Wiyaegü 32:10 - Tupanaarü Ore

¹⁰ Rü ngẽma chixexü̃arü üruxü̃gü rü muxü̃tama i ngúxü̃ ningegü, natürü ngẽma nüxü̃́ yaxõgüxü̃ rü Cori ya Tupana rü guxü̃gutáma nüxü̃ nangechaü̃.

Wiyaegü 32:10 Referans Kwoze

Ucu̱xẽgüchiga 16:20

Yíxema Tupanaga ĩnüxe, rü mexü̃wa tangexma. Rü nataãxẽ ya yimá yatü ya Cori ya Tupanaaxü̃́ yaxõcü.

Ucu̱xẽgüchiga 13:21

Pecaduã̱xgüxü̃we ningẽchigü i ngẽma chixexü̃. Natürü ngẽma mexü̃gu maxẽxü̃, rü mexü̃maxã tá nüxü̃́ naxãtanü.

Wiyaegü 147:11

Natürü ngẽma aixcüma namaxã nataãẽxü̃ nixĩ nax nüxü̃ ticua̱xüü̃güxü̃ ya yíxema nagu yaxõgüxe i norü ngechaü̃.

Wiyaegü 146:5

Rü tataãxẽ ya yíxema Acóbuarü Tupanaxü̃tawa nayaxúxe i tümaarü ngü̃xẽxẽ rü nüxü̃́ yaxṍxe ya Cori ya Tupana.

Wiyaegü 34:8

¡Rü nüxü̃ pexü̱x rü tá nüxü̃ pedau nax namecümaxü̃ ya Cori ya Tupana! Rü nataãxẽ ya yimá yatü ya Cori ya Tupanaaxü̃́ yaxõcü.

Wiyaegü 5:12

Erü cuma rü mexü̃ tümamaxã cuxuegu ya yíxema aixcüma cuga ĩnüxe. Rü ngẽma curü ngechaü̃ rü tümaarü poxü̃ruxü̃ nixĩ.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:10

Erü ngẽma nax diẽruguama rüxĩnüxü̃ rü ngẽma nixĩ i guxü̃ma i chixexü̃güarü ügü. Rü nangẽxma i ñuxre i yaxõgüxü̃ i diẽruguama rüxĩnüexü̃ rü ngẽmaca̱x Tupanana nixĩgachi. Rü ngẽmaãcü nügünatama guxchaxü̃ naxãgü rü nügüxü̃tama ngechaü̃ nangu̱xẽẽgü.

Wiyaegü 84:12

Pa Cori Pa Tupana ya Guxãétüwa Ngẽxmacüx, rü tataãxẽgü ya yíxema aixcüma cugu yaxõgüxe.

Wiyaegü 16:4

Natürü ngẽma naxchicüna̱xãgüxü̃ icua̱xüü̃güxü̃ rü tá ngúxü̃ ningegü. Rü choma rü tagutáma norü tupananetagüca̱x ãmareruxü̃ i nagü chaba. Rü bai i cha̱u̱a̱xmaxã tá nüxü̃ chixu i naégagü i ngẽma tupananetagü.

Ichaía 3:11

Natürü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃ i chixexü̃gu maxü̃xü̃. Rü ngẽma chixexü̃ i naxüxü̃gagu rü tá guxchaxü̃ naxca̱x ínangu. Erü Cori ya Tupana rü ngẽma chixexü̃ i naxüxü̃ca̱x tá nanapoxcu.

Ngu̱xẽẽtaeruü̃arü ore 8:12

Rü ngẽma duü̃xü̃ i chixexü̃ rü mue̱xpü̱xcüna chixexü̃ naxü rü woo mucüma ya taunecü namaxü̃gu, natürü nüxü̃ chacua̱x ya yíxema Tupanaxü̃ ngechaü̃xe rü ngẽma chixexü̃ üxü̃arü yexera mexü̃wa tá tangexma.

Wiyaegü 140:11

¡Rü taxṹ i cunamaxẽxẽchaü̃xü̃ i ñoma i naanewa i ngẽma guxchigawa̱xexü̃! ¡Rü ngẽma máxwa̱xexü̃ rü nüxna nangu i ngẽma chixexü̃ nax ngẽma yamáxü̃ca̱x!

Wiyaegü 40:4

Rü tataãxẽ ya yíxema Cori ya Tupanaaxü̃́ yaxṍxe, rü tama duü̃xü̃gü i chixexü̃ ügüxü̃gu naxca̱x dauxe i tümaarü ngü̃xẽxẽ rü tama tupananetachicüna̱xãgüxü̃ icua̱xüxü̃xẽ.

Ichaía 57:21

Rü ngẽma chixexü̃arü üruü̃güca̱x rü nataxuma i taãxẽ” —ñanagürü ga Tupana.

Wiyaegü 11:6

Rü nüma ya Cori ya Tupana rü ñoma pucürüxü̃ tá ngẽma chixexü̃ ügüxü̃étügu nanayixẽxẽ ya ã́xwe rü üxüema i achúfremaxã ãéü̃xü̃. Rü tá naxca̱x ínananguxẽxẽ ya wüxi ya buanecü nax yaxaexü̃ca̱x i guxü̃ma. Rü nüma ya Cori ya Tupana rü ngẽmaãcü tá nanapoxcue i ngẽma duü̃xü̃gü i chixexü̃ ügüxü̃.