Wiyaegü 32:3 - Tupanaarü Ore

³ Rü yexguma tama Tupanamaxã nüxü̃ chixuxgu ga chorü pecadu rü guxü̃ ga ngunexü̃gu chaxauxecha rü yexeraãcü chiturachigü.

Wiyaegü 32:3 Referans Kwoze

Wiyaegü 38:8

Rü chatura rü changearü poraã̱x. Rü chixãĩnecüü erü chorü maxü̃newa poraãcü ngúxü̃ chinge.

Wiyaegü 38:3

Rü ngẽma chorü chixexü̃gagu nixĩ i chomaxã cunuxü̃. Rü ngẽmaca̱x i ñaa chaxune rü guxü̃wama nida̱xawe rü bai ya wüxi ya chauxchina̱xã ya mexü̃ne.

Auxexü̃chiga 3:8

Rü woo tagaãcü nüxna chaca nax choxü̃ nangü̃xẽẽxü̃ca̱x, natürü ga nüma rü tama choxü̃́ nüxü̃ naxĩnüchaü̃ ga chorü yumüxẽ.

Wiyaegü 22:1

Pa Chorü Tupanax, Pa Chorü Tupanax ¿tü̱xcüü̃ choxna quixũgachi? ¿Rü tü̱xcüü̃ choxna cuyáxü̃gu rü tama choxü̃ curüngü̃xẽxẽ rü tama nüxü̃ cuxĩnü i chorü axu?

Ochéa 7:14

Rü ngẽxguma yada̱xaweegu rü ngúxü̃ yangegügu, rü norü pechicaxü̃güwa ngü̃xẽẽca̱x choxna nacagüe, natürü tama aixcüma norü ngúchaü̃maxã choxna nacagüe. Rü nügü nayapiexẽxẽ nax ngẽmaãcü tríguca̱x rü bínuca̱x ínacagüxü̃ca̱x. Natürü tama aixcüma chauga naxĩnüe.

Ucu̱xẽgüchiga 28:13

Ngẽma duü̃xü̃ i norü pecadu icúxü̃ rü taxũtáma mexü̃ nüxü̃ naxüpetü. Natürü ngẽma duü̃xü̃ i nüxü̃ ixuxü̃ i norü pecadu rü nüxü̃ rüxoxü̃, rü Tupana rü tá nüxü̃́ nüxü̃ inayarüngüma.

Yox 30:30

Rü cha̱u̱xcha̱xmüxü̃ rü nanawaãchi rü chauxune rü niyauca namaxã i axüne

Wiyaegü 51:8

Rü chanaxwa̱xe nax wena choxü̃ cutaãẽxẽẽxü̃. ¡Rü choxna naxã i taãxẽ ñu̱xmata yima chauxchina̱xãgü i cuma quibuyegünewa nangu!

Auxexü̃chiga 3:4

Rü nanayaxẽxẽ ga chomachi rü cha̱u̱xcha̱xmüxü̃. Rü nanabüü̃gü ya chauxchina̱xãgü.

Auxexü̃chiga 1:3

Rü ñu̱xma i ngẽma Yudáanecüã̱xgü rü ngúxü̃ ningegü rü taxü̃ i guxchaxü̃wa nangẽxmagü. Rü ngẽmaétüwa rü norü uanügü rü to ga nachixü̃anewa nanagagü. Rü yima ĩane ya Yerucharéü̃ ga ü̃pa guxü̃nema ga naigü ga Yudáanearü ĩanegüétüwa yexmane rü ñu̱xma i norü duü̃xü̃gü rü taguma inarüngü̃gü nax guxchaxü̃wa nangẽxmagüxü̃. Rü yema norü uanügü ga nawe ingẽxü̃tanüxü̃ rü marü nüxü̃ inayangaugü rü naxme̱xgu nayi rü chixri namaxã inacua̱xgü.

Ichaía 59:11

Rü guxãma i yixema rü ñoma osu i düraxü̃rüxü̃ tingi̱netanücüxü rü muxtucurüxü̃ tangechaxü̃gagü. Rü ítanangu̱xẽxẽ nax tórü uanügüme̱xẽwa ínguxü̃xü̃ natürü ya Tupana rü tama paxa tüxü̃ narüngü̃xẽxẽ. Rü tanaxwa̱xe nax ngẽma uanügüme̱xẽwa ínguxü̃xü̃ natürü naxme̱xwa tangexmagüama.

Ichaía 51:20

Pa Yerucharéü̃cüã̱x, pema rü ñoma cowügü i yütagu yixü̃rüxü̃ peturae rü namagüarü poxõchigüwa pecaquegü. Rü Tupanaarü nu rü pexna nangu rü ngẽmaca̱x ngúxü̃ pingegü.

Wiyaegü 6:2

Pa Corix, ¡cuxü̃́ changechaü̃tümüxü̃ erü choma rü chatura! ¡Pa Corix, cha̱u̱xca̱x yataanexẽxẽ! Erü poraãcü chida̱xawe rü guxü̃ma i chauxune rü nidu̱xru.

Yox 30:17

Rü ngẽma ngúxü̃ i chingexü̃ rü chauxchina̱xãgüwa nangu. Rü chütacü rü taguma choxü̃́ narüna.

Yox 3:24

Rü ngẽma choxü̃́ nax nangúxü̃gagu rü tama chataiya rü ngẽma nax chaxaxuxü̃ rü chauxgüxü̃etü rü ñoma dexárüxü̃ nichuru.

2 Chamué 11:27

Natürü yexguma marü nangupetüxgu ga nax naxaurexü̃, rü nüma ga Dabí rü nachiü̃wa ngĩxca̱x nangema, rü naxma̱xü̃ ngĩxü̃ nixĩxẽxẽ, rü nüxü̃́ ixãxacü. Natürü nüma ga Cori ya Tupana rü tama namaxã nataãxẽ ga yema Dabí üxü̃.

Ichaía 57:17

Rü yema Iraétanüxü̃arü pecadugagu nixĩ ga noxri chanuxü̃ rü chanapoxcuexü̃ rü nüxna chixũgachixü̃. Natürü ga nümagü rü chomaxã nanueama rü yexera norü ngúchaü̃we narüxĩ.

1 Chamué 31:13

Rü ñu̱xũchi nanade ga naxchina̱xãgü rü wüxi ga naixtüxü̃gu nanata̱xgü. Rü marü yema naxügüguwena rü 7 ga ngunexü̃ naxauree.

Ucu̱xẽgüchiga 17:22

Ngẽxguma itaãẽgu, rü ngẽma taãxẽ rü ñoma wüxi i üxüxü̃ i mexü̃rüxü̃ nixĩ, natürü ngẽxguma ingechaü̃gu rü ínarüxĩ i ngẽma tórü pora.