Wiyaegü 4:2 - Tupanaarü Ore

² Rü pema nax petachigaxü̃ ¿rü ñuxguxüratáta i nüxü̃ perüxoexü̃ nax choxü̃ picugüexü̃ rü ãne choxü̃ pingexẽẽxü̃? ¿Rü ñuxguxüratáta i nüxna pixĩgachixü̃ nax nagu pemaxẽxü̃ i pecümagü i chixexü̃ i taxuwama mexü̃ rü natüca̱xmamare ixĩxü̃?

Wiyaegü 4:2 Referans Kwoze

Ucu̱xẽgüchiga 1:22

Rü ngẽma cua̱x rü ñanagürü: —Pa Ngextü̱xücügü i Ngearü Cua̱xã́xü̃ rü Dauxcüraxü̃wa̱xegüxü̃ rü Naechitamare Maxẽxü̃x, rü ¿ñuxguratáta nüxü̃ perüxoexü̃ i pecüma i chixexü̃? Erü pema rü namaxã petaãxẽ i ngẽma chixexü̃ i nagu pemaxẽxü̃, rü nüxü̃ pexoe i ngẽma cua̱x i aixcüma mexü̃.

Ochéa 4:7

Rü ngẽxguma yexera yamuxgu i ngẽma chacherdótegü, rü yexera chixexü̃ chope̱xewa naxügü. Nümagü rü choxna nixĩgachi rü tama chauga naxĩnüe. Rü ngẽmaca̱x i choma rü taxũtáma namaxã chataãxẽ rü tá chanaxãneexẽxẽ.

Wiyaegü 3:3

Natürü cumax, Pa Corix, rü chorü poxü̃ruxü̃ quixĩ. Rü cuma nixĩ i choxü̃ cuporaxẽẽxü̃, rü choxü̃́ cunangúchaü̃xẽẽxü̃ nax tama chamuü̃xü̃ca̱x.

Wiyaegü 106:20

Rü yemaacü Tupana ya Üünecüxü̃ naxüchicüxügü namaxã ga wüxi ga woca i maxẽ i ngṍxü̃chicüna̱xã.

Wiyaegü 5:6

Rü ngẽma idorata̱a̱xgüxü̃ rü icuyanaxoxẽxẽ. Rü cuma rü nüxü̃ cuxo i ngẽma womüxẽẽwa̱xegüxü̃ rü máetagüxü̃.

Efesios 4:25

Rü ngẽmaca̱x i ñu̱xma nax Cristuarü pixĩgüxü̃ rü tama name nax pidorata̱a̱xgüxü̃. Natürü name nixĩ i wüxichigü rü tümamücümaxã aixcümaxü̃ tixu. Erü guxãma i yixema rü yigütanüxü̃ i yaxõgüxü̃ tixĩgü.

Ngu̱xẽẽtaeruü̃arü ore 8:11

Rü ngẽxguma tama paxa napoxcugu i ngẽma chixexü̃arü üruxü̃, rü ngẽma togü i duü̃xü̃gü nagu narüxĩnüe nax nümagü rü ta chixexü̃ naxügüxü̃.

1 Chamué 12:21

¡Rü taxṹ i nawe perüxĩxü̃ i ngẽma tupananetagü i tama pexü̃ rüngü̃xẽẽxü̃ rü tama pexü̃ maxẽxẽxẽxü̃! Erü ucaxü̃mare nixĩ i ngẽma tupananetagü.

Yoná 2:8

Rü ngẽma duü̃xü̃gü i naxchicüna̱xãgüxü̃ icua̱xüü̃güxü̃, rü tama cumaxã nixaixcümagü. Natürü i chomax rü tá moxẽ cuxna chaxã rü tá cuxca̱x chayagu i ãmaregü. Rü tá chayanguxẽxẽ ga yema cumaxã ichaxunetaxü̃. Rü cuxicatama nixĩ, Pa Corix, Pa Tupanax, i nüxü̃ cucuáxü̃ nax choxü̃ cumaxẽẽxü̃ —ñanagürü.

Yeremía 9:3

Rü guxü̃guma ínamegümare nax doraxü̃ yaxugüxü̃ca̱x ñoma wüxi ya würamaxã chuxchigü inamaxgüxü̃rüxü̃. Ngẽma nachixü̃anewa rü nataxüchi i dora rü bai i mexü̃. Rü yexeraãcü chixexü̃wa naxĩ. Rü nümatama ya Cori ya Tupana rü ñanagürü: —Chorü duü̃xü̃gü rü marü tama choxü̃ nacua̱xgüchaü̃ —ñanagürü ya Cori ya Tupana.

Ichaía 59:4

Rü taxúema i pema mexü̃ i ĩnümaxã ãẽ̱xgacü ya guxchaxü̃arü mexẽẽruü̃pe̱xewa pexĩ. Rü ngẽma guxchaxü̃ ínamexẽẽgüpe̱xewa rü taxúema nüxü̃ tixu i ngẽma ore i aixcüma ixĩxü̃. Rü nüxü̃ tixu i ngẽma dora ixĩxü̃ rü taxúema aixcümaxü̃ tixu. Erü chixexü̃maxã penapagü rü tama aixcüma penango̱xẽxẽ i ngẽma perü chixexü̃gü.

Ichaía 45:17

Natürü i Iraétanüxü̃ rü Tupana ínananguxü̃xẽxẽ nax tagutáma togüme̱xẽwa nangẽxmagüxü̃ca̱x. Rü tagutáma naxãnee rü tagutáma narümaachitanü —ñanagürü.

Ichaía 20:5

Rü ngẽma togü i nachixü̃anegü i Etiopíaaneaxü̃́ yaxõgüxü̃ nax ínapoxü̃ãxü̃ca̱x rü ngẽma Equítuanecüã̱xmaxã nügü icua̱xüü̃güxü̃ rü tá poraãcü namuü̃e rü naxãnee.

