Wiyaegü 32:5 - Tupanaarü Ore

⁵ Rü yexguma nagu charüxĩnügu ga chorü maxü̃ nax naturaxü̃ rü cumaxã nüxü̃ chixu ga guxü̃ma ga chorü pecadugü rü taxuxü̃ma chicu̱x. Rü chaugümaxã ñacharügü: —Cori ya Tupanamaxã tá nüxü̃ chixu i chorü chixexü̃gü —ñachagürü. Rü cumax, Pa Corix, rü choxü̃́ nüxü̃ icurüngüma ga guxü̃ma.

Wiyaegü 32:5 Referans Kwoze

Ucu̱xẽgüchiga 28:13

Ngẽma duü̃xü̃ i norü pecadu icúxü̃ rü taxũtáma mexü̃ nüxü̃ naxüpetü. Natürü ngẽma duü̃xü̃ i nüxü̃ ixuxü̃ i norü pecadu rü nüxü̃ rüxoxü̃, rü Tupana rü tá nüxü̃́ nüxü̃ inayarüngüma.

2 Chamué 12:13

Rü nüma ga Dabí rü Natáü̃xü̃ nangãxü̃ rü ñanagürü: —Tupanape̱xewa chixexü̃ chaxü —ñanagürü. Rü nüma ga Natáü̃ nanangãxü̃ rü ñanagürü: —Ngẽmáacüx, natürü Tupana rü cuxü̃ nangechaü̃, rü taxũtáma ngẽma chixexü̃gagu cuyu.

Wiyaegü 38:18

Rü ñu̱xmax, Pa Tupanax, rü cumaxã nüxü̃ chixu i ngẽma chorü pecadugü erü naxca̱x chaugü íchicua̱x ga yema chixexü̃ ga chaxüxü̃.

Ichaía 65:24

Rü naxü̃pa nax nüma choxna nacagüexü̃, rü choma ya Tupana rü marü tá nüxü̃ changãxü̃. Rü naxü̃pa nax yanachianegüxü̃ nax choxna nacagüexü̃, rü choma rü marü tá nüxü̃ chaxĩnü.

Ochéa 6:1

Rü Tupana rü ñanagürü ta: —Ngẽma Iraéanecüã̱xgü rü ñanagürügü tá: “Pa Chomücügüx, ¡ngĩxã guxãma Cori ya Tupanaca̱x tawoegu! Rü woo nümatama tüxü̃ nawoone rü guxchaxü̃ tüxna naxã, natürü wena táxarü tüxü̃ nawoeguxẽxẽ nax ngẽmaãcü itaãẽgüxü̃ca̱x. Rü nüma rü ngúxü̃ tüxü̃ ningexẽẽgü, natürü tá tüxü̃́ inanaxoxẽxẽ i ngẽma ngúxü̃ i ingegüxü̃.

Yox 33:27

Rü ngẽxguma i nümax i ngẽma duü̃xü̃ rü duü̃xü̃güpe̱xewa tá ñanarügü: “Woo pecadu chaxü, natürü Tupana choxü̃́ nüxü̃ narüngüma rü tama ngẽma choxna üxü̃maxã choxü̃ napoxcu.

2 Chamué 24:10

Natürü nawena ga nax yaxugüãxü̃ ga duü̃xü̃gü rü nüma ga Dabí rü nüxü̃́ nangu̱x ga yema naxüxü̃. Rü yemaca̱x Cori ya Tupanamaxã ñanagürü: —Wüxi i taxü̃ i chixexü̃ chaxü nax chayaxugüxü̃ i duü̃xü̃gü. Natürü, Pa Corix, choma nax curü duü̃xü̃ nax chixĩxü̃ rü cuxna naxca̱x chaca nax choxü̃́ nüxü̃ curüngü̃maxü̃ i ngẽma chixexü̃ i cupe̱xewa chaxüxü̃ erü ñoma wüxi i tama naãxẽxü̃ cuáxü̃rüü̃ãcü chanaxü —ñanagürü.

Wiyaegü 103:12

Rü ngẽma tórü chixexü̃gü rü marü tüxna nanayáxü̃guxẽxẽ ñoma éste rü oéste nügüna nax nanayáxü̃guxẽẽxü̃rüxü̃.

Wiyaegü 30:5

Erü ngẽma norü nu rü paxaãchimare nixĩ, natürü ngẽma norü ngü̃xẽxẽ rü taguma inayagu̱x. Rü woo chütacü ixauxegu, natürü moxü̃ãcü rü taãẽãcü tingunexü̃gü.

Efesios 4:32

Rü name nixĩ i pegü perüngü̃xẽẽgü rü pegümaxã pemecümagü, rü pegüxü̃́ pengechaü̃tümüxü̃gü i wüxichigü. Rü ngẽxguma petanüwa texé ta̱xacürü chixexü̃ pexca̱x ü̱xgu, rü name i tüxü̃́ nüxü̃ perüngü̃ma ya wüxíechigü, yema Cristugagu Tupana pexü̃́ nüxü̃ rüngü̃maxü̃rüxü̃ ga perü pecadugü.

