Wiyaegü 33:3 - Tupanaarü Ore

³ ¡Rü ngexwaca̱xü̃xü̃ i wiyaegümaxã Tupanaca̱x pewiyaegü! ¡Rü mea pepaxetagüãcüma nüxü̃ picua̱xüü̃gü!

Wiyaegü 33:3 Referans Kwoze

Ichaía 42:10

Rü ñanagürü ga Ichaía: —¡Tupanaxü̃ picua̱xüü̃gü wüxi i ngexwaca̱xü̃xü̃ i wiyaemaxã! Rü guxü̃ma i nachixü̃anecüã̱x i ñoma i naanewa ngẽxmagüxü̃, rü guxü̃ma i duü̃xü̃gü i yáxü̃wa márcutüwa maxẽxü̃, rü guxü̃ma i duü̃xü̃gü i márgu yarüxĩĩxü̃, rü guxü̃ma i márwa maxẽxü̃, rü name nixĩ i Tupanaxü̃ nicua̱xüü̃gü.

Efesios 5:19

Rü name nixĩ i Tupanaarü orechigagu rü norü wiyaegügu pegümaxã pidexagü rü pegümaxã nüxü̃ pixu. Rü name nixĩ i naguxü̃raü̃xü̃ i norü wiyaegügu pewiyaegü, nax ngẽmaãcü guxü̃ne ya perü maxü̃nemaxã tórü Corixü̃ picua̱xüü̃güxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 25:7

Rü yema tomaepü̱x namaxã ga natanüxü̃ rü guxü̃wama 288 nixĩgü. Rü guxü̃ma ga yemagü rü meama ngúexü̃ nixĩgü nax Tupanaca̱x nawiyaegüxü̃ca̱x.

Colosenses 3:16

Rü name nixĩ i guxü̃guma peãẽwa nangẽxma i Cristuarü ore i taãxẽ pexna ãxü̃. Rü name nixĩ i nüxü̃ pecuáãcüma ngẽma oremaxã pegü pengúexẽxẽ rü pegü pixucu̱xẽgü. Rü name nixĩ i Tupanana moxẽ pexãgüãcüma nagu pewiyaegü i naguxü̃raü̃xü̃ i norü wiyaegü.

Wiyaegü 96:1

¡Ngexwaca̱xü̃xü̃ i wiyaegu Cori ya Tupanaca̱x pewiyaegü i guxãma i pemax i ñoma i naanewa maxẽxü̃!

Yema Cuáü̃ nüxü̃ dauxü̃ i yixcüra tá ngupetüxü̃chiga 5:9

Rü nagu nawiyaegü ga wüxi ga wiyae ga yexwaca̱xüxü̃ ga ñaxü̃: “Cuma nixĩ i cumexü̃ nax cunayaxuxü̃ i ngẽma popera rü cuyagáutanüxü̃ i ngẽma norü ñaxtachipe̱xexü̃. Yerü cuma rü marü quima̱xchire̱x, rü cugümaxã Tupanaaxü̃́ naxca̱x cutaxe i naguxü̃raü̃xü̃ i duü̃xü̃gütücumü rü naguxü̃raü̃xü̃ i duü̃xü̃gü i to i nagawa idexagüxü̃ rü naguxü̃raü̃xü̃ i ĩanegücüã̱x rü naguxü̃raü̃xü̃ i nachixü̃anecüã̱x.

Wiyaegü 144:9

Pa Corix, ngexwaca̱xü̃xü̃ i wiyaegu tá cuxca̱x chawiyae chorü paxetaruü̃maxã. Rü ngẽmaãcü chorü wiyaemaxã tá cuxü̃ chicua̱xüxü̃.