Wiyaegü 63:11

Natürü i choma nax ãẽ̱xgacü chixĩxü̃ rü tá Tupanamaxã chataãxẽ. Rü guxãma ya yíxema Tupanaarü ngü̃xẽẽca̱x daugüxe rü tá nüxü̃ ticua̱xüxü̃gü. Natürü ngẽma idorata̱a̱xgüxü̃ rü tá nayarüngea̱xgü.

Wiyaegü 58:3

Rü ngẽma chixexü̃gu maxẽxü̃ i duü̃xü̃gü rü woetama naéanüwa nixĩ i chixexü̃ nüxna nguxü̃. Rü ngẽma idorata̱xáxü̃ rü woetama nabuxgucürüwa rü ngẽma dora namaxã inacua̱x.

Wiyaegü 58:1

Rü pema, Pa Ãẽ̱xgacügüx, rü pexna chaca ¿rü marü mea namaxã pecuáxü̃ i perü duü̃xü̃gü? ¿Rü aixcüma nawe̱xguxü̃ i ngẽma duü̃xü̃gümaxã pexueguxü̃?

Wiyaegü 57:4

Rü choma rü natanüwa changexma i uanügü i ñoma leóü̃rüxü̃ idüraexü̃. Rü napüta rü ñoma naxnegü i ãmaguxnerüxü̃ nixĩ rü norü conü rü ñoma tara i meama waixmaguxü̃rüxü̃ nixĩ.

Wiyaegü 31:6

Rü tama namaxã chataãxẽ i ngẽma duü̃xü̃gü i naxchicüna̱xãgü i taxuwama mexü̃xü̃ icua̱xüü̃güxü̃. Rü choma rü cuxü̃́icatama nixĩ i chayaxõxü̃, Pa Corix, Pa Tupanax.

Wiyaegü 14:6

Rü ngẽma chixexü̃ ügüxü̃ rü tüxü̃́ nüxü̃ nacugüe i tümaarü ĩnü ya yíxema tama tügü icua̱xüxü̃güxe. Natürü nüma ya Cori ya Tupana rü tüxna nadau rü tüxü̃ ínapoxü̃.

Wiyaegü 2:1

¿Ta̱xacüca̱x nügümaxã nanue i ñoma i naanecüã̱x i duü̃xü̃gü i tama Tupanaxü̃ cua̱xgüxü̃? ¿Rü tü̱xcüü̃ i nügümaxã nagu narüxĩnüe i ta̱xacü i taxuwama mexü̃?

Ngu̱xẽẽtaeruü̃arü ore 9:3

Rü guxü̃ma i ngẽma ngupetüxü̃ i ñoma i naanewa, rü taxü̃ i guxchaxü̃ nixĩ nax wüxi i ngunexü̃ rü guxãtáma yuexü̃. Rü to nixĩ nax guxü̃ma i norü ĩnü ya yima yatü rü nachixe. Rü ngẽxguma namaxyane rü guxü̃ma i ngẽma nagu naxĩnüxü̃ rü taxuwama name. Rü norü gu̱x nixĩ nax tauquewa naxũxü̃.

Wiyaegü 72:2

Rü ngẽmaãcü mea tá curü duü̃xü̃gümaxã inacua̱x rü tá tüxü̃ narüngü̃xẽxẽ ya yíxema taxuxü̃ma tüxü̃́ ngẽxmagüxe.

Iraétanüxü̃arü muxchiga 14:11

Rü yexguma ga nüma ga Cori ya Tupana rü Moichéxü̃ ñanagürü: —¿Ñuxguratáta nixĩ i choxü̃́ inaxĩnüexü̃ i ñaa duü̃xü̃gü? ¿Rü ñuxguratáta nixĩ i nüxü̃ naxoexü̃ nax tama choxü̃́ yaxõgüãxü̃ rü woo nüxü̃ nax nadaugüxü̃ ga yema mexü̃gü ga chorü poramaxã nape̱xewa chaxüxü̃?

Ínachoxü̃xü̃chiga 10:3

Rü Moiché rü Aróü̃ rü Faraóü̃xü̃tawa naxĩ, rü ñanagürügü nüxü̃: —Cori ya Iraétanüxü̃arü Tupana rü cuxca̱x nua namuga rü ñanagürü cuxü̃: “¿Ñuxguratáta i nüxü̃ curüxoxü̃ nax choxna cugü quinuxuxü̃? ¡Rü yange̱xgü i chorü duü̃xü̃gü nax choxü̃ yanacua̱xüü̃güxü̃ca̱x!

1 Corintios 1:31

Rü ngẽmaca̱x i Tupanaarü ore i ümatüxü̃wa rü ñanagürü: “Rü ngẽxguma texé tügü icua̱xüxü̃chaü̃gu rü name i tügü ticua̱xüxü̃ naxca̱x i ngẽma tórü Cori ya Cristu üxü̃”, ñanagürü.

Yeremía 2:5

Rü nüma ya Cori ya Tupana rü ñanagürü pexü̃: —¿Ta̱xacü rü chixexü̃ chowa nüxü̃ nadaugü ga perü o̱xigü rü yemaca̱x choxna yaxĩgachixü̃ rü nawe naxĩxü̃ ga tupananetachicüna̱xãgü ga ngearü maxü̃ã̱xgüxü̃? Rü yemagagu taxuwama nügü namexẽẽgü.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Ngechuchuarü ngúexü̃gü ga yamugüxü̃arü puracüchiga 24:9

Rü yema Yudíugü ga yéma yexmagüxü̃ rü ta rü: —Aixcüma nixĩ i ngẽma ore —ñanagürügü.