Wiyaegü 4:4 - Tupanaarü Ore

⁴ ¡Rü nüxü̃ pemuü̃e rü nüxü̃́ iperüxĩnüe! ¡Rü marütama nax chixexü̃ pexügüxü̃! Rü ngẽxguma ipeyacaxãchitanügu i perü pechicaxü̃wa, ¡rü peãxẽwa pegü pengugü nax ñuxãcü yixĩxü̃ i perü maxü̃ i Tupanape̱xewa!

Wiyaegü 4:4 Referans Kwoze

Efesios 4:26

Rü ngẽxguma ta̱xacüca̱x penúxgu rü ¡pegüna pedaugü nax tama pecadu pexüxü̃ca̱x! Rü name i ngẽmatama ngunexü̃gu perüngüxmü naxü̃pa nax yanaxücuxü̃ ya üa̱xcü.

Wiyaegü 77:6

Rü nüxna chacua̱xãchi ga yexguma chütacü taãẽãcüma chawiyaegu. Rü chauãẽwa nagu charüxĩnü rü chaugüna chaca:

Ucu̱xẽgüchiga 3:7

¡Rü taxṹ i cugü nüxü̃ ícurücuáã̱xü̃xü̃! ¡Rü narümemae nixĩ nax Tupanaga cuxĩnüxü̃ rü nüxna quixũgachixü̃ i ngẽma chixexü̃!

Wiyaegü 63:6

Rü ngẽxguma ichacaxgu rü cuxna chacua̱xãchi, rü guxü̃ma i chütaxü̃gu cugu charüxĩnü.

Wiyaegü 46:10

Rü nüma ya Tupana rü ñanagürü: —Pa Nachixü̃anegüarü Ãẽ̱xgacügüx ¡choxü̃́ iperüxĩnüe! ¡Rü nagu perüxĩnüe nax choma rü Tupana chixĩxü̃! Rü choma nixĩ i namaxã ichacuáxü̃ i guxü̃ma i nachixü̃anegü. Rü choma nixĩ i guxü̃ma i ñoma i naaneétüwa changexmaxü̃ —ñanagürü.

2 Corintios 13:5

Rü name nixĩ i pegütama pengugü nax nüxü̃ pecuáxü̃ca̱x rü aixcüma mea peyaxõgü. Rü name nixĩ i pegü pengugüarü maxü̃ã̱x rü aixcüma Tupanape̱xewa pime. ¿Tama ẽ̱xna nüxna pecua̱xãchie nax Ngechuchu ya Cristu rü pewa nangẽxmaxü̃ ega tama perüyixgu i perü õwa i ngẽxguma guxchaxü̃ pexca̱x ínguxgu?

Wiyaegü 33:8

Pa Guxü̃ma i Ta̱xacü i Ñoma i Naanewa Ngẽxmagüxü̃x ¡rü Tupanaxü̃ picua̱xüü̃gü! Rü guxãma i pemax, Pa Ñoma i Naanecüã̱x i Duü̃xü̃güx ¡rü nüxü̃ picua̱xüü̃gü!

Yox 28:28

Rü Tupana rü duü̃xü̃güxü̃ ñanagürü: “Rü yíxema chauga ĩnüxe rü cua̱x tüxü̃́ nangẽxma. Rü yíxema nüxü̃ rüxoxe i chixexü̃gü rü aixcüma tümaãẽxü̃ tacua̱x”, ñanagürü ga Tupana —ñanagürü ga Yox.

Ucu̱xẽgüchiga 16:6

Ngẽxguma texé aixcüma tümamücüxü̃ ngechaü̃gu, rü nüxü̃ tarüngüma i ngẽma guxchaxü̃ i tümamücü tümaca̱x ínguxẽẽxü̃. Rü ngẽxguma wüxíe aixcüma Cori ya Tupanaga ixĩnügu, rü nüxna tixũgachi i chixexü̃gü.

Abacú 2:20

Natürü nüma ya Cori ya Tupana ya Maxü̃cü rü napata ya üünenewa nangẽxma. Rü guxãma i pema i ñoma i naanecüã̱x rü name nixĩ i nape̱xewa pechianegümare.

Ucu̱xẽgüchiga 16:17

Ngẽma duü̃xü̃gü i mexü̃gu maxẽxü̃, rü nüxna nixĩgachi i nacüma i chixexü̃. Rü ngẽxguma mea nüxna ida̱u̱xgu i tacüma, rü yigünatama nixĩ idauxü̃.

Wiyaegü 119:161

Rü ãẽ̱xgacügü i poraexü̃ rü chowe ningẽxü̃tanü woo taxuxü̃ma i chixexü̃ chaxüyane. Natürü i choma rü naga chaxĩnü i curü mugü.

Wiyaegü 3:4

Rü Cori ya Tupanaca̱x aita chaxü nax choxü̃ nangü̃xẽẽxü̃ca̱x. Rü nüma rü yima norü ma̱xpǘne ya üünenewa choxü̃ nangãxü̃.

Wiyaegü 2:11

¡Rü taãxẽãcü rü nüxü̃ pengechaü̃güãcü nüxü̃ picua̱xüxü̃gü ya Cori ya Tupana! ¡Rü nüxü̃ pemuü̃eãcüma nape̱xegu pecaxã́pü̱xügü, rü naga pexĩnüe nax tama pemaxã nanuxü̃ca̱x, rü ngẽmaãcü namagu peyuexü̃ca̱x! Erü ngürüãchi tá nanu rü tá pexü̃ nadai. Natürü tataãxẽgü ya yíxema naxme̱xwa tügü ngẽxmaxẽẽgüxe.

Yeremía 5:22

Rü choma ya Cori ya Tupana rü pexna chaca rü ñachagürü: ‘¿Tama ẽ̱xna choxü̃ pemuü̃e? ¿Tama ẽ̱xna chope̱xewa pidu̱xrue?’ Choma rü chanango̱xẽxẽ ya naxnecü nax márxü̃ yatoxyepe̱xexü̃ca̱x. Rü ngẽma toxyepe̱xewa rü taxucürüwama naxüpetü i már. Rü woo poraãcü nayuapegu rü natagagu rü taxucürüwama naxüpetü nawa i ngẽma toxyepe̱xe.

Wiyaegü 3:2

Rü namuxũchi i ngẽma chauchigagu ñagüxü̃: —Tupana rü taxũtáma ínanapoxü̃ —ñagüxü̃.

Wiyaegü 17:6

Pa Tupanax, cumaxã nixĩ i chidexaxü̃ erü nüxü̃ chacua̱x rü cuma rü choxü̃́ nüxü̃ cuxĩnü i chorü yumüxẽ rü choxü̃ cungãxü̃. ¡Rü choxü̃́ nüxü̃ naxĩnü i chorü ore!