Wiyaegü 4:1 - Tupanaarü Ore

¹ Pa Chorü Poxü̃ruxü̃, Pa Tupanax, ¡choxü̃ nangãxü̃ ega cuxna chacaxgu! Rü ngẽxguma ngúxü̃ chingexgu, rü cuma nixĩ i choxü̃ cutaãẽxẽẽxü̃. Rü cuxü̃́ changechaü̃tümüxü̃ rü ¡choxü̃́ nüxü̃ naxĩnü i chorü yumüxẽ!

Wiyaegü 4:1 Referans Kwoze

2 Corintios 1:10

Rü Tupana rü toxü̃ ínanguxü̃xẽxẽ nawa ga yema guxchaxü̃ ga yuwa toxü̃ gagüchaü̃xü̃. Rü ngẽxgumarüxü̃ tá ta toxü̃ ínanguxü̃xẽxẽ nawa i ñaa taxü̃ i guxchaxü̃ i ñu̱xma toxü̃́ ngẽxmaxü̃. Rü aixcüma tayaxõgü nax nüma rü guxü̃gutáma ngẽmaãcü toxü̃ nangü̃xẽẽxü̃.

Wiyaegü 119:132

¡Rü choxü̃ nadawenü rü cuxü̃́ changechaü̃tümüxü̃, ngẽma cuxü̃ ngechaü̃güxü̃ca̱x cuxüxü̃rüxü̃!

Wiyaegü 25:16

Pa Corix ¡choxü̃ rüngü̃xẽxẽ erü chanaxĩ̱xãchiãxẽ, rü cuxü̃́ changechaü̃tümüxü̃ erü chaxicatama charüxã̱ũ̱x!

Yeremía 23:6

Rü ngẽxguma nüma ãẽ̱xgacü yixĩxgu rü Yudáane rü taxũtáma to i nachixü̃ane namaxã inacua̱x rü ngẽma Iraéanearü duü̃xü̃gü rü taxuca̱xtama namuü̃e. Rü ngẽma tá namaxã naxugüãxü̃ ya yimá ãẽ̱xgacü rü “Cori ya Tamaxã Poracü”, tá nixĩ i naéga —ñanagürü ga Tupana.

Wiyaegü 17:6

Pa Tupanax, cumaxã nixĩ i chidexaxü̃ erü nüxü̃ chacua̱x rü cuma rü choxü̃́ nüxü̃ cuxĩnü i chorü yumüxẽ rü choxü̃ cungãxü̃. ¡Rü choxü̃́ nüxü̃ naxĩnü i chorü ore!

Abacú 3:19

Erü nüma ya Cori ya Tupana rü pora choxna naxã, rü ñoma wüxi i cowü i poraxü̃rüxü̃ choxü̃ naporaxẽxẽ. Rü wüxi ya ma̱xpǘneétüwa tá choxü̃ naga rü ngéma tá choxna nadau nax taxuxü̃ma choxü̃ naxüpetüxü̃ca̱x.

Ichaía 45:24

Rü ngẽxguma rü tá ñanagürügü: “Cori ya Tupanaxicatama nixĩ ya ixaixcümacü ya pora tüxna ãcü”, ñanagürügü tá. Rü guxü̃ma i ngẽma chauxchi aiexü̃ rü tá naxãnee.

Wiyaegü 143:2

¡Rü taxṹ i choxna naxca̱x cucaxü̃ i chorü chixexü̃gü nax poxcu chomaxã cuxueguxü̃ca̱x! Erü cupe̱xewa rü tataxuma ya texé ya tama nüxü̃ cuáxe nax chixexü̃ taxüxü̃.

Wiyaegü 57:1

¡Cuxü̃́ changechaü̃tümüxü̃, Pa Chorü Tupanax, cuxü̃́ changechaü̃tümüxü̃! Erü cuxca̱x chiña nax choxü̃ ícupoxü̃xü̃ca̱x. Rü cuxpe̱xatütüü̃gu chaugü chicúxchaü̃ ñu̱xmatáta nangupetü i ngẽma ãũcümaxü̃.

Wiyaegü 45:1

Chauãxẽwa nangu i mexü̃ i dexagü, rü chorü conü rü ñoma wüxi i ümatüxü̃ruü̃rüxü̃ nixĩ. Rü ñaa chorü ore i chaxümatüxü̃ rü ãẽ̱xgacüpe̱xewa tá nüxü̃ chixu.

Wiyaegü 22:1

Pa Chorü Tupanax, Pa Chorü Tupanax ¿tü̱xcüü̃ choxna quixũgachi? ¿Rü tü̱xcüü̃ choxna cuyáxü̃gu rü tama choxü̃ curüngü̃xẽxẽ rü tama nüxü̃ cuxĩnü i chorü axu?

1 Chamué 17:37

Rü gumá Cori ya Tupana ga leóü̃na rü osu i düraxü̃na choxü̃ ípoxü̃cü, rü yimátátama nixĩ i ñaa Firitéume̱xẽwa choxü̃ ípoxü̃cü —ñanagürü. Rü yexguma ga Chaú nanangãxü̃ rü ñanagürü: —¡Ẽcü ngéma naxũ rü Cori ya Tupana cuxü̃ íxümücü! —ñanagürü.