Ore i mexü̃ ga Luca ümatüxü̃ 7:47

Rü ngẽmaca̱x woo namu i ngĩrü pecadugü, natürü Tupana ngĩxü̃́ nüxü̃ narüngüma i guxü̃ma, erü ngĩma rü aixcüma choxü̃ ingechaü̃. Rü ngẽxguma wüxi i íxraxü̃ i guxchaxü̃ texéaxü̃́ nüxü̃ rüngü̃magu rü naxíra i tümaarü ngechaü̃ —ñanagürü.

Wiyaegü 103:3

Rü nüma rü choxü̃́ nüxü̃ inayarüngüma i guxü̃ma i chixexü̃ i chaxüxü̃ rü cha̱u̱xca̱x nayataanexẽxẽ nawa i chorü da̱xawegü.

Wiyaegü 86:15

Natürü i cumax, Pa Corix, rü Tupana ya mecümacü rü ngechaü̃wa̱xecü quixĩ. Rü cuma rü yáxna tomaxã cuxĩnü, rü poraãcü toxü̃ cungechaü̃, rü guxü̃guma tomaxã quixaixcüma.

Wiyaegü 86:5

Erü cumax, Pa Corix, rü cumecüma rü nüxü̃ icurüngüma i torü chixexü̃gü. Rü aixcüma tüxü̃ cungechaü̃ ya yíxema curü ngü̃xẽẽca̱x cuxna caxe.

2 Chamué 12:9

¿Rü tü̱xcüü̃ tama naga cuxĩnü i chorü ore, rü cunaxü i ngẽma tama chauãẽwa mexü̃? Rü cuma rü Amóü̃tanüxü̃arü taramaxã cuyama̱x ya Uría ya Itítanüxü̃ rü naxma̱xca̱x cungĩ̱x.

Yochué 7:19

Rü yexguma ga Yochué rü Acáü̃xü̃ ñanagürü: —Pa Chaunex, name nixĩ i cunataxẽxẽ rü nüxü̃ quicua̱xüxü̃ ya Cori ya Iraétanüxü̃arü Tupana. ¡Rü chomaxã nüxü̃ ixu i ta̱xacü nax cuxüxü̃! ¡Rü taxṹ icuyacúxü̃! —ñanagürü.

Yeremía 3:13

Pa Iraéanecüã̱xgüx, ¡nüxü̃ pixu i perü chixexü̃ i chope̱xewa pexüxü̃ nax chomaxã penuexü̃, rü guxü̃ma i nai i meetaxü̃tüü̃wa tupananetagüxü̃ picua̱xüü̃güxü̃ rü tama chauga pexĩnüexü̃! Rü choma ya Cori ya Tupana nixĩ i nüxü̃ chixuxü̃ i ngẽma chorü ore’ ” —ñanagürü.

Yeremía 2:35

Natürü guxü̃ma i ngẽma chixexü̃ i cuxüxü̃étüwa rü cugü ícupoxü̃ rü ñacurügü: “Choma rü taxuxü̃ma i chixexü̃ chaxü, rü Tupana rü tama chomaxã nanu”, ñacurügü. Rü ñu̱xma nax nüxü̃ quixuxü̃ nax taxuxü̃ma i chixexü̃ cuxüxü̃, rü choma rü tá cuxna chaca rü cuxü̃ íchaxuaxü̃ naxca̱x i ngẽma chixexü̃ i cuxüxü̃.

Yeremía 2:23

¿Rü ñuxãcü i pema rü ñaperügügü: “Toma rü tama nixĩ i togü taxãũãchixü̃, rü bai nax tupananetagü ga Baágüxü̃ ticua̱xüü̃güxü̃?” ñapegürügü. Rü dücax, ¿ta̱xacü yixĩxü̃ ga yema pexügüxü̃ ga doxonexü̃wa? ¡Rü nüxna pecua̱xãchie ga guxü̃ma ga yema chixexü̃ ga pema pexügüxü̃! Rü pema rü ñoma caméyu i ngexü̃ i yatüxü̃ca̱x nu ne nañaxü̃rüxü̃ pixĩgü.

Ucu̱xẽgüchiga 30:20

Wüxi i ngexü̃ i natena ngeãẽxü̃, rü nachibü rü naya̱u̱xa̱x, rü norü ĩnüwa rü ñanagürü: “Taxuxü̃ma i chixexü̃ chaxü”, ñanagürü.

Maraquía 3:8

Rü ñu̱xma i choma rü pexna chaca: “¿Ẽ̱xna namexü̃ yixĩxü̃ i wüxi i duü̃xü̃ rü choxü̃́ nangĩ́xü̃? Rü dücax i pemax, rü aixcüma nixĩ i choxü̃́ pengĩ́exü̃. Rü ngẽxguma rü ta rü ípecagüamaxü̃ rü ñapegügüxü̃: ‘¿Rü ta̱xacüwa i cuxü̃́ tangĩ́exü̃?’ ñapegügüxü̃. Rü dücax, rü choxü̃́ pengĩ́e nawa i ngẽma diésmugü rü ãmaregü i choxrü ixĩxü̃.

