Wiyaegü 4:8 - Tupanaarü Ore

⁸ Choma rü taãẽãcü ichayacaãchi rü ngẽxgumatama mea chape, erü nüxü̃ chacua̱x, Pa Corix, nax cuma rü choxna cudauxü̃.

Wiyaegü 4:8 Referans Kwoze

Ucu̱xẽgüchiga 3:24

Ngẽxguma icurüngüxgu rü taxuca̱xma tü̱xcüü̃ cumuü̃ rü ngẽxguma icucaxgu rü mea tá cupe.

Wiyaegü 3:5

Rü ngẽmaca̱x ichaca, rü mea chape, rü taãẽãcü chaba̱i̱xãchi, erü nüma ya Cori ya Tupana rü choxna nadau.

1 Tesalonicenses 5:10

Rü Ngechuchu ya Cristu rü taxca̱x nayu nax wüxigu namaxã imaxẽxü̃ca̱x i daxũguxü̃ i naanewa. Rü woo marü iyueyane ínanguxgu rüẽ̱xna imaxẽyane ínanguxgu, rü wüxiwa tá namaxã tamaxẽ.

Wenaxarü naxümatü ga Tupanaarü mugü 12:10

Natürü ngẽxguma marü pichoü̃gu i ngẽma natü i Yudáü̃ rü nawa pemaxẽgu i ngẽma naane i Cori ya Tupana tá pexna ãxü̃, rü nüma rü tá pexna nadau rü tá pexü̃ ínapoxü̃ naxme̱xwa i ngẽma perü uanügü i pexü̃ íchomaeguãchixü̃ rü taxuca̱xtama pemuü̃e rü pexoegaãẽgü.

Lebítanüxü̃arü puracüchiga 26:5

Rü ngẽma tríguarü buxu rü tá úbaarü buxuwa nangu, rü ngẽma úbaarü buxu rü tá toearü ngunexü̃wa nangu. Rü paũmaxã tá pixãwemü ñu̱xmata mea pingãxpütüwegü. Rü taxuxü̃táma i ta̱xacü pexü̃ nachixewe i pechixü̃anewa.

Ochéa 2:18

Rü ngẽma ngunexü̃gügu rü ngẽma Iraéanecüã̱xgüxü̃ tá charüngü̃xẽxẽxü̃. Rü ngẽma naeü̃gü i düraexü̃, rü werigü, rü ãxtapegü rü tá ichanangüxmüexẽxẽ nax tama ngẽma duü̃xü̃güxü̃ nachixeãẽgüxü̃ca̱x. Rü tá ichanaxoxẽxẽ ya würagü rü taragü. Rü ngẽma norü uanügü rü tá ichanangüxmüexẽxẽ nax tama wena naxca̱x íyaxü̃ãchixü̃ca̱x, rü ngẽmaãcü i chorü duü̃xü̃gü rü nataãẽgüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:13

Rü ñu̱xũchi nüxü̃ chaxĩnü ga wüxi ga naga ga daxũguxü̃ ga naanewa inaxũxü̃ ga ñaxü̃ choxü̃: “¡Naxümatü i ñaa ore i tá cumaxã nüxü̃ chixuxü̃! Rü ñu̱xmaü̃cüü tá tataãẽgü ya yíxema tórü Coriaxü̃́ mea yaxõgüãcüma yuexe. Erü Tupanaãxẽ ya Üünecü rü ñanagürü: ‘Ngü̃, ngẽmáacü tá tataãẽgü ya yíxema, erü tá itarüngüe nüxna i tümaarü puracügü. Rü ngẽma mexü̃ i taxügüxü̃ rü tümamaxã wüxigu daxũguxü̃ i naanewa tá naxũ’ ”, ñanagürü.

Echequié 34:25

Rü chorü carnérugümaxã tá chanaxü i chorü uneta nax taãxẽwa nangẽxmagüxü̃ca̱x. Rü nachixü̃anewa tá chayanaxoxẽxẽ i ngẽma aigü i düraexü̃ nax ngẽmaãcü taãẽãcüma ngẽma naanewa namaxẽxü̃ca̱x rü naixnecügu napegüxü̃ca̱x.

Wiyaegü 16:11

Rü cuma rü choxü̃ cunawe̱x i ngẽma nama i maxü̃wa nadaxü̃. Rü cuxü̃tawa nangẽxma i taxüchixü̃ i taãxẽ. Rü ngẽma curü tügünecüwawa nangẽxma i taãxẽ i taguma iyacuáxü̃.

Ichaía 9:2

Rü ngẽma Gariréaanecüã̱x ga noxri ẽanexü̃wa yexmagüxü̃ rü nüxü̃ nadaugü ga wüxi ga taxü̃ ga omü ga nangóonexẽẽruxü̃. Rü yema omü rü poraãcü tüxü̃ nangóonetanüxẽxẽ ga guxema ẽanexü̃wa yexmagüxe.