Wiyaegü 39:6 - Tupanaarü Ore

⁶ Rü wüxichigüarü maxü̃ rü ñoma wüxi i gáuxchipeta i ngupetüxü̃rüxü̃ nixĩ. Rü natüca̱xma nananutaque̱xe i norü ngẽmaxü̃gü, natürü tama nüxü̃ nacua̱x i texéarü tá yixĩxü̃ i nawena.

Wiyaegü 39:6 Referans Kwoze

Ngu̱xẽẽtaeruü̃arü ore 2:26

Rü aixcüma Tupana tüxna nanaxã i cua̱x rü taãxẽ ya yíxema tüxü̃ nadáuxe nax mexü̃ taxüxü̃. Natürü yíxema chixexü̃arü üruxü̃ ixĩxẽ, rü nüma ya Tupana rü tüxü̃ nayixerü nax tügü tamuarü ngẽmaxü̃güã̱xẽẽxü̃. Natürü Tupana rü yixcüama tüxna nanade i tümaarü ngẽmaxü̃gü nax yíxema tümamaxã nataãẽxẽẽna naxããxü̃ca̱x. Rü yíxema chixexü̃ üxe rü guxü̃ma i ngẽma tayaxuxü̃ rü natüca̱xmamare nixĩ. Rü ñoma buanecü ya taxucürüwama yauxemachaü̃cürüxü̃ nixĩ.

Popera ga Chantiágu ümatüxü̃ 4:14

Pema rü tama nüxü̃ pecua̱x nax ta̱xacü tá pexü̃ üpetüxü̃ i moxü̃. ¿Ta̱xacü nixĩ i perü maxü̃? Perü maxü̃ rü tá inayarüxo ñoma wüxi i cherena i paxaãchi nüxü̃ idauxü̃ rü ngẽxgumatama ngupetüxü̃rüxü̃.

1 Corintios 7:31

Rü yíxema tüxü̃́ nangẽxmaxẽ i tümaarü ngẽmaxü̃gü i ñoma i naanewa, rü tanaxwa̱xe nax ñoma taxuxü̃ma tüxü̃́ ngẽmaxü̃ãcü tamaxẽxü̃. Erü ñoma i naane i ñu̱xma nüxü̃ idauxü̃ rü paxa tá nagu̱x.

Ngu̱xẽẽtaeruü̃arü ore 12:13

Rü ngẽxma nayacua̱x i chorü dexa. Rü marü guxü̃xü̃ma chixu. ¡Rü Tupanaxü̃ nangechaxü̃ rü naga naxĩnü i norü mugü! Erü ngẽma nixĩ i guxü̃ma i ngẽma Tupana tüxü̃́ naxwa̱xexü̃.

Ngu̱xẽẽtaeruü̃arü ore 5:14

Erü ngẽxguma tama mea tüxü̃́ ínanguxuchigu ega ta̱xacüca̱x tataxegu, rü ngürüãchi ngẽxma tá nagu̱x i guxü̃ma i tümaarü diẽru. Rü ngẽxguma nangẽxmagu ya wüxi ya tümane, rü taxuxü̃táma naxca̱x ngéma tata̱x.

Nüxíraxü̃xü̃ ga popera ga Pedru ümatüxü̃ 5:7

Rü name nixĩ i Tupanamaxã nüxü̃ pixu i guxü̃ma i perü oegaãẽgü, erü nüma ya Tupana rü guxü̃guma pegu narüxĩnü rü mea pexna nadau.

Ore i mexü̃ ga Luca ümatüxü̃ 12:29

Rü ngẽmaca̱x tama name i pexoegaãxẽ naxca̱x i ta̱xacü tá pengṍxü̃ rü ta̱xacü tá pixaxüxü̃.

Ichaía 55:2

¿Rü ta̱xacüca̱x i diẽrumaxã penaxütanü i ngẽma tama õna ixĩxü̃? ¿Rü ta̱xacüca̱x penaxütanü i ngẽma tama nawa itaãẽxü̃? ¡Rü mea choxü̃́ iperüxĩnüe rü tá mexü̃ i õna pengõ̱xgü rü õna i chíxü̃maxã tá pengaxpütüwe!

Ngu̱xẽẽtaeruü̃arü ore 12:8

Rü ngẽmaca̱x i choma i orearü uruxü̃ nax chixĩxü̃ rü wena pemaxã nüxü̃ chixu rü guxü̃ma i ngẽma ñoma i naanewa ngẽxmaxü̃ rü nagu rüxĩnüxü̃ rü natüca̱xmamare nixĩ.

Ngu̱xẽẽtaeruü̃arü ore 2:8

Rü chananutaque̱xe ga muxü̃ma ga úiru rü diẽrumü ga noxri togü ga nachixü̃anegüarü ãẽ̱xgacügüxü̃tawa rü chorü ĩanegüwa chayaxuxü̃. Rü choxü̃́ nayexma ga duü̃xü̃gü ga iyatüxü̃ rü ngexü̃ ga cha̱u̱xca̱x wiyaegüxü̃. Rü yemaacü chorü ngúchaü̃ chaxü. Rü choxü̃́ nayexma ga muxü̃ma ga ngexü̃gü ga namaxã chaxarüã̱xmaregüxü̃.

