Wiyaegü 32:7 - Tupanaarü Ore

⁷ Rü cumax rü chorü dauruxü̃ quixĩ, rü cuma nixĩ i choxü̃ ícupoxü̃xü̃ i ngẽxguma ãũcümaxü̃wa changexmagu. Rü ngẽxguma nüxü̃ charüporamaegu i chorü uanügü, rü chorü guxü̃cüwawa tá taãẽãcü cunawiyaegüxẽxẽ i duü̃xü̃gü.

Wiyaegü 32:7 Referans Kwoze

Wiyaegü 91:1

Tataãxẽ ya yíxema naxme̱xwa ngẽxmaxe ya Yimá Guxãétüwa Ngẽxmacü ya Tupana, erü nüma rü tüxna nadau.

Wiyaegü 119:114

Rü cuma nixĩ i choxü̃ curüngü̃xẽẽxü̃ rü choxna cudauxü̃. Rü curü ore nixĩ i nagu chayaxõxü̃.

Wiyaegü 27:5

Rü ngẽxguma guxchaxü̃ cha̱u̱xca̱x ínguxgu rü nüma ya Cori rü napatawa tá choxna nadau. Rü nügümaxã tá choxü̃ natüxchipeta rü choxü̃ ínapoxü̃. Rü wüxi ya nuta ya tacüétügu tá choxü̃ namunagü nax taxuxü̃ma choxü̃ imáxü̃ca̱x.

Wiyaegü 9:9

Rü nüma ya Cori ya Tupana rü tüxü̃ ínapoxü̃ ya yíxema togü chixri tümamaxã icuáxe. Rü ngẽxguma ngúxü̃ tingexgu rü tüxü̃ narüngü̃xẽxẽ.

Wiyaegü 31:20

Rü yíxema mexü̃gu rüxĩnüxe rü cuma rü cupata ya üünenewa tüxü̃ ícupoxü̃ nüxna i ngẽma duü̃xü̃gü i tümachi aiexü̃ rü chixri tümachiga idexagüxü̃.

Wiyaegü 143:9

Pa Cori Pa Tupanax ¡nüxna choxü̃ ínanguxuchixẽxẽ i ngẽma chorü uanügü! Erü cuxca̱x nixĩ i chiñaxü̃ nax cuxü̃tagu chaugü chicúxü̃ca̱x.

Wiyaegü 98:1

¡Rü ngexwaca̱xü̃xü̃ i wiyaegu Cori ya Tupanaca̱x pewiyaegü! Yerü muxü̃ma ga mexü̃ ga taxü̃gü norü poramaxã naxü. Rü nachacüxü ya üünene rü poranemaxã tórü uanügüxü̃ narüporamae.

Wiyaegü 40:3

Rü wüxi ga yexwaca̱xü̃xü̃ ga wiyae cha̱u̱a̱xwa nanguxẽxẽ nax yemamaxã nüxü̃ chicua̱xüxü̃xü̃ca̱x ga Tupana. Rü muxü̃ma ga duü̃xü̃gü rü nüxü̃ nadaugü ga yema Tupana üxü̃ rü namuü̃e rü nüxü̃́ nayaxõgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:10

Rü guxü̃ma ga nümagü rü tagaãcü ñanagürügü: “Yimá tórü Tupana ya tochicaxü̃wa rütocü rü yimá Carnéruxacü rü yimágü nixĩ ya tüxü̃ maxẽxẽẽcü”, ñanagürügü.

2 Chamué 22:1

Rü yexguma Cori ya Tupana Dabíxü̃ rüngü̃xẽẽgu nax Chaúme̱xẽwa rü guxü̃ma ga norü uanügüme̱xẽwa ínanguxuchixẽẽãxü̃, rü nüma ga Dabí rü ñaa wiyaemaxã Tupanaxü̃ nicua̱xüxü̃.

Wiyaegü 32:10

Rü ngẽma chixexü̃arü üruxü̃gü rü muxü̃tama i ngúxü̃ ningegü, natürü ngẽma nüxü̃́ yaxõgüxü̃ rü Cori ya Tupana rü guxü̃gutáma nüxü̃ nangechaü̃.

Colosenses 3:3

Yerü yema nũxcümaü̃xü̃ ga perü maxü̃ rü marü nayu. Rü ñu̱xma rü Cristugagu Tupana pexna nanaxã i maxü̃ i ngexwaca̱xü̃xü̃.

Wiyaegü 5:12

Erü cuma rü mexü̃ tümamaxã cuxuegu ya yíxema aixcüma cuga ĩnüxe. Rü ngẽma curü ngechaü̃ rü tümaarü poxü̃ruxü̃ nixĩ.

Yeremía 36:26

Rü nüma ga ãẽ̱xgacü rü nanamu ga nane ga Yerameé, rü Arié nane ga Cheraía, rü Adeé nane ga Cheremía, nax Yeremíaxü̃ yayauxgüxü̃ca̱x wüxigu namaxã ga Barúx ga norü poperaarü ümatüruxü̃. Natürü nüma ga Cori ya Tupana rü inayacu̱xgü.

Wiyaegü 18:5

Rü yema choxmaxü̃ rü choxü̃ niyauxchaü̃. Rü chope̱xegu nanaxǘ ya yütagü nax choxü̃ yama̱xgüxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 5:1

Rü yema ga ngunexü̃gu ngĩma ga Débora rü Baráx ga Abinuáü̃ nane rü ñaãcü nawiyaegü: