Wiyaegü 34:11 - Tupanaarü Ore

¹¹ Pa Chauxacügüx ¡nua pexĩ rü choxü̃́ iperüxĩnüe! Rü pexü̃ tá changúexẽxẽ nax Cori ya Tupanaxü̃ pemuü̃exü̃.

Wiyaegü 34:11 Referans Kwoze

Ucu̱xẽgüchiga 1:7

Norü ügü nax cua̱xwa inguxü̃, rü ngẽma nixĩ nax Tupanaga ixĩnüxü̃. Natürü ngẽma tama naãxẽxü̃ cuáxü̃, rü nüxü̃ naxo i ngẽma cua̱x rü ucu̱xẽ i mexü̃.

Wiyaegü 111:10

Rü yíxema aixcüma cua̱x tüxü̃́ ngẽxmaxe rü Cori ya Tupanaxü̃ ticua̱xüü̃gü. Rü yíxema Cori ya Tupanaxü̃ icua̱xüü̃güxe rü aixcüma tümaãẽxü̃ ticua̱x. Rü name nixĩ i guxü̃guma nüxü̃ ticua̱xüü̃gü.

Wiyaegü 32:8

Rü cumax, Pa Cori Pa Tupanax, rü ñacugürü choxü̃: —Choma rü cuxü̃ chadawenü rü tá cuxü̃ changu̱xẽxẽ i ngẽma cuxü̃́ chanaxwa̱xexü̃. Rü tá cuxü̃ chaxucu̱xẽ, rü tá cuxü̃ chanawe̱x i ngẽma nama i mexü̃ nax nagu quixũxü̃.

Ichaía 28:9

Rü chauchiga nidexagü rü ñanagürügü: —¿Ẽ̱xna nua cuxũ nax tomaxã nüxü̃ cuyarüxuxü̃ca̱x i ore rü toxü̃ cuyangúexẽẽxü̃ca̱x i ngẽma Cori ya Tupana cuxü̃ wéxü̃? ¿Rü cuxca̱x e̱xna ñoma buxü̃gü i buexüchixü̃ i ngexwaca̱xtama ugütaexü̃ cua̱xgüxü̃ãcü tá tomaxã quidexa? —ñanagürügü.

Ucu̱xẽgüchiga 8:17

Choma i cua̱x rü tüxü̃ changechaü̃ ya yíxema choxü̃ ngechaü̃güxe, rü yíxema cha̱u̱xca̱x daugüxe, rü choxü̃ itayangaugü.

Ucu̱xẽgüchiga 7:24

Ngẽmaca̱x, Pa Chaunex, ¡choxü̃́ irüxĩnü rü naga naxĩnü i chorü ucu̱xẽgü!

Ucu̱xẽgüchiga 4:1

Pa Chaunegüx ¡iperüxĩnüe i penatüarü ucu̱xẽgü rü naga pexĩnüe nax mea peãẽxü̃ pecuáxü̃ca̱x!

Wiyaegü 66:16

Pa Duü̃xü̃gü i Tupanaga Ĩnüexü̃x ¡rü nua pexĩ rü iperüxĩnüe! Rü tá pemaxã nüxü̃ chixu i ngẽma mexü̃gü ya Tupana cha̱u̱xca̱x üxü̃.

Ucu̱xẽgüchiga 22:6

¡Nabuxgutama, mexü̃ i ucu̱xẽmaxã naxuxcu̱xẽ i curü buxü̃, rü ngẽxguma naya̱xgu, rü tagutáma nüxü̃ inarüngüma!

Norü taxre ga popera ga Timutéuca̱x naxümatüxü̃ ga Pauru 3:15

¡Rü nüxna nacua̱xãchi rü cubuxgumamatama nüxü̃ cucua̱x i Tupanaarü ore i üünexü̃! Rü ngẽma orewa nüxü̃ cucua̱x rü ngẽxguma Ngechuchu ya Cristuaxü̃́ yaxõgügu nixĩ i tüxü̃́ nangẽxmaxü̃ i maxü̃ i taguma gúxü̃.

Ucu̱xẽgüchiga 8:32

Rü ngẽmaca̱x, Pa Chaunegüx ¡choxü̃́ iperüxĩnüe rü chaucümagu pexĩ, rü tá petaãxẽgü!

Ngu̱xẽẽtaeruü̃arü ore 11:9

¡Nataãxẽ Pa Ngextü̱xücüx, rü ñoma rü ta cupora! ¡Rü nataãxẽ namaxã i ngẽma cuxü̃́ mexü̃ ñoma rü ta cuxü̃́ natauxcha! ¡Rü naxü i ngẽma nagu curüxĩnüxü̃, natürü nüxna nacua̱xãchi rü guxü̃ma i ngẽma cuxüxü̃ca̱x rü Tupana tá cuxna naca!

Ore i mexü̃ ga Cuáü̃ ümatüxü̃ 13:33

Pa Chauxacügüx, taxũtáma muxü̃ i ngunexü̃ petanüwa changexma. Rü pema rü tá cha̱u̱xca̱x pedaugü, natürü ngẽma choma íchaxũxü̃wa rü taxucürüwama ngéma pexĩ. Rü ñaatama ore nixĩ ga marü Yudíugümaxã nüxü̃ chixuxü̃, rü ñu̱xma rü pemaxã rü ta nüxü̃ chixu.

Yox 4:11

Rü ñoma leóü̃gü i taxuxü̃ma i nawemü nüxü̃ yangaugüxü̃rüxü̃ tá nayue. Rü ngẽma nanegü rü tá nawoonemare.

Wiyaegü 23:1

Nüma ya Cori ya Tupana rü chorü dauruxü̃ nixĩ rü taxuxü̃ma choxü̃́ nataxu.

Wiyaegü 107:9

Erü nüma rü tüxü̃ naxaxexẽxẽ ya yíxema ita̱xawaxe rü taxü̃ i õna tüxna naxã ya yíxema taiyaxe.

Wiyaegü 112:3

Rü napatawa ya yimá yatü rü namuarü ngẽmaxü̃ã̱xgü. Rü guxü̃guma norü ngẽmaxü̃gümaxã to̱xguã̱xü̃ narüngü̃xẽxẽ.