Yox 31:33

Rü taguma togürüxü̃ ichayacu̱x ga yema chixexü̃ ga chaxüxü̃ rü taguma chayacúchigü nax duü̃xü̃gü tama nüxü̃ cuáxü̃ca̱x.

Ore i mexü̃ ga Luca ümatüxü̃ 16:15

Rü yexguma ga Ngechuchu rü ñanagürü nüxü̃: —Pema rü duü̃xü̃güpe̱xewa mea pemaxẽneta, natürü Tupana pexü̃ nacua̱x nax ta̱xacügu perüxĩnüexü̃. Rü woo duü̃xü̃gü pexü̃ nicua̱xüü̃gü naxca̱x i ngẽma pexüxü̃, natürü Tupana rü naãxẽwa nangu̱x i ngẽma —ñanagürü ga Ngechuchu.

Yeremía 31:20

Rü Cori ya Tupana rü ñanagürü: —Ngẽma Efraíü̃tanüxü̃gü̃ rü chaunegü i nüxü̃ changechaü̃güxü̃ nixĩgü. Rü ngẽma nixĩ i chaunegü i yexera nüxü̃ changechaü̃güxü̃. Rü woo yexguma chanapoxcuegu, rü taguma nüxü̃ charüchau nax nüxna chacua̱xãchixü̃. Rü chorü maxü̃newa rü naxca̱x changechaü̃ rü poraãcü choxü̃́ nangechaü̃tümüxü̃gü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Lebítanüxü̃arü puracüchiga 5:5

Rü yíxema duü̃xẽ i ngexü̃rüüxü̃mare i ngẽma pecadu üxe, rü name nixĩ i nüxü̃ tixuxü̃ i ngẽma tümaarü pecadu i taxüxü̃.

2 Chamué 24:17

Rü yexguma Dabí nüxü̃ da̱u̱xgu ga yema Tupanaarü orearü ngeruxü̃ ga daxũcüã̱x ga duü̃xü̃güxü̃ daixü̃, rü nüma ga Dabí rü Cori ya Tupanaxü̃ ñanagürü: —Choma nixĩ ga chixexü̃ chaxüxü̃. Chaugagu nixĩ i ngẽma ngupetüxü̃ ¿Natürü tü̱xcüü̃ cunapoxcu i ñaa duü̃xü̃gü i taxuxü̃ma i chixexü̃ ügüxü̃? Choma rü cuxna naxca̱x chaca nax choxü̃ rü chauxacügüxü̃ cupoxcuxü̃ca̱x —ñanagürü.

Nüxíraxü̃xü̃ ga popera ga ãẽ̱xgacügüchiga 8:50

¡Rü curü duü̃xü̃güaxü̃́ nüxü̃ iyarüngüma i norü chixexü̃gü i cupe̱xewa naxügüxü̃ rü ngẽma nax tama cuga naxĩnüexü̃! Rü ngẽma ãẽ̱xgacügü i to i nachixü̃anewa nagagüxü̃ i curü duü̃xü̃gü ¡rü naxüchicüxü i norü ĩnü nax curü duü̃xü̃gü nüxü̃́ ngechaü̃tümüxü̃güxü̃ca̱x!

Édra 10:11

Rü ñu̱xma rü name i tórü o̱xigüarü Tupanape̱xewa nüxü̃ pixu nax aixcüma chixexü̃ pexügüxü̃, rü penaxü i ngẽma norü ngúchaü̃. Rü ngẽmaca̱x pemaxã nüxü̃ chixu ¡rü nüxna pixĩgachi i ngẽma duü̃xü̃gü i tama yaxõgüxü̃ rü ngẽma ngexü̃gü i to i nachixü̃anecüã̱xgü ixĩgüxü̃! —ñanagürü.

Wiyaegü 25:16

Pa Corix ¡choxü̃ rüngü̃xẽxẽ erü chanaxĩ̱xãchiãxẽ, rü cuxü̃́ changechaü̃tümüxü̃ erü chaxicatama charüxã̱ũ̱x!

Wiyaegü 25:18

¡Choxü̃́ nüxü̃ nadau i ñaa ngúxü̃ i chingexü̃ rü chorü guxchaxü̃gü! ¡Rü choxü̃́ nüxü̃ yarüngüma i chorü pecadugü!

Wiyaegü 38:19

Rü ngẽma chorü uanügü rü nimuetanü, rü namuxũchi i ngẽma natüca̱xma chauxchi aiexü̃.

Wiyaegü 51:6

Cuma rü nüxü̃ cungechaü̃ i ngẽma duü̃xü̃ i aixcüma nüxü̃ ixuxü̃ i norü pecadugü. Rü chauãẽwa cunanguxẽxẽ i cua̱x.