Wiyaegü 4:5 - Tupanaarü Ore

⁵ ¡Rü Tupanana penaxã i ngẽma ãmaregü i nüma namaxã nataãẽxü̃! ¡Rü guxü̃guma nüxü̃́ peyaxõgü!

Wiyaegü 4:5 Referans Kwoze

Wiyaegü 37:3

¡Rü nüxü̃ yaxõ ya Cori ya Tupana rü mexü̃ naxü! ¡Rü mea ñoma i naanewa namaxü̃ rü aixcüma mexü̃ naxü!

Wiyaegü 51:19

Rü ngẽxguma i cuma rü tá namaxã cutaãxẽ i ngẽma ãmaregü i wocagü i tá cuxca̱x daixü̃ rü cuxca̱x íguxü̃. Rü ñu̱xũchi curü ãmarearü guruü̃wa tá cuxca̱x nayagugü i wocaxacügü.

Nüxíraxü̃xü̃ ga popera ga Pedru ümatüxü̃ 4:19

Rü ngẽmaca̱x ya yíxema Tupana naxwa̱xexü̃ãcüma ngúxü̃ ingegüxe, rü name nixĩ nax mexü̃ taxügüechaxü̃ rü Tupana ya tüxü̃ ücüme̱xẽgu nax tanaxüxü̃ i tümaarü maxü̃ nax nüxna tüxü̃́ nadauxü̃ca̱x. Erü nüma ya Tupana rü mecü nixĩ rü nayanguxẽxẽ i ngẽma tümamaxã inaxunetaxü̃.

Wiyaegü 62:8

Pa Chorü Duü̃xü̃güx ¡guxü̃guma nüxü̃́ peyaxõgü ya Tupana! ¡Rü perü yumüxẽwa namaxã nüxü̃ pixu i perü guxchaxü̃gü! Erü nüma nixĩ i aixcüma tórü ngü̃xẽẽruxü̃ i tórü cu̱xchicaxü̃ yixĩxü̃.

Wenaxarü naxümatü ga Tupanaarü mugü 33:19

Rü pema rü tá naxca̱x pengẽma i ngẽma togü i duü̃xü̃gütücumügü nax perü máxpü̱xanexü̃wa Cori ya Tupanaca̱x nadaiaxü̃ rü yagugüãxü̃ i norü ãmaregü ya Tupana naxwa̱xexü̃. Rü pexme̱xwa tá nangẽxmagü i ngẽma ngẽmaxü̃gü i márwa ngẽxmagüxü̃ rü ñu̱xũchi ngẽma mexü̃gü i to i nachixü̃anegüarü türegüwa naxca̱x petaxexü̃ —ñanagürü.

Ore i mexü̃ ga Matéu ümatüxü̃ 5:23

Rü ngẽxguma Tupanapatawa cunangexgu i curü diẽru, rü ngéma nüxna cucua̱xãchigu nax ta̱xacüca̱x cumaxã nanuxü̃ i cuenexẽ, ¡rü ngẽxma Tupanapatagutama naxǘ i ngẽma curü ãmare i Tupanana cuxãxchaü̃xü̃! ¡Rü cuenexẽxü̃tawa naxũ, rü namaxã yamexẽẽxíra i ngẽma cuxchi nax naxaixü̃! Rü ngẽmawena rü marü name i Tupanapataca̱x cutaegu nax Tupanana cuyaxãxü̃ca̱x i curü diẽru.

Ichaía 61:8

Erü nüma ya Tupana rü naxchi naxai i ngẽma ngĩ́ta̱a̱x rü máeta, natürü nüxü̃ nangechaü̃ i ngẽma aixcüma mexü̃. Rü tá pexna nanaxã i taxü̃ma i perü natanü, rü pemaxã tá nanaxü i wüxi i uneta i tagutáma yagúxü̃.

Maraquía 1:8

¿Ẽ̱xna tama pexca̱x nachixe ega woo naxü̃na i ngexetüxü̃ rüe̱xna ngemaeparaxü̃ rüe̱xna ida̱xawexü̃ cha̱u̱xca̱x piguxgu? ¡Rü ẽcü perü ãẽ̱xgacügüxü̃tawa penana nax ngẽmaãcü nüxü̃ pecuáxü̃ca̱x rü aixcüma taãẽãcü pexü̃́ nayauxgüã i ngẽma perü ãmaregü! —ñanagürü ya Tupana ya Guxü̃étüwa Ngẽxmacü.

Wiyaegü 50:14

Rü choma ya Tupana ya Guxü̃étüwa Ngẽxmaxe rü ngẽma ãmare i chanaxwa̱xexü̃ nixĩ nax moxẽ choxna pexãxü̃ rü aixcüma peyanguxẽẽxü̃ i ngẽma perü unetagü.

Ichaía 50:10

Rü pema nax Tupanaxü̃ pemuü̃exü̃ rü norü duü̃xü̃ga pexĩnüexü̃, rü ngẽxguma waanexü̃wa i omü ínataxuxü̃wa pexĩxgu rü ¡Tupanagu perüxĩnüe rü nüxü̃́ peyaxõgü!

Wiyaegü 26:1

Pa Cori Pa Tupanax ¡choxü̃ nadau nax taxuxü̃ma i pecadu chaxüxü̃! Rü chorü maxü̃wa rü nataxuma i chixexü̃. Rü aixcüma cuxü̃́ chayaxõ, Pa Cori Pa Tupanax.

2 Chamué 15:12

Rü yexgumarüxü̃ ta ga nüma ga Acharóü̃ rü naxca̱x nangema ga wüxi ga Dabíarü ucu̱xẽruxü̃ ga Aitópegu ãégacü ga ĩane ga Guirógu ãchiü̃cü. Rü namaxã nüxü̃ nixu nax naxümücüãxü̃ca̱x ga yexguma Tupanaca̱x naxü̃na nadaixgu rü ínaguãgu. Rü yemaacü ga yema Acharóü̃arü ĩnüwaama ügüxü̃ ga yatügü rü nimuetanü ga yema nawe rüxĩxü̃.

Wiyaegü 77:7

—¿Ẽ̱xna guxü̃gutáma i nanuxü̃ ya Cori ya Tupana? ¿Rü taxũtáma ẽ̱xna wena tamaxã nangüxmüxü̃?