Wiyaegü 39:1 - Tupanaarü Ore

¹ Choma rü marü chaugümaxã ñachagürü: —Chaugüna tá chadau nax ngẽmaãcü tama chixexü̃ chaxüxü̃ca̱x i ngẽxguma chidexagu. Rü tá changea̱xmare i ngẽxguma chope̱xewa nangẽxmagügu i duü̃xü̃gü i chixexü̃gu rüxĩnüexü̃ —ñachagürü.

Wiyaegü 39:1 Referans Kwoze

Ucu̱xẽgüchiga 21:23

Yíxema tügüna dauxe i tümaarü dexawa, rü taxũtáma guxchaxü̃gu tangu.

Wiyaegü 141:3

Pa Cori Pa Tupanax ¡choxü̃ rüngü̃xẽxẽ nax tama ore i chixexü̃xü̃ chixuxü̃ca̱x i cuchiga!

Popera ga Chantiágu ümatüxü̃ 1:26

Rü ngẽxguma chi wüxíe tügü ixuxgu nax wüxi i ore i mexü̃ tixõxü̃ natürü tama nüxna tada̱u̱xgu ya tümaarü conü, rü tügütama tawomüxẽxẽ rü taxuwama name i ngẽma ore i tixõxü̃.

Wiyaegü 119:9

Pa Tupanax ¿rü ñuxãcü tá wüxi ya ngextü̱xücü inamexü̃ i norü maxü̃ i cupe̱xewa? Rü ngẽxguma curü ore naxwa̱xexü̃ãcüma namaxü̱̃xguxicatama.

Wiyaegü 34:13

¡Rü naxuãxẽ rü nüxna nadau ya curü conü nax tama chixexü̃xü̃ yaxuxü̃ca̱x! ¡Rü nüxna nadau i cuberagü nax tama doraxü̃ quixuxü̃ca̱x!

Popera ga Yudíugü ga yaxõgüxü̃ca̱x ümatüxü̃ 2:1

Rü ñu̱xma nax nüxü̃ icuáxü̃ nax guxü̃ma i Tupanaarü orearü ngeruü̃gü i daxũcüã̱xarü yexera yixĩxü̃ ya Nane, rü ngẽmaca̱x name nax yexeraãcü mea naga ixĩnüexü̃ i ngẽma ore i Nanechiga nüxü̃ ixĩnüexü̃ nax tama nüxna ixĩgachixü̃ca̱x nax yaxõgüxü̃.

Ucu̱xẽgüchiga 18:21

Yimá tórü conü nüxü̃ ixuxü̃ i oregagu nixĩ nax imaxẽxü̃ rüe̱xna iyuexü̃. Rü yíxema idexaxüchixe rü tümaarü oregagu ngúxü̃ tinge.

Nüxíraxü̃xü̃ ga popera ga ãẽ̱xgacügüchiga 2:4

Rü ngẽxguma ngẽmaãcü cunaxüxgux rü Tupana rü tá cuwa nayanguxẽxẽ ga yema uneta ga chomaxã nüxü̃ yaxuxü̃ ga yexguma ñaxgu choxü̃: “Rü ngẽxguma chi yimá cune rü cutaagü rü mea chauga naxĩnüegu rü aixcüma cha̱u̱xca̱x namaxẽgu rü tama choxna yaxĩgachixgu, rü guxü̃gutáma natanüwa tá nixĩ i Iraéanecüã̱xgüarü ãẽ̱xgacü ne naxũxü̃, rü tagutáma nataxu nax wüxi i cutaxa i Iraéanecüã̱xgüarü ãẽ̱xgacü yixĩxü̃”, ñanagürü choxü̃.

Colosenses 4:5

¡Rü mea pemaxẽ nape̱xewa i ngẽma duü̃xü̃gü i tama yaxõgüxü̃! ¡Rü ñu̱xma nax pexü̃́ natauxchaxü̃, rü peyoxniẽ nax paxa penaxüxü̃ i Tupanaarü puracü! ¡Rü taxṹ i perüchomarexü̃!

Wiyaegü 12:4

Rü nümagü rü ñanagürügü: —Toma rü mea nüxü̃ tacua̱xgü nax tidexagüxü̃ rü torü oremaxã togü ítapoxü̃. ¿Rü texé tá toxü̃ tarüngea̱xgüxẽxẽ? —ñanagürügü.

Wiyaegü 62:1

Rü Tupanaxicatama nixĩ ya aixcüma choxü̃ taãẽxẽẽcü. Rü nüma nixĩ i choxna naxããxü̃ i maxü̃.

Yox 2:10

Natürü ga nüma ga Yox rü ngĩxü̃ nangãxü̃ga rü ñanagürü: —Pa Ngex, tama name i ngẽmaãcü chixexü̃ i oremaxã quidexa. Rü guxü̃guma taãẽãcü tanayaxu i ngẽma mexü̃gü ya Tupana tüxna ãxü̃. ¿Rü ñuxãcü chi i taxũchima nayaxuxü̃ i ngẽma guxchaxü̃gü i taxca̱x ínguxü̃? —ñanagürü. Rü yemaacü ga Yox rü woo yema nüxü̃ nax ngupetüxü̃ rü tama chixexü̃ naxü rü bai ga norü dexawa.

Wiyaegü 77:1

Rü tagaãcü Tupanana chaca i chorü yumüxẽwa nax choxü̃ naxĩnüxü̃ca̱x.

Norü taxre ga popera ga ãẽ̱xgacügüchiga 10:31

Rü woo ga nax yemaxü̃ namaxã yaxuxü̃ ga Cori ya Tupana, rü nüma ga Yeú rü tama aixcüma Cori ya Iraétanüxü̃arü Tupanaarü mugü ninguxẽxẽ, yerü tama nüxna nixũgachi ga yema chixexü̃ ga Yeruboáü̃ Iraétanüxü̃xü̃ nagu yixẽẽxü̃.

Amúx 5:13

Rü ngẽmaca̱x ya yíxema tümaãẽxü̃ cuáxe rü tangeã̱xmare erü ñomaü̃cüxü rü nataxüchi i chixexü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:41

Rü yexgumarüxü̃ ta ga Dabí rü nüxü̃ naxuneta ga Emáü̃ rü Yedutúü̃ rü yema togü ga namücügü ga naégamaxã nadexü̃ nax Cori ya Tupanaca̱x nawiyaegüxü̃ca̱x nagu i ñaa wiyae: “Moxẽ Cori ya Tupanana pexã, erü norü ngechaü̃ rü taguma inayacua̱x”.