Wiyaegü 30:3 - Tupanaarü Ore

³ Rü nawa choxü̃ ícunguxuchixẽxẽ i ngẽma yu rü choxü̃ cumaxẽxẽ. Rü ngẽmaca̱x tama chayu.

Wiyaegü 30:3 Referans Kwoze

Wiyaegü 86:13

Rü nataxüchi i curü ngechaü̃ i cha̱u̱xca̱x. Rü marü choxna cuyaxũgachixẽxẽ i ngẽma yu nax tama naxmaxü̃gu chixücuchixü̃ca̱x.

Wiyaegü 28:1

Pa Cori Pa Tupanax, cuma nixĩ i nuta i chorü poxü̃ruxü̃ quixĩxü̃. Rü cuxna nixĩ i chacaxü̃ nax choxü̃ curüngü̃xẽẽxü̃ca̱x. ¡Rü taxṹ i cugü quinuxuxü̃ nax choxü̃ cungãxü̃xü̃! Erü ngẽxguma taxũtáma choxü̃ cungãxü̃gu rü ñoma yuexü̃rüxü̃ tá chixĩ.

Wiyaegü 16:10

Erü cuma rü taxũtáma tauquewa choxü̃ cuta̱x. Rü taxũtáma wüxi i ãxmaxü̃gu nüxü̃ curüngü̃ma ya yima cumücü ixĩcü.

Wiyaegü 71:20

Rü woo muxü̃ma ga guxchaxü̃gü rü ĩ̱xãchiãẽgüwa choxü̃ cuxüpetüxẽxẽ, natürü wenatáxarü choxü̃ cutaãẽxẽxẽ. Rü tá choxü̃ ícurüdaxẽxẽ nawa i chorü guxchaxü̃gü, ñoma waixü̃mütüü̃wa írüdaxgurüxü̃.

Wiyaegü 56:13

Erü cuma rü chorü guxchaxü̃wa choxü̃ ícunguxuchixẽxẽ nax tama chayuxü̃ca̱x. Rü choxü̃ ícupoxü̃ nax curü ngóonexü̃wa chamaxü̃xü̃ca̱x.

Yox 33:28

Rü nawa choxü̃ ínanguxuchixẽẽãma i ngẽma yu. Rü ngẽmaca̱x i ñu̱xmax rü ngóonexü̃wa changexma”, ñanagürü.

Wiyaegü 