Wiyaegü 30:4 - Tupanaarü Ore

⁴ Rü ngẽmaca̱x i pemax, Pa Chomücügü i aixcüma Cori ya Tupanaaxü̃́ Yaxõgüxü̃x ¡rü ngĩxã wüxigu Tupanaca̱x tawiyaegü rü nüxü̃ ticua̱xüxü̃gü ya yimá üünecü!

Wiyaegü 30:4 Referans Kwoze

Wiyaegü 97:12

Pa Duü̃xü̃gü i Mea Maxẽxü̃x ¡namaxã petaãẽgü ya Cori, rü nüxü̃ picua̱xüü̃gü i naéga i üünexü̃!

Yema Cuáü̃ nüxü̃ dauxü̃ i yixcüra tá ngupetüxü̃chiga 4:8

Rü yema ãgümücü ga daxũcüã̱x ga maxẽxü̃, rü wüxichigü nüxü̃́ nayexma ga 6 ga naxpe̱xatügü. Rü guxü̃wama ga naxpe̱xátüétüwa rü naxpe̱xátütüü̃wa rü namuxetü. Rü ngunecü rü chütacü rü ñanagürügüecha: “Naxüüne, naxüüne, naxüüne nixĩ ya tórü Cori ya Tupana ya Guxü̃étüwa Ngẽxmacü rü Woetama Yexmacü rü Ñu̱xma Ngẽxmacü rü Guxü̃gutáma Ngẽxmacü”, ñanagürügüecha.

Wiyaegü 148:14

Rü nüma ya Tupana rü nüxü̃ narüngü̃xẽxẽ ga norü duü̃xü̃gü ga Iraétanüxü̃ nax norü uanügüxü̃ naporamaegüxü̃ca̱x. Rü ngẽmaca̱x, Pa Iraétanüxü̃ i Aixcüma Tupanaarü Duü̃xü̃gü Ixĩgüxe, rü name nixĩ i nüxü̃ picua̱xüü̃gü. Erü nümatama nixĩ i pexü̃ naxunetaxü̃ nax norü duü̃xü̃gü pixĩgüxü̃ca̱x. ¡Rü ngĩxã nüxü̃ ticua̱xüxü̃gü ya Cori ya Tupana!

Wiyaegü 132:9

Rü ngẽma chacherdótegü i curü puracütanüxü̃ rü tá nicómüchiru rü ngẽma curü duü̃xü̃gü rü norü taãẽmaxã tá aita naxüe.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:4

Rü nüma ga Dabí rü nüxü̃ naxuneta ga ñuxre ga Lebítanüxü̃ nax yema baúpe̱xewa moxẽ nüxna naxãgüxü̃ca̱x rü nüxü̃ yacua̱xüü̃güxü̃ca̱x ya yimá norü Tupana i Iraétanüxü̃.

Ichaía 6:3

Rü guxü̃ma ga yema daxũcüã̱x rü nügü ñanagürügü: —Naxüüne, naxüüne, naxüüne ya Cori ya Tupana ya Guxãétüwa Ngẽxmacü. Rü ngẽma norü üüne rü ñoma i naane namaxã nanapá —ñanagürügü.

Wiyaegü 50:5

Rü ñanagürü nüxü̃: —¡Penangutaque̱xexẽxẽ i ngẽma duü̃xü̃gü ga chomaxã ixunetagüxü̃ ga yexguma norü ãmaregü cha̱u̱xca̱x yagugügu! —ñanagürü.

Wiyaegü 32:11

¡Cori ya Tupanamaxã petaãẽgü, Pa Duü̃xü̃gü i Mexü̃gu Rüxĩnüexü̃x! ¡Rü petaãẽgü rü taãẽmaxã Tupanaxü̃ picua̱xüü̃gü!

Ínachoxü̃xü̃chiga 15:11

Pa Chorü Cori ya Tupanax, rü ngẽma duü̃xü̃gü namaxã tupanaã́xü̃tanüwa rü nataxuma i ta̱xacü i cumaxã wüxiguxü̃. Rü nataxuma i ta̱xacü i cuxrüxü̃ üünexü̃ rü nüxü̃ cua̱xüchixü̃. Rü cuma cunaxü i ngẽma mexü̃gü i duü̃xü̃gü poraãcü namaxã baixãchiexü̃.

1 Chamué 2:6

Rü nüma ya Cori ya Tupana rü duü̃xü̃güna nanayaxu i maxü̃ rü ngẽxgumarüxü̃ tá nüxna nanaxã. Rü wüxi i naxmaxü̃gu nayaxǘcuchi rü ngẽmawa wenaxarü ínanadaxẽxẽ.

Wiyaegü 28:1

Pa Cori Pa Tupanax, cuma nixĩ i nuta i chorü poxü̃ruxü̃ quixĩxü̃. Rü cuxna nixĩ i chacaxü̃ nax choxü̃ curüngü̃xẽẽxü̃ca̱x. ¡Rü taxṹ i cugü quinuxuxü̃ nax choxü̃ cungãxü̃xü̃! Erü ngẽxguma taxũtáma choxü̃ cungãxü̃gu rü ñoma yuexü̃rüxü̃ tá chixĩ.

Wiyaegü 86:13

Rü nataxüchi i curü ngechaü̃ i cha̱u̱xca̱x. Rü marü choxna cuyaxũgachixẽxẽ i ngẽma yu nax tama naxmaxü̃gu chixücuchixü̃ca̱x.

Wiyaegü 107:20

Rü namaxã nanaxuegu nax naxca̱x yataanegüxü̃. Rü naxca̱x nitaanegü. Rü yemaacü ga Tupana rü yuwa ínananguxü̃xẽxẽ ga yema duü̃xü̃gü.