Wiyaegü 34:1 - Tupanaarü Ore

¹ Rü guxü̃ i oragu rü Cori ya Tupanamaxã tá mexü̃ chaxuegu, rü cha̱u̱a̱xmaxã rü guxü̃gutáma nüxü̃ chicua̱xüxü̃.

Wiyaegü 34:1 Referans Kwoze

1 Tesalonicenses 5:18

¡Rü woo ta̱xacü pexü̃ ngupetügu, rü Tupanana moxẽ pexãgü! Erü ngẽma nixĩ ya Tupana naxwa̱xexü̃ nax penaxüxü̃ i pema ya Ngechuchu ya Cristuarü duü̃xü̃gü nax pixĩgüxü̃.

Colosenses 3:17

Rü guxü̃ma i ngẽma pexüxü̃ rü nüxü̃ pixuxü̃ rü name nixĩ i tórü Cori ya Ngechuchuégagu penaxü rü naégagu Tanatü ya Tupanana moxẽ pexãgü.

Efesios 5:20

Rü name nixĩ i guxü̃guma tórü Cori ya Ngechuchu ya Cristuégagu Tanatü ya Tupanana moxẽ pexãgü naxca̱x i guxü̃ma i norü ngü̃xẽxẽ.

Wiyaegü 71:8

Rü chauã̱xmaxã cuxü̃ chicua̱xüxü̃, Pa Tupanax, rü guxü̃ i ngunexü̃gügu nüxü̃ chixu nax cuma rü poraãcü cuxüünexü̃.

2 Tesalonicenses 2:13

Natürü, Pa Chauenexẽgüx i Tórü Cori ya Ngechuchu Pexü̃ Ngechaü̃güxex, rü guxü̃guma Tupanana moxẽ pexca̱x taxã yerü nüma ga Tupana rü noxritama naane ixügügumama pexü̃ nade nax pexíra penayauxgüxü̃ca̱x i maxü̃ i taguma gúxü̃ ga yexguma pexü̃ nangü̃xẽẽgu ga Naãxẽ ya pexü̃ üünexẽẽxü̃ rü peyaxõgügu i ngẽma ore i aixcüma ixĩxü̃.

Ngechuchuarü ngúexü̃gü ga yamugüxü̃arü puracüchiga 16:25

Natürü ngãxü̃cüügu rü nayumüxẽgü ga Pauru rü Chíra, rü nawiyaegü rü Tupanaxü̃ nicua̱xüü̃gü. Rü yema togü ga poxcuexü̃ rü nüxü̃ naxĩnüe.

Wiyaegü 71:6

Rü yexguma chauéanüwa chayexmagu, rü cuxme̱xwa chayexma rü cuma nixĩ ga choxü̃ cubuxẽẽxü̃. Rü guxü̃gutáma cuxü̃ chicua̱xüxü̃.

Ucu̱xẽgüchiga 29:25

Ngẽxguma duü̃xü̃güxü̃ cumuü̃gu rü cugünatama guxchaxü̃ cuxã. Natürü texé ya Tupanaga ĩnüxe, rü nüma ya Tupana tüxna nadau.

2 Tesalonicenses 1:3

Pa Toenexẽgüx, guxü̃guma Tupanana moxẽ pexca̱x taxã. Rü name nixĩ nax ngẽmaãcü tanaxüxü̃, erü pema rü yexeraãcü peyaxõgüetanü, rü wüxichigü i pema rü yexeraãcü pegü pingechaü̃güetanü.

Ngechuchuarü ngúexü̃gü ga yamugüxü̃arü puracüchiga 5:41

Rü yema ãẽ̱xgacügüna ínixĩ ga yema ngúexü̃gü. Rü nataãẽgü yerü woetama Tupana nanaxwa̱xe nax yemaacü Ngechuchuca̱x ngúxü̃ yangegüxü̃.

Naanearü ügüchiga 20:2

Rü yexguma yéma nayexmagu ga Abraáü̃ rü yema nama̱x ga Chára rü ñoma naeya̱xacü ngĩxü̃ nixu, rü tama ngĩxü̃ nixu nax nama̱x yixĩxü̃. Rü yemaca̱x ga Gueráxarü ãẽ̱xgacü ga Abimeréx rü ngĩxca̱x nangema nax yéma ngĩxü̃ nagagüxü̃ca̱x rü ngĩmaxã naxãmaxü̃ca̱x.

Naanearü ügüchiga 26:1

Rü yexgumaü̃cüxü rü wüxi ga taxü̃ ga ngebüane ínangu ga guxü̃ma ga yema naanewa, yexguma Abraáü̃ maxü̃gurüxü̃. Rü yemaca̱x ga Ichaá rü Gueráxwa naxũ ga Firitéutanüxü̃arü ãẽ̱xgacü ga Abimeréx íyexmaxü̃wa.

1 Chamué 21:11

Rü gumá ãẽ̱xgacü ga Aquíarü churaragüerugü rü nüxü̃ ñanagürügü: —Ñaa nixĩ i Dabí i Iraétanüxü̃arü ãẽ̱xgacü ixĩxü̃. Rü ngẽmachigagu nixĩ i íyaxüãchixü̃güxü̃ rü nawiyaegüxü̃ namaxã i ñaxü̃ i wiyae: “Chaú rü nanadai i 1,000 i churaragü, natürü Dabí rü nanadai i 10,000”, ñaxü̃ i wiyae —ñanagürügü.