Wiyaegü 39:8 - Tupanaarü Ore

⁸ ¡Rü choxü̃ ínanguxuchixẽxẽ nawa i chorü pecadugü! ¡Rü taxṹ i nüxü̃́ cunatauxchaxẽxẽxü̃ i ngẽma chixexü̃ i duü̃xü̃gü nax choxü̃ nacugüexü̃!

Wiyaegü 39:8 Referans Kwoze

Wiyaegü 44:13

Rü ngẽma toxna ngaicamagüxü̃ i nachixü̃anecüã̱xgü rü toxü̃ nacugüe rü tomaxã naguxchigagü.

Wiyaegü 79:4

Rü ngẽma nachixü̃anegü i torü ngaicamana ngẽxmagüxü̃ rü togu nidauxcüraxü̃gü rü toxü̃ nacugüe.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Ore i mexü̃ ga Matéu ümatüxü̃ 1:21

Rü ngĩma tá ngĩxü̃́ nangẽxma ya wüxi ya ngĩne, rü cuma rü tá Ngechuchugu cunaxüéga. Rü ngẽma naéga rü “maxẽẽruxü̃”, ñaxü̃chiga nixĩ, erü nüma tá norü pecadugüwa ínananguxü̃xẽxẽ i norü duü̃xü̃gü —ñanagürü.

Miquéa 7:19

¡Ẽcü wena cuxü̃́ tangechaü̃tümüü̃gü rü toxü̃́ iyanaxoxẽxẽ i ngẽma torü chixexü̃gü! ¡Ẽcü mártamawa yatáe i ngẽma torü pecadugü!

Joel 2:17

¡Rü pexauxe, Pa Chacherdótegüx i Tupanaarü Puracümaxã Icua̱xgüxex, rü ãmarearü guruü̃pe̱xewa Tupanamaxã nüxü̃ pixu rü ñaperügügü nüxü̃! —¡Nüxü̃ nangechaxü̃ i ñaa curü duü̃xü̃gü, Pa Torü Corix ya Tupanax! ¡Rü taxṹ i cunangexrüxü̃ nax togü nüxü̃ cugüexü̃! ¡Rü taxṹ i cunangexrüxü̃ nax togü i nachixü̃anecüã̱xgü namaxã icuáxü̃! ¡Rü taxṹ i cunangexrüxü̃ i ngẽma tama yaxõgüxü̃ nax curü duü̃xü̃güxü̃ nacugüexü̃ ñaxü̃maxã!: “¿Ngexcü ya yimá perü Tupana?” ñaxü̃maxã nacugüexü̃ —ñaperügügü.

Wiyaegü 130:8

Rü nüma tá nixĩ i Iraétanüxü̃xü̃ ínanguxü̃xẽxẽxü̃ i guxü̃ma i norü chixexü̃güwa.

Wiyaegü 119:39

¡Rü choxna yaxĩgachixẽxẽ i ngẽma duü̃xü̃gü i muü̃ choxna ãgüxü̃ i curü mugügagu choxü̃ cugüexü̃! Erü ngẽma curü mugü rü namexẽchi.

Wiyaegü 65:3

Rü ngẽma torü chixexü̃gü rü tomaxã inacua̱x, natürü cuma rü toxü̃́ nüxü̃ icuyarüngüma i ngẽma torü pecadugü.

Wiyaegü 57:3

Rü nüma rü dauxü̃wa cha̱u̱xca̱x ne nanamu i norü ngü̃xẽxẽ nax naxme̱xwa choxü̃ ínanguxuchixẽẽxü̃ca̱x i ngẽma nuãcüma chowe ingẽxü̃tanüxü̃. Erü nüma rü nixaixcüma rü poraãcü choxü̃ nangechaü̃.

Wiyaegü 51:14

Pa Tupana ya Chorü Maxẽxẽruxü̃x ¡choxü̃ ínanguxuchixẽxẽ nax yexü̃cürü nagü ichanabaxẽxẽxü̃! Rü choma rü wiyaeãcüma tá nüxü̃ chixu nax cuma rü aixcümacü quixĩxü̃.

Wiyaegü 35:21

Rü poraãcü choxü̃ nacugüe rü chauchiga nidexagü rü ñanagürügü: —Dücax, toxetümaxã nüxü̃ tadau nax chixexü̃ naxüxü̃ —ñanagürügü.

Wiyaegü 25:18

¡Choxü̃́ nüxü̃ nadau i ñaa ngúxü̃ i chingexü̃ rü chorü guxchaxü̃gü! ¡Rü choxü̃́ nüxü̃ yarüngüma i chorü pecadugü!

Wiyaegü 25:11

Pa Cori Pa Tupanax, nata i chorü chixexü̃ i cupe̱xewa chaxüxü̃ ¡Rü choxü̃́ nüxü̃ irüngüma i ngẽma nax taxúema chixri cuchiga idexaxü̃ca̱x!

Joel 2:19

Rü nüma rü ñanagürü nüxü̃: —Rü tá pexna chanaxã i trigu rü bínu rü chíxü̃ ñu̱xmatáta mea pexü̃́ yangu. Rü marü taxũtáma wena pexü̃ changexrü nax tama pexü̃ nacugüexü̃ca̱x i ngẽma togü i nachixü̃anecüã̱xgü i tama choxü̃́ yaxõgüxü̃.

Wiyaegü 130:6

Choma rü ñoma dauxü̃taegüxü̃ i ngóonexü̃ ínangu̱xuxẽẽgüxü̃arü yexera cuxü̃ íchanangu̱xẽxẽ, Pa Cori Pa Tupanax. Rü Pa Iraéanecüã̱xgüx, rü ngẽma dauxü̃taegüxü̃ i ngóonexü̃ ínangu̱xuxẽẽgüxü̃rüxü̃ rü name nixĩ i ípenangu̱xẽxẽ i norü ngü̃xẽxẽ ya Cori ya Tupana. Erü nüma rü tüxü̃ nangechaü̃ rü tüxü̃ ínanguxü̃xẽxẽ naxme̱xwa i tórü uanügü.