Ngu̱xẽẽtaeruü̃arü ore 1:14

Rü choma rü chanangugü i guxü̃ma i ta̱xacü i üxü̃ i ñoma i naanewa rü natüca̱xmamare nixĩ. Rü ñoma buanecü ya taxucürüwa texé yayauxemacürüxü̃ nixĩ.

Ucu̱xẽgüchiga 13:22

Ngẽxguma nayu̱xgu ya yimá yatü ya mecümacü, rü nataagüarü tá nixĩ i norü ngẽmaxü̃gü. Natürü yimá yatü ya pecadugu maxü̃cüarü ngẽmaxü̃gü, rü nawena rü duü̃xü̃gü i mea maxẽxü̃arü tá nixĩ.

Wiyaegü 127:2

Rü taxuwama name ega texé puracügu tügü ima̱xgu ñu̱xmata üa̱xcü tüxü̃ yarüxücumare nax ngẽmaãcü ngúxü̃ tingeãcüma tüxü̃́ nangẽxmaxü̃ i tümaarü õna. Erü yíxema norü duü̃xü̃gü ixĩgüxe rü Tupana tüxna nanaxã i ngẽma tüxü̃́ taxuxü̃ woo ítapeeyane.

Nüxíraxü̃xü̃ ga popera ga Pedru ümatüxü̃ 1:24

Erü Tupanaarü ore i ümatüxü̃wa rü ñanagürü: “Guxü̃ma i duü̃xü̃gü rü ñoma wüxi i natüanerüü̃mare nixĩ. Rü guxü̃ma i norü mexü̃, rü wüxi i nanetüchacurüü̃mare nixĩ. Rü ngẽma natüane rü nayu, rü nachacu rü narüngu. Rü ngẽxgumarüxü̃ ta tama natai i duü̃xü̃güarü maxü̃ i ñoma i naanewa.

Popera ga Chantiágu ümatüxü̃ 5:3

Perü úiru rü perü diẽru rü ngẽxma naxãü̃tanü. Rü ngẽma norü ãü̃tanü rü wüxi i perü cua̱xruxü̃ tá nixĩ nax pema rü tá ta ipeyarütauxexü̃ ñoma ta̱xacü üxüwa ixaxü̃rüxü̃. Tupana ngĩxü̃ nadau i perü diẽru i ngĩmaxã penguxü̃marecü, rü ngẽmaca̱x tá pepoxcue i naanearü gu̱xgu.

Ucu̱xẽgüchiga 23:5

Erü ngẽxguma meama nagu rüxĩnügu, rü tama natai i tórü ngẽmaxü̃gü i tüxü̃́ ngẽxmagüxü̃, erü ñoma yaxãxpe̱xatüxü̃rüxü̃ tá inarütaxu, rü dawürüxü̃ tá nixüü̃. -8-

Yox 7:7

¡Rü nüxna nacua̱xãchi, Pa Tupanax, nax ñoma yáxna rüngü̱̃xü̃rüxü̃ yixĩxü̃ i ngẽma choxrü maxü̃, rü tagutáma wena taãxẽ choxü̃́ ngẽxmaxü̃!

Yox 7:16

Rü tama marü yáxna chaxĩnü. Rü tama marü chanaxwa̱xe nax chamaxü̃xü̃. ¡Rü taxṹ i choxü̃ cuchixeãẽxü̃! Erü ngẽma chorü maxü̃ rü ñoma yáxna rüngü̱̃xü̃rüxü̃ nixĩ.

Yox 14:1

Rü ngẽma yatü i ngexewa íxraxü̃ rü nanuxũ i norü maxü̃, rü muxü̃ i guxchaxü̃gü nüxü̃́ nangẽxma.

Wiyaegü 89:48

Rü taxúema texé tamaxecha rü taguma tayu. Rü taxúema texé nawa ítanguxuchi i yuarü pora.

Wiyaegü 144:4

Rü yimá duü̃ rü wüxi i ngü̃ãcüürüxü̃ nixĩ i norü maxü̃. Rü ngẽma norü maxü̃ rü ñoma wüxi i gáuxchipetaxü̃ üpetüxü̃rüü̃mare nixĩ.

Ngu̱xẽẽtaeruü̃arü ore 11:10

¡Rü cugü nüxü̃ rüngü̃maxẽxẽ i ngẽma oegaãẽgü! ¡Rü cugüwa nüxü̃ naxõõ̱x i guxü̃ma i chixexü̃gü! Erü ngẽma mexẽchixü̃ i ngunexü̃gü i nagu ingextü̱xüxü̃ rü wüxi i paxaãchimare nixĩ.

Ore i mexü̃ ga Luca ümatüxü̃ 12:26

Rü ngẽxguma tama pemaxã nanguxü̃gu nax penaxüxü̃ i ngẽma íraxchiréxü̃ nax wüxi i ora nüxü̃ pema̱xnetaxü̃ i perü maxü̃, rü ¿tü̱xcüü̃ naxca̱x pexoegaãxẽgüxü̃ i ngẽma pexü̃́ taxuxü̃?