Wiyaegü 34:2 - Tupanaarü Ore

² Rü chauãẽwa Cori ya Tupanaxü̃ chicua̱xüxü̃. Rü ngẽma mexü̃gu rüxĩnüexü̃ rü tá nüxü̃́ naxĩnüe i chorü ore i namaxã nüxü̃ chicua̱xüxü̃, rü tá nataãẽgü.

Wiyaegü 34:2 Referans Kwoze

Yeremía 9:24

Natürü ngẽxguma texé tügü icua̱xüxü̃chaü̃gu rü name i tügü ticua̱xüxü̃ naxca̱x nax choxü̃ tacuáxü̃. Rü ẽcü tügü ticua̱xüxü̃ naxca̱x nax nüxü̃ tacuáxü̃ nax choma nax tümaarü Cori ya Tupana chixĩxü̃ rü ñoma i naanewa nüxü̃ changechaü̃xü̃ i duü̃xü̃gü rü mea namaxã nax ichacuáxü̃ rü aixcüma nawe̱xguxü̃ i chorü ĩnü. Rü ngẽma nixĩ i namaxã chataãẽxü̃. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

1 Corintios 1:31

Rü ngẽmaca̱x i Tupanaarü ore i ümatüxü̃wa rü ñanagürü: “Rü ngẽxguma texé tügü icua̱xüxü̃chaü̃gu rü name i tügü ticua̱xüxü̃ naxca̱x i ngẽma tórü Cori ya Cristu üxü̃”, ñanagürü.

Wiyaegü 119:74

Rü yíxema cuxü̃ ngechaü̃güxe rü tataãẽgü i ngẽxguma choxü̃ tadaugügu erü nagu chayaxõ i curü ore.

Wiyaegü 44:8

Rü guxü̃guma cumaxã togü ticua̱xüü̃gü, Pa Tupanax. Rü guxü̃gutáma nüxü̃ ticua̱xüxü̃ i cuéga.

2 Corintios 10:17

Erü Tupanaarü ore i ümatüxü̃wa rü ñanagürü: “Rü ngẽxguma texé tügü icua̱xüxü̃chaü̃gu, rü name nixĩ i tórü Corixü̃ ticua̱xüxü̃, erü nüma nixĩ i tüxü̃ nangü̃xẽẽxü̃”, ñanagürü i ngẽma ore.

Ichaía 45:25

Rü guxü̃ma i Iraétanüxü̃ rü chaugagu tá narüporamaegü rü tá chomaxã nügü nicua̱xüü̃gü —ñanagürü.

Wiyaegü 105:3

¡Rü pegü namaxã picua̱xüü̃gü ya yimá üünecü! Rü pema nax naxca̱x pedaugüxü̃ ¡rü petaãẽgü!

Wiyaegü 142:7

¡Rü choxü̃ ínanguxuchixẽxẽ nawa i ñaa chorü guxchaxü̃gü nax ngẽmaãcü cuxü̃ chicua̱xüü̃xü̃ca̱x! Rü ñu̱xũchi i ngẽma duü̃xü̃gü i aixcüma mexü̃gu rüxĩnüexü̃ rü tá choxü̃ ínachomaeguãchi i ngẽxguma chomaxã cumecümagu.

Yox 1:21

Rü yexguma rü ñanagürü: —Ngexchiruxãcü chauéanüwa chabu nax ñoma i naanewa changóxü̃ca̱x. Rü ngẽxgumarüxü̃ tá ta taxuxü̃táma chinge i ngẽxguma chayu̱xgu. Rü nüma ya Cori ya Tupana choxna nanaxã i guxü̃ma, rü nümatama wena choxna nanayaxu. ¡Namecümaxüchi ya Cori ya Tupana! —ñanagürü.