Wiyaegü 38:1 - Tupanaarü Ore

¹ Pa Cori Pa Tupanax, ngẽxguma chaugagu cunuxgu rü tama chanaxwa̱xe i choxü̃ cungax. ¡Rü taxṹ i curü numaxã choxü̃ cuxüáxü̃!

Wiyaegü 38:1 Referans Kwoze

Wiyaegü 6:1

Pa Corix ¡taxṹ i choxü̃ cuxüáxü̃ ega cunuxgu! Rü ega cunuxgu rü ¡taxṹ i choxü̃ cupoxcuxü̃!

Ichaía 54:8

Rü yexguma pemaxã chanuxgu rü paxaxãchi pexna chixũgachi. Natürü pemaxã nüxü̃ chixu rü paxãma choxü̃́ pixauxãchitümüxü̃gü erü pexü̃ changechaü̃ rü ngẽma chorü ngechaü̃ rü tagutáma nagu̱x —ñanagürü ya perü ngü̃xẽẽruxü̃ ya Tupana.

Yeremía 30:11

Rü choma ya Cori ya Tupana rü ñachagürü: “Choma rü pemaxã changexma nax pexü̃ íchanguxü̃xẽxẽxü̃ca̱x naxme̱xwa i perü uanügü. Rü tá chayanaxoxẽxẽ i guxü̃ma i ngẽma nachixü̃anegü i nagu pexü̃ chawoonexü̃. Natürü i pema rü tagutáma pexü̃ ichayarüxoxẽxẽ. Natürü ngẽma pexna üxü̃ i poxcumaxã tá pexü̃ chapoxcue. Rü taxũtáma nüxü̃ chaxüpetümare nax pexü̃ chapoxcuexü̃” —ñanagürü.

Wiyaegü 70:1

Pa Chorü Tupanax ¡paxa nua naxũ nax choxü̃ ícunguxuchixẽxẽxü̃ca̱x! Pa Corix ¡paxa nua naxũ nax choxü̃ curüngü̃xẽxẽxü̃ca̱x!

Yeremía 10:24

¡Rü toxü̃ íyarüwe̱xãchixẽxẽgü, natürü tama cunuãcüma nax tama tayuexü̃ca̱x!

Abacú 3:2

Pa Corix, Pa Tupanax, ngẽma nüxü̃ chaxĩnüxü̃ i cuchiga rü nachiga ga guxü̃ma ga yema cuxüxü̃ rü poraãcü muü̃ choxna naxã erü cuxüünexüchi. ¡Rü towa naxü ga yema mexü̃ ga ü̃pa cuxüxü̃ nax ngẽmaãcü i toma rü ta nüxü̃ tadaugüxü̃ca̱x! Rü woo tomaxã nax cunuxü̃, natürü ¡toxü̃ nawe̱xama nax ñuxãcü cuxü̃́ tangechaü̃tümüxü̃güxü̃!

Ichaía 27:8

Rü aixcüma nixĩ nax Iraétanüxü̃xü̃ napoxcuxü̃ ga Tupana, rü wüxi ga norü cue ga ãũcümaxü̃maxã ínanawoxü̃ ga norü naanewa rü to ga nachixü̃anewa nanamugü. Rü yema norü cue, rü ñoma buanecü ya éstewaama ne ũcürüxü̃ nixĩ nax naporaxü̃.

Wiyaegü 88:7

Rü chauétü cunanguxẽxẽ i ngẽma curü nu. Rü poraãcü ãũcümaxü̃wa choxü̃ cungexmaxẽxẽ ñoma dexágu inguxgurüxü̃.

Wenaxarü naxümatü ga Tupanaarü mugü 9:19

Choma rü namaxã chaba̱i̱xãchi ga yema norü nu ga Cori ya Tupana. Yerü noxtacüma pexü̃ nadaixchaü̃ nax wüxicana peyarüxoxü̃ca̱x. Natürü nüma rü wenaxarü nüxü̃ naxĩnü ga chorü yumüxẽ.