Wiyaegü 4:6 - Tupanaarü Ore

⁶ Rü muxü̃ma i duü̃xü̃gü rü ñanagürügü: —¿Texé tá tüxü̃ tarüngü̃xẽxẽ? —ñanagürügü. Pa Corix ¡cuxü̃́ tangechaxü̃tümüxü̃gü rü toxü̃ rüngü̃xẽxẽ!

Wiyaegü 4:6 Referans Kwoze

Wiyaegü 80:19

Pa Torü Tupana ya Guxãétüwa Ngẽxmacüx ¡toxü̃ rüngü̃xẽxẽ nax noxrirüü̃tama wüxi i nachixü̃ane i poraxü̃ tixĩgüxü̃ca̱x! ¡Rü toxü̃ nangechaxü̃ nax ngẽmaãcü torü uanügüme̱xẽwa ítanguxü̃xü̃ca̱x!

Iraétanüxü̃arü muxchiga 6:26

¡Rü Tupana taãxẽ cuxna naxã rü taãẽmaxã cuxü̃ yapaxẽxẽ! Rü ngẽmaãcü tá nixĩ”.

Wiyaegü 119:135

Rü ñu̱xma nax curü duü̃xü̃ chixĩxü̃ ¡rü cuxü̃́ changechaü̃tümüxü̃! ¡Rü choxü̃ nangu̱xẽxẽ i curü mugü!

Wiyaegü 80:7

Pa Torü Tupanax ¡toxü̃ rüngü̃xẽxẽ nax noxrirüxü̃tama wüxi i nachixü̃ane i poraxü̃ tixĩgüxü̃ca̱x! Rü tanaxwa̱xe i toxü̃ cungechaü̃ nax ngẽmaãcü naxme̱xwa ítanguxü̃xü̃ca̱x i torü uanügü.

Wiyaegü 89:15

Pa Corix, nataãẽgü i ngẽma duü̃xü̃gü i nüxü̃ cuáxü̃ nax taãẽãcü cuxü̃ yacua̱xüü̃güxü̃ rü aixcüma curü oregu namaxẽxü̃ nax ngẽmaãcü curü ngóonexü̃wa nangẽxmagüxü̃.

Wiyaegü 67:1

Pa Tupanax ¡cuxü̃́ tangechaxü̃tümüxü̃gü rü toxü̃ rüngü̃xẽxẽ! ¡Rü taãẽãcü toxü̃ nadawenü nax ngẽmaãcü guxü̃ i nachixü̃anecüã̱xgü cuxü̃ cua̱xgüxü̃ca̱x, nax curü ngúchaü̃ yixĩxü̃ nax cunamaxẽxẽxẽxü̃ i duü̃xü̃gü!

Ore i mexü̃ ga Luca ümatüxü̃ 16:19

Nayexma ga wüxi ga yatü ga diẽruã̱xü̃chixü̃ ga guxü̃guma mexẽchixü̃ ga naxchirugu icúxü̃. Rü guxü̃ ga ngunexü̃gu rü taxü̃ma ga õna naxü rü napetaexü̃.

Wiyaegü 44:3

Rü tama tümaarü poramaxã rü tümanegümaxã nixĩ ga tanayauxgüxü̃ ga ñaa naane. Natürü yema curü poragagu rü curü ngü̃xẽẽgagu nixĩ ga nawa tangugüxü̃ ga yema naane. Yerü cuma rü tüxü̃ cungechaü̃ rü tümamaxã cumecüma.

Wiyaegü 39:6

Rü wüxichigüarü maxü̃ rü ñoma wüxi i gáuxchipeta i ngupetüxü̃rüxü̃ nixĩ. Rü natüca̱xma nananutaque̱xe i norü ngẽmaxü̃gü, natürü tama nüxü̃ nacua̱x i texéarü tá yixĩxü̃ i nawena.

Wiyaegü 21:6

Rü cuma rü guxü̃guma nüxü̃ curüngü̃xẽxẽ. Rü naxü̃tawa cungexmaecha rü ngẽmaca̱x poraãcü nataãẽxü̃chi.

Popera ga Chantiágu ümatüxü̃ 4:13

¡Choxü̃́ iperüxĩnüe i pema nax ñapegügüxü̃: “Ñu̱xma rüe̱xna moxü̃ tá nai ya ĩanewa taxĩ, rü wüxi ya taunecü tá ngẽxma tayayaxu, rü tá ngéma tataxegü nax mucü i diẽru ngĩxü̃ iyaxuxü̃ca̱x”, ñaperügügü!

Ore i mexü̃ ga Luca ümatüxü̃ 12:19

Rü ngẽxguma marü namexgu i guxü̃ma, rü chaugümaxã tá ñacharügü: ‘Ñu̱xma rü tá icharüngü̃ rü mea tá chachibü rü mea chaxaxe rü ngẽmaãcü tá chataãxẽ. Erü namuxũchi i chorü ngẽmaxü̃gü, rü mucüma ya taunecü tá choxü̃́ natai’, ñacharügü tá chaugümaxã”.

Ichaía 55:2

¿Rü ta̱xacüca̱x i diẽrumaxã penaxütanü i ngẽma tama õna ixĩxü̃? ¿Rü ta̱xacüca̱x penaxütanü i ngẽma tama nawa itaãẽxü̃? ¡Rü mea choxü̃́ iperüxĩnüe rü tá mexü̃ i õna pengõ̱xgü rü õna i chíxü̃maxã tá pengaxpütüwe!

Wiyaegü 42:5

¿Rü ñu̱xma rü ta̱xacüca̱x chi íchayaxoõchixü̃? ¿Rü ta̱xacüca̱x chi i naxca̱x chaxoegaãẽxü̃? Rü Tupanawa tá nüxü̃ ichayangau i chorü ngü̃xẽxẽ, rü yimáxü̃ tá nixĩ i chicua̱xüxü̃xü̃. Erü nüma nixĩ ya chorü Tupana ya chorü maxẽẽruxü̃.

Wenaxarü naxümatü ga Tupanaarü mugü 33:19

Rü pema rü tá naxca̱x pengẽma i ngẽma togü i duü̃xü̃gütücumügü nax perü máxpü̱xanexü̃wa Cori ya Tupanaca̱x nadaiaxü̃ rü yagugüãxü̃ i norü ãmaregü ya Tupana naxwa̱xexü̃. Rü pexme̱xwa tá nangẽxmagü i ngẽma ngẽmaxü̃gü i márwa ngẽxmagüxü̃ rü ñu̱xũchi ngẽma mexü̃gü i to i nachixü̃anegüarü türegüwa naxca̱x petaxexü̃ —ñanagürü.

Maraquía 3:3

Rü nüma ya Cori rü tá ínarüto nax ínapigüãxü̃ca̱x i norü chixexü̃ i ngẽma chacherdótegü i Lebítanüxü̃, ñoma diẽrumü rü úiru norü üxaxü̃ca̱x üxüwa iguxü̃rüxü̃. Rü ngẽmawena rü tá marü name i ngẽma chacherdótegü nax Cori ya Tupana naxwa̱xexü̃ãcü ngéma nape̱xewa nangegüãxü̃ i norü ãmaregü.