2 Corintios 1:8

Pa Toenexẽgüx, tanaxwa̱xe i nüxü̃ pecua̱x nax ñuxre ga guxchaxü̃gü toxü̃ ngupetüxü̃ ga Áchiaanewa. Rü yema nax poraãcü ngúxü̃ tingegüxü̃, rü nagu tarüxĩnüe nax marü tama namaxã taporaexü̃, rü düxwa nagu tarüxĩnüe nax marü taũtáma tamaxẽxü̃.

1 Corintios 1:30

Rü nümatama ga Tupana nixĩ ga Ngechuchu ya Cristuarü duü̃xü̃güxü̃ pexü̃ yaxĩgüxẽẽxü̃. Rü tatanüwa nanamu ga Cristu nax nüma rü Tupanaarü cua̱x taxca̱x yixĩxü̃ca̱x. Rü Cristugagu nixĩ nax Tupana tüxü̃ dexü̃ rü tüxü̃ yamexẽẽxü̃ nax nape̱xewa ixüünegüxü̃ca̱x rü pecaduwa ínguxü̃xü̃ca̱x.

Wiyaegü 76:1

Rü Yudáanewa rü duü̃xü̃gü rü meama Tupanaxü̃ nacua̱xgü. Rü nüma rü natachigaxüchi i guxü̃wama i Iraéanewa.

Wiyaegü 67:1

Pa Tupanax ¡cuxü̃́ tangechaxü̃tümüxü̃gü rü toxü̃ rüngü̃xẽxẽ! ¡Rü taãẽãcü toxü̃ nadawenü nax ngẽmaãcü guxü̃ i nachixü̃anecüã̱xgü cuxü̃ cua̱xgüxü̃ca̱x, nax curü ngúchaü̃ yixĩxü̃ nax cunamaxẽxẽxẽxü̃ i duü̃xü̃gü!

Wiyaegü 42:1

Rü ñoma wüxi i cowü i ta̱xawaxüchixü̃ i natüca̱x dauxü̃rüxü̃ chixĩ nax cuxca̱x chadauxü̃, Pa Chorü Tupanax.

Wiyaegü 31:8

Cuma rü taxũtáma chorü uanüme̱xẽgu choxü̃ cunguxẽxẽ. Rü cha̱u̱xca̱x cunamexẽxẽ i wüxi i nachica i taxucürüwama nawa choxna nangugüxü̃.

Wiyaegü 24:5

Rü Cori ya tümaarü Tupana ya tümaarü maxẽẽruxü̃ rü tá mexü̃ tümamaxã naxuegu rü tá tüxü̃ narüngü̃xẽxẽ.

Wiyaegü 11:7

Rü nüma ya Cori ya Tupana rü ixaixcümacü nixĩ, rü nüxü̃ nangechaü̃ i ngẽma aixcüma ixĩxü̃. Rü ngẽmaca̱x ya yíxema ixaixcümagüxe rü tá Tupanachiwexü̃ tadaugü.

Wiyaegü 116:16

Pa Cori Pa Tupanax, choma rü curü duü̃xü̃ chixĩ, rü curü duü̃xü̃ tümane chixĩ. Rü cuma nixĩ i choxü̃ ícunguxuchixẽẽxü̃ nawa ga yema guxchaxü̃gü ga choxü̃ ináixü̃.

Wiyaegü 116:6

Rü nüma ya Cori ya Tupana rü tüxna nadau ya yíxema taxuxü̃ma ixĩgüxe. Rü yexguma chaturagu ga nax chayuxchaü̃xü̃ rü choxü̃ ínarüdaxẽẽama.

Wiyaegü 56:1

Pa Chorü Tupanax ¡cuxü̃́ changechaü̃tümüxü̃! Erü guxü̃guma nangẽxma i uanügü i chowe ingẽxü̃tanüxü̃ rü cha̱u̱xca̱x íyaxüãchixü̃ rü choxü̃ naxĩ̱xãchiãẽgüxẽẽxü̃.

Wiyaegü 41:12

Rü chomax nax mexü̃gu chamaxü̃xü̃ ¡rü choxna nadau nax ngẽmaãcü guxü̃guma cuxü̃tawa changexmaxü̃ca̱x!

Wiyaegü 6:1

Pa Corix ¡taxṹ i choxü̃ cuxüáxü̃ ega cunuxgu! Rü ega cunuxgu rü ¡taxṹ i choxü̃ cupoxcuxü̃!

Yox 36:16

Rü cuma rü ta, Pa Yox, rü curü ĩ̱xãchiãẽwa cuxü̃ ínanguxuchixẽxẽ. Rü muxü̃ma ga curü yemaxü̃gü cuxna naxã. Rü nanapá ga curü mecha namaxã ga õna ga chi̱xichixü̃.