Wiyaegü 34:6 - Tupanaarü Ore

⁶ Rü daa yatü ya taxuxü̃ma ixĩcü rü Cori ya Tupanana naca, rü nüma nüxü̃ naxĩnü rü ínananguxuchixẽxẽ nawa ga guxü̃ma ga norü oegaãẽgü.

Wiyaegü 34:6 Referans Kwoze

Wiyaegü 3:4

Rü Cori ya Tupanaca̱x aita chaxü nax choxü̃ nangü̃xẽẽxü̃ca̱x. Rü nüma rü yima norü ma̱xpǘne ya üünenewa choxü̃ nangãxü̃.

Wiyaegü 10:17

Pa Corix, cuma rü nüxü̃ cuxĩnü i tümaarü yumüxẽ ya yíxema tama tügü icua̱xüxü̃güxe. Rü cuma rü tüxü̃ cutaãẽgüxẽxẽ rü tüxü̃ curüngü̃xẽxẽ.

2 Chamué 22:1

Rü yexguma Cori ya Tupana Dabíxü̃ rüngü̃xẽẽgu nax Chaúme̱xẽwa rü guxü̃ma ga norü uanügüme̱xẽwa ínanguxuchixẽẽãxü̃, rü nüma ga Dabí rü ñaa wiyaemaxã Tupanaxü̃ nicua̱xüxü̃.

Wiyaegü 40:17

Pa Corix, ¡yáxna chomaxã naxĩnü woo nax cupe̱xewa taxuxü̃ma chixĩxü̃, rü changearü poraáxü̃ nax chaugü íchapoxü̃xü̃! Erü cuma nixĩ i choxü̃ curüngü̃xẽxẽxü̃ rü choxü̃ ícupoxü̃xü̃. Rü ngẽmaca̱x, Pa Chorü Tupanax ¡taxṹ i cunuxcüãẽxü̃ nax choxü̃ curüngü̃xẽxẽxü̃!

Naanearü ügüchiga 48:16

Rü cuma nixĩ i cunamuxü̃ i curü orearü ngeruxü̃ i daxũcüã̱x nax choxü̃ ícupoxü̃xü̃ca̱x nawa i guxü̃ma i ãũcümaxü̃gü. ¡Rü mexü̃ namaxã naxuegu i ñaa buxü̃gü! Rü chanaxwa̱xe i ñaa buxü̃gügagu duü̃xü̃gü nüxna nacua̱xãchie i chauéga rü chorü o̱xi ga Abraáü̃éga rü chaunatü ga Ichaáéga. ¡Rü yamuxẽxẽ i naxacügü nax ngẽmaãcü namuxũchixü̃ca̱x i nataagü i ñoma i naanewa! —ñanagürü.

1 Chamué 1:18

Rü ngĩma ga Ána rü inangãxü̃ rü ngĩgürügü: —Moxẽxü̃chi naxca̱x i ngẽma dexa —ngĩgürügü. Rü ñu̱xũchi itaegu rü iyachibü rü marü taguma wena ingechaü̃.

Auxexü̃chiga 3:56

Rü cuma rü choxü̃ cuxĩnü i ngẽxguma cuxna chacaxgu rü choxü̃́ cunayaxu i chorü yumüxẽ.