽãxü̃ca̱x.

Wiyaegü 144:9

Pa Corix, ngexwaca̱xü̃xü̃ i wiyaegu tá cuxca̱x chawiyae chorü paxetaruü̃maxã. Rü ngẽmaãcü chorü wiyaemaxã tá cuxü̃ chicua̱xüxü̃.

Wiyaegü 35:27

Natürü yíxema naxwa̱xegüxe nax chorü uanügüxü̃ charüporamaegüxü̃, rü name nixĩ i taãẽãcü guxü̃guma tagaãcü ñatarügügü: —Nüma ya Cori ya Tupana rü namecümaxüchi. Rü namaxã nataãxẽ i ngẽxguma norü duü̃xü̃ mexü̃ nüxü̃ ngupetügu —ñatarügügü.

Wiyaegü 142:7

¡Rü choxü̃ ínanguxuchixẽxẽ nawa i ñaa chorü guxchaxü̃gü nax ngẽmaãcü cuxü̃ chicua̱xüü̃xü̃ca̱x! Rü ñu̱xũchi i ngẽma duü̃xü̃gü i aixcüma mexü̃gu rüxĩnüexü̃ rü tá choxü̃ ínachomaeguãchi i ngẽxguma chomaxã cumecümagu.

Ngechuchuarü ngúexü̃gü ga yamugüxü̃arü puracüchiga 4:4

Natürü muxü̃ma ga yema duü̃xü̃gü ga nüxü̃ ĩnüexü̃ ga yema Tupanaarü ore rü nayaxõgü. Rü wixguxüchi 5,000 wa nangu ga yatüxü̃xica ixugügu.

Ochéa 3:5

Natürü ngẽmawena i nüma i Iraéanecüã̱xgü rü nachixü̃aneca̱x tá nawoegu rü tá Cori ya Tupanaga naxĩnüe. Rü tá Dabítaaca̱x nadaugü nax norü ãẽ̱xgacü yixĩxü̃ca̱x. Rü ngẽma ngunexü̃gü i nawa iyacua̱xgüxü̃gu rü Cori ya Tupanaca̱x tá naxĩ, rü nüxü̃ tá nicua̱xüü̃gü naxca̱x i guxü̃ma i norü ngü̃xẽẽgü ya Tupana tá nüxna ãxü̃.

Wiyaegü 27:5

Rü ngẽxguma guxchaxü̃ cha̱u̱xca̱x ínguxgu rü nüma ya Cori rü napatawa tá choxna nadau. Rü nügümaxã tá choxü̃ natüxchipeta rü choxü̃ ínapoxü̃. Rü wüxi ya nuta ya tacüétügu tá choxü̃ namunagü nax taxuxü̃ma choxü̃ imáxü̃ca̱x.

Wiyaegü 37:23

Rü yimá yatü ya mecü rü Cori ya Tupana rü ngẽma nama i mexü̃wa nanaga. Rü ngẽxguma ngẽma namagu yaxũxgu ya yimá yatü rü nüma ya Cori rü nataãxẽ.

Wiyaegü 69:3

Rü choma rü düxwa chipa nax curü ngü̃xẽẽca̱x íchaca̱xaxü̃. Rü marü düxwa changu̱xmanaxã. Rü düxwa chipaxetü nax cuxca̱x ichadawenüxü̃, Pa Chorü Tupanax.

Wiyaegü 119:133

Rü chanaxwa̱xe i choxü̃́ cunatauxchaxẽxẽ nax nagu chamaxü̃xü̃ca̱x i curü ore. Rü tama chanaxwa̱xe nax ngẽma chixexü̃ama chomaxã icuáxü̃.