Wiyaegü 33:4 - Tupanaarü Ore

⁴ Rü ngẽma Cori ya Tupanaarü ore rü aixcüma nixĩ. Rü ngẽma naxüxü̃wa nango̱x nax nüma rü aixcüma yangu̱xẽẽãxü̃ i ngẽma nüxü̃ yaxuxü̃.

Wiyaegü 33:4 Referans Kwoze

Wiyaegü 12:6

Rü ngẽma Cori ya Tupanaarü ore rü aixcüma nixĩ. Rü norü unetagü rü ñoma diẽrumü i 7 e̱xpü̱xcüna ornuwa iguxü̃rüxü̃ nixĩ nax nataxuxü̃ma i norü ãũãchixü̃.

Wenaxarü naxümatü ga Tupanaarü mugü 32:4

Rü nüma nixĩ i torü dauruxü̃ nax yixĩxü̃. Rü guxü̃ma i ta̱xacü i naxüxü̃ rü meama nawe̱xgu. Rü guxü̃ma i nüxü̃ yaxuxü̃ rü aixcüma nixĩ. Rü nüma rü Tupana ya ixaixcümacü nixĩ. Rü nawa rü nataxuma i ta̱xacü i dora ixĩxü̃, erü nüma rü ixaixcümacü nixĩ!

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Wiyaegü 119:75

Pa Cori Pa Tupanax, choma rü nüxü̃ chacua̱x i ngẽma curü mugü rü meama niwe̱x. Rü tama ícutü i ngẽxguma choxü̃ icuyarüwe̱xãchixẽẽgu.

Wiyaegü 19:8

Rü Cori ya Tupanaarü ucu̱xẽgü rü aixcüma niwe̱x, rü taãxẽ tüxna naxã. Rü Cori ya Tupanaarü mugü rü taxuwama nachixe, rü cua̱x tüxna naxã.

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

Ucu̱xẽgüchiga 30:5

Nüma ya Cori ya Tupana rü tüxü̃ ínapoxü̃ ya yíxema nüxü̃́ yaxõgüxe. Rü guxü̃ma i norü unetagü rü aixcüma nixĩ, rü name nax nüxna rüyoexü̃.

Wiyaegü 119:128

Rü ngẽmaca̱x nixĩ i mea naga chaxĩnüxü̃ i curü mugü rü nüxü̃ chaxo i guxü̃ma i nacüma i chixexü̃gü. -17-

Romanos 7:12

Natürü yema mugü rü aixcüma naxüüne i Tupanape̱xewa. Rü guxü̃ma i ngẽma Tupana tamaxã nüxü̃ ixuxü̃ rü naxüüne rü nixaixcüma rü name.

Naanearü ügüchiga 24:27

Rü ñanagürü: —Cumecümaxü̃chi, Pa Cori ya Chorü Cori ya Abraáü̃arü Tupanax, erü aixcüma cuyanguxẽxẽ i ngẽma chorü cori ya Abraáü̃maxã nüxü̃ quixuxü̃. Erü namaxã cumecüma rü poraãcü nüxü̃ curüngü̃xẽxẽ, rü ngẽmaãcü natanüxü̃tanüwa choxü̃ cunguxẽxẽ —ñanagürü.

Miquéa 2:7

¿Ẽ̱xna toma i Acóbutaagü nax tixĩgüxü̃ rü Tupana rü chixexü̃ tomaxã naxuegu? ¿Ẽ̱xna ya Tupana rü marü nüxü̃ narüxo nax yáxna tomaxã naxĩnüxü̃? ¿Rü ngẽmaãcü ẽ̱xna yixĩxü̃ i nacüma ya Tupana? ¿Tama ẽ̱xna i tüxü̃ nangü̃xẽxẽxü̃ i Tupanaarü ore ya yíxema aixcüma mea nagu maxẽxe?

Wiyaegü 25:10

Rü nüma ya Tupana rü tüxü̃ nangechaü̃ rü tümamaxã nixaixcüma ya yíxema yanguxẽẽgüxe i ngẽma uneta i namaxã taxügüxü̃ rü naga ĩnüexe i norü mugü.