Wiyaegü 98:1

¡Rü ngexwaca̱xü̃xü̃ i wiyaegu Cori ya Tupanaca̱x pewiyaegü! Yerü muxü̃ma ga mexü̃ ga taxü̃gü norü poramaxã naxü. Rü nachacüxü ya üünene rü poranemaxã tórü uanügüxü̃ narüporamae.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 13:8

Rü nüma ga Dabí rü guxü̃ma ga Iraétanüxü̃maxã Cori ya Tupanape̱xegu naxĩ. Rü guxü̃ma i norü taãẽmaxã nawiyaegü, rü íniyüxü. Rü paxetaruü̃gü ga árpagümaxã rü árpa i íxraxü̃gümaxã rü paü̃derugümaxã rü platíyugümaxã rü cornétagümaxã nipaxetatanü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:3

Rü yema 144,000 ga duü̃xü̃gü rü nagu nawiyaegü ga wüxi ga yexwaca̱xüxü̃ ga wiyae nape̱xewa ga Tupanaarü tochicaxü̃ rü nape̱xewa ga yema ãgümücü ga daxũcüã̱x ga maxẽxü̃ rü nape̱xewa ga yema 24 ga ãẽ̱xgacügü. Rü taxucürüwama texé ga togue nüxü̃ tacua̱x ga yema wiyae. Rü yema 144,000 ga duü̃xü̃güxicatama nixĩ ga nüxü̃ cua̱xgüxü̃. Rü yema nixĩ ga Tupana ñoma ga naanewa dexü̃ nax namaxẽxẽẽãxü̃ca̱x.

Wiyaegü 149:1

¡Rü nüxü̃ picua̱xüxü̃gü ya Cori ya Tupana! ¡Rü naxca̱x pewiyae nagu i wüxi i wiyae i ngexwaca̱xü̃xü̃! ¡Rü ngẽmaãcü nüxü̃ picua̱xüxü̃gü i norü duü̃xü̃güarü ngutaque̱xewa!

Wiyaegü 40:3

Rü wüxi ga yexwaca̱xü̃xü̃ ga wiyae cha̱u̱a̱xwa nanguxẽxẽ nax yemamaxã nüxü̃ chicua̱xüxü̃xü̃ca̱x ga Tupana. Rü muxü̃ma ga duü̃xü̃gü rü nüxü̃ nadaugü ga yema Tupana üxü̃ rü namuü̃e rü nüxü̃́ nayaxõgü.

Norü taxre ga to ga popera ga ãẽ̱xgacügüchiga ümatüxü̃ 34:12

Rü yema yatügü rü aixcüma meama nanaxügü ga yema puracü. Rü yema namaxã icua̱xgüxü̃ nixĩ ga Lebítanüxü̃ ga Yáax rü Adía ga Merarítaagü, rü Chacaría rü Mechuráü̃ ga Queáxtaagü. Rü yemagü nixĩ ga namaxã icua̱xgüxü̃ ga yema nutagü rü naixmena̱xãgüarü nugüruxü̃ rü guxü̃ma ga yema togü ga puracütanüxü̃ ga Tupanapataarü mexẽẽwa puracüexü̃. Rü guxü̃ma ga yema Lebítanüxü̃ rü paxetaxü̃ nicua̱x. Rü ñuxre ga nümagü rü poperaarü ümatüruü̃gü nixĩgü, rü togü rü Tupanapataarü yemaxü̃güarü dauruü̃gü nixĩgü, rü togü rü ĩã̱xgüarü dauruü̃gü nixĩgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:22

Rü Quenanía nixĩ ga yema paxetatanüxü̃maxã rü wiyaetanüxü̃maxã icuáxü̃ ga yexguma yema Lebítanüxü̃ yangegügu ga yema Tupanaarü mugüchixü̃ ga baú. Yerü nüma ga Quenanía rü wüxi ga yatü ga nüxü̃ cuácü nixĩ.

Wiyaegü 40:4

Rü tataãxẽ ya yíxema Cori ya Tupanaaxü̃́ yaxṍxe, rü tama duü̃xü̃gü i chixexü̃ ügüxü̃gu naxca̱x dauxe i tümaarü ngü̃xẽxẽ rü tama tupananetachicüna̱xãgüxü̃ icua̱xüxü̃xẽ.