Wiyaegü 40:2 - Tupanaarü Ore

² Rü yema ãxmaxü̃ ga dexááxü̃ ga nagu iyuxü̃wa choxü̃ ínanguxuchixẽxẽ. Rü ãcharaxanexü̃wa choxü̃ nanatúxuchi. Rü wüxi ga nutawa choxü̃ inachixẽxẽ. Rü taixanexü̃waama choxü̃ naga nax íchixũxü̃ca̱x.

Wiyaegü 40:2 Referans Kwoze

Wiyaegü 37:23

Rü yimá yatü ya mecü rü Cori ya Tupana rü ngẽma nama i mexü̃wa nanaga. Rü ngẽxguma ngẽma namagu yaxũxgu ya yimá yatü rü nüma ya Cori rü nataãxẽ.

Wiyaegü 119:133

Rü chanaxwa̱xe i choxü̃́ cunatauxchaxẽxẽ nax nagu chamaxü̃xü̃ca̱x i curü ore. Rü tama chanaxwa̱xe nax ngẽma chixexü̃ama chomaxã icuáxü̃.

Wiyaegü 27:5

Rü ngẽxguma guxchaxü̃ cha̱u̱xca̱x ínguxgu rü nüma ya Cori rü napatawa tá choxna nadau. Rü nügümaxã tá choxü̃ natüxchipeta rü choxü̃ ínapoxü̃. Rü wüxi ya nuta ya tacüétügu tá choxü̃ namunagü nax taxuxü̃ma choxü̃ imáxü̃ca̱x.

Wiyaegü 61:2

Rü ñu̱xma nax chorü naanena chayáxü̃guxü̃ rü cuxna chaca nax choxü̃ curüngü̃xẽẽxü̃ca̱x. Rü poraãcü chaxoegaãxẽ, rü ngẽmaca̱x chanaxwa̱xe i wüxi ya tacü ya nutaétügu choxü̃ cumunagü i ngextá taxucürüwa chorü uanügü choxna íngugüxü̃wa.

Wiyaegü 71:20

Rü woo muxü̃ma ga guxchaxü̃gü rü ĩ̱xãchiãẽgüwa choxü̃ cuxüpetüxẽxẽ, natürü wenatáxarü choxü̃ cutaãẽxẽxẽ. Rü tá choxü̃ ícurüdaxẽxẽ nawa i chorü guxchaxü̃gü, ñoma waixü̃mütüü̃wa írüdaxgurüxü̃.

Wiyaegü 86:13

Rü nataxüchi i curü ngechaü̃ i cha̱u̱xca̱x. Rü marü choxna cuyaxũgachixẽxẽ i ngẽma yu nax tama naxmaxü̃gu chixücuchixü̃ca̱x.

Wiyaegü 69:2

Rü ñoma wüxi i ãcharaxü̃wa rü waxü̃rüxü̃ chixĩ. Rü taxuguma chayayauxãchiéga. Rü ñoma mátamaxü̃chixü̃ i dexáwa ingaxgurüxü̃ chixĩ nax choxü̃ yachaxẽẽxü̃ i poraxü̃chíüxü̃.

Chacaría 9:11

Rü ñanagürü ya Cori ya Tupana: —Pa Yerucharéü̃cüã̱xgü ngẽma uneta i nagümaxã chomaxã pexüxü̃gagu rü choma rü tá íchananguxü̃xẽxẽ i ngẽma perü duü̃xü̃gü i Babiróniaanegu poxcuexü̃ ñoma wüxi i ãxmaxü̃ i ngearü dexáxã́xü̃gu poxcuexü̃rüxü̃.

Wiyaegü 18:36

Rü choxü̃́ cunamexẽxẽ ga chomaxü̃ nax tama ichinguxü̃ca̱x.

Ngechuchuarü ngúexü̃gü ga yamugüxü̃arü puracüchiga 2:24

Rü woo nayuchire̱x natürü tama yexma nayacua̱x, yerü Tupana wena nanamaxẽxẽ. Rü yemaacü ga yema yu rü taxuacüma nüxü̃ narüporamae.

Wiyaegü 143:3

Rü ngẽma chorü uanügü rü chowe ningẽxü̃tanü rü waixü̃müwa choxü̃ nayapotügü. Rü ẽanexü̃gu choxü̃ napoxcu nax ngéma chamaxü̃xü̃ca̱x naxrüxü̃ ga yema nũxcüma yuexü̃.

Wiyaegü 17:5

Rü aixcüma mea nagu chixũ i ngẽma cuma cunaxwa̱xexü̃ rü taguma nüxna chixũgachi.

Wiyaegü 116:3

Rü ngẽma yu rü choxü̃ niyauxchire̱x rü wixguxüchi choxü̃ nima̱x. Rü chaba̱i̱xãchi rü chamuü̃.

Wiyaegü 18:7

Rü yexguma rü poraãcü naxĩã̱xãchiane. Rü guma ma̱xpǘnegü rü naxĩã̱xãchitanü. Rü Cori ya Tupanaarü numaxã nixĩãtanücüxü.