Wiyaegü 39:7 - Tupanaarü Ore

⁷ Rü ngẽmaca̱x, Pa Corix ¿rü ta̱xacürü to chi nixĩ i íchanangu̱xẽxẽxü̃? Erü cuxicatama nixĩ i íchanangu̱xẽẽxü̃.

Wiyaegü 39:7 Referans Kwoze

Romanos 15:13

Rü ñu̱xma i pemax nax nüxü̃́ peyaxõgüxü̃, rü chanaxwa̱xe nax poraãcü pexü̃ nataãẽxẽxẽ ya yimá Tupana ya pexü̃ tauxchaxẽẽcü nax Cristuxü̃ ípenangu̱xẽẽgüxü̃. Rü chanaxwa̱xe i Naãxẽ ya Üünexü̃arü poramaxã Tupana pexü̃ naporaexẽxẽ nax yexeraãcü Cristuxü̃ ípenangu̱xẽẽgüxü̃ca̱x.

Wiyaegü 38:15

Pa Cori Pa Chorü Tupanax, curü ngü̃xẽxẽ nixĩ íchananguxẽẽxü̃. Rü chanaxwa̱xe nax cuma yixĩxü̃ i cunangãxü̃xü̃ i ngẽma chorü uanügü.

Wiyaegü 119:81

Rü poraãcü cuxü̃ íchanangu̱xẽxẽ nax choxü̃ ícupoxü̃xü̃ca̱x erü nüxü̃́ chayaxõ i curü ore.

Wiyaegü 119:166

Pa Corix, cuxü̃ íchanangu̱xẽxẽ nax choxü̃ ícupoxü̃xü̃. Erü marü nagu chamaxü̃ i ngẽma curü mugü.

Naanearü ügüchiga 49:18

“¡Pa Corix, choxü̃ ínapoxü̃!”

Yox 13:15

Rü woo chi Tupana choxü̃ ima̱xgu, natürü tá nüxü̃́ chayaxõõma. Rü nape̱xewa tá chaugü íchapoxü̃ama.

Ore i mexü̃ ga Luca ümatüxü̃ 2:25

Rü yexgumaü̃cüxü Yerucharéü̃gu naxãchiü̃ ga wüxi ga yatü ga Chimeóü̃gu ãégacü. Rü wüxi ga yatü ga mecümacü nixĩ ga nümax, rü aixcüma Tupanaxü̃ ngechaü̃cü nixĩ. Rü nüma rü ínanangu̱xẽxẽ nax ínanguxü̃ ya Iraétanüxü̃arü nguxü̃xẽẽruxü̃. Rü Tupanaãxẽ ya Üünecü rü Chimeóü̃wa nayexma, rü nüxü̃ nüxü̃ nacua̱xẽxẽ nax taxũtáma nayuxü̃ ega tama nüxü̃ nadauxíragu ya Cristu ya Cori ya Tupana nüxü̃ unetacü.

Yox 14:2

Rü ñoma wüxi i putürachacu i boxüxü̃ rü paxãma rüñẽ̱xẽxü̃rüxü̃ nixĩ. Rü ñoma wüxi i naxchipeta i paxãma ngupetüxü̃ rü iyarütaxuxü̃rüxü̃ nixĩ i duü̃xü̃arü maxü̃.

Wiyaegü 49:11

Rü ngẽma diẽruã̱xgüxü̃ rü nügügu nanaxüéga i norü naane ñoma guxü̃gutáma noxrü yixĩxü̃rüxü̃. Natürü ngẽxguma nayu̱xgux rü ngẽma naxma̱xü̃ tá nixĩ i napata ixĩxü̃ i guxü̃gutáma.

Ngu̱xẽẽtaeruü̃arü ore 2:21

Rü ngẽxguma wüxíe taxü̃ i tümaarü cua̱xmaxã mea tapuracügu, rü natüca̱xmamare tapuracü, erü guxü̃ma i ngẽma tayaxuxü̃ i tümaarü puracüwa rü togü i tama naxca̱x puracüxü̃arü tá nixĩ. Rü ngẽmaãcü i tümaarü puracü rü natüca̱xmamare nixĩ erü tümaarü ngẽmaxü̃gü rü togüarü tá nixĩ.

Ngu̱xẽẽtaeruü̃arü ore 4:8

Rü nüxü̃ chadau ga wüxi ga yatü ga nüxicamare ixĩcü. Rü nüma rü nangemücü, rü nataxuma ga nanegü rü naenexẽgü. Rü taguma inarüngü̃ ga norü puracüwa, rü taguma namaxã nataãxẽ i ngẽma nüxü̃́ ngẽxmaxü̃. Rü guxü̃guma yexera i to nanaxwa̱xe. Rü nüma rü taguma nügüna naca ñaãcü: —¿Texéca̱x nixĩ i poraãcü chapuracüxü̃? ¿Rü tü̱xcüü̃ chaugüna namaxã chaxaü i chorü diẽru rü chorü ngẽmaxü̃gü? —ñanagürü. Rü ngẽma taxü̃ i puracü rü ta rü wüxi i natüca̱xmamare nixĩ.