Wiyaegü 34:7 - Tupanaarü Ore

⁷ Rü Cori ya Tupanaarü orearü ngeruxü̃ i daxũcüã̱x rü tümatanüwa nangẽxma ya yíxema Cori ya Tupanaxü̃ muü̃xe, rü tüxü̃ ínapoxü̃.

Wiyaegü 34:7 Referans Kwoze

Wiyaegü 91:11

Rü nüma rü tá norü orearü ngeruü̃gü i daxũcüã̱xü̃ namu nax cuxna nadaugüxü̃ca̱x i ngextá ícuxũxü̃wa.

Danié 6:22

Rü yimá chorü Tupana rü nua nanamu i wüxi i norü orearü ngeruxü̃ i dauxü̃cüã̱x. Rü ngẽma nixĩ i yachotaa̱xgüxü̃ i ñaa leóü̃gü nax tama choxü̃ nangõ̱xgüxü̃ca̱x. Erü nüma ya Tupana rü nüxü̃ nacua̱x nax taxuxü̃ma i chixexü̃ cumaxã chaxüxü̃, Pa Ãẽ̱xgacüx —ñanagürü.

Popera ga Yudíugü ga yaxõgüxü̃ca̱x ümatüxü̃ 1:14

Rü guxü̃ma i Tupanaarü orearü ngeruü̃gü i daxũcüã̱x rü naãxẽgü i Tupanaaxü̃́ puracüexü̃ nixĩgü. Rü nüma ya Tupana rü nanamugü nax nüxü̃ yanangü̃xẽẽgüxü̃ca̱x i guxü̃ma i ngẽma duü̃xü̃gü ya Tupana naxwa̱xexü̃ nax nayauxgüãxü̃ i maxü̃ i taguma gúxü̃.

Norü taxre ga popera ga ãẽ̱xgacügüchiga 19:35

Rü yematama chütaxü̃gu rü wüxi ga daxũcüã̱x ga Tupanaarü orearü ngeruxü̃ rü nanadai ga 185,000 ga churaragü ga Achíriaanecüã̱x. Rü yexguma yangunegu rü guxü̃ma nayue.

Norü taxre ga popera ga ãẽ̱xgacügüchiga 6:17

Rü nüma ga Erichéu rü nayumüxẽ rü ñanagürü: —Pa Corix, Pa Tupanax, cuxna chaca nax cunango̱xetüxẽẽxü̃ca̱x ya daa chorü ngü̃xẽẽruxü̃ nax nüxü̃ nadauxü̃ca̱x i ngẽma curü churaragü i torü dauruxü̃ ixĩgüxü̃ —ñanagürü. Rü nüma ga Cori ya Tupana rü nanango̱xetüxẽxẽ ga gumá Erichéuarü ngü̃xẽẽruxü̃. Rü nüxü̃ nadau ga guma ma̱xpǘne rü namaxã nanapa ga Tupanaarü churaragü ga cowaruétügu ĩxü̃ rü naweü̃ ga ñoma üxüemarüxü̃ ixĩgüne ga Erichéuxü̃ íchomaeguãchixü̃.

Ore i mexü̃ ga Matéu ümatüxü̃ 18:10

Rü tama name i nüxü̃ pexoo̱x i wüxi i buxü̃ i ñaarüxü̃ choxü̃́ yaxõxü̃. Erü ngẽma norü dauruü̃gü i orearü ngeruü̃gü i daxũcüã̱x rü guxü̃guma Chaunatü ya daxũgucüpe̱xewa nangẽxmagü nax ngéma ngẽma buxü̃güétüwa nachogüxü̃ca̱x.

Chacaría 9:8

Choma rü íchamemare nax íchanapoxü̃xü̃ i ngẽma chorü duü̃xü̃gü nape̱xewa i ngẽma norü uanügü. Rü ngẽma to i nachixü̃anearü ãẽ̱xgacü i noxri chixri namaxã icuáxü̃ rü tagutáma wena namaxã inacua̱x. Erü ñu̱xma rü chomaxü̃chima nüxna chadau i chorü duü̃xü̃gü —ñanagürü.

Ore i mexü̃ ga Luca ümatüxü̃ 16:22

Rü wüxi ga ngunexü̃ nayu ga gumá ngearü diẽruã́cü, rü daxũcüã̱x ga Tupanaarü orearü ngeruü̃gü rü daxũguxü̃ ga naanewa nanagagü nax wüxiwa Abraáü̃xü̃tawa nayexmaxü̃ca̱x. Rü nayu ta ga yema yatü ga noxri diẽruã̱xü̃chixü̃, rü inayata̱xgü.

Ínachoxü̃xü̃chiga 22:22

Rü tama name i chixri ngĩmaxã icucua̱x i ngẽma yutegücü rü bai ya taxcutagü.

Ínachoxü̃xü̃chiga 22:26

Rü ngẽxguma yíxema duü̃xẽ rü tümachiru cuxna ãxgu nax ngẽmawa nüxü̃ cucuáxü̃ca̱x nax cuxü̃́ tá tanatáeguxẽẽxü̃ i ngẽma curü diẽru, rü naxü̃pa nax yanaxücuxü̃ ya üa̱xcü rü name i tüxü̃́ cunatáeguxẽxẽ i ngẽma tümachiru.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Wiyaegü 138:3

Rü yexguma cuxna chacaxgux nax choxü̃ cuporaxẽẽxü̃ rü cuma rü choxü̃ cungãxü̃ rü aixcüma choxü̃ cuporaxẽxẽ.

Wiyaegü 139:5

Rü chorü guxü̃cüwawa cungexma rü chauétü cuwéme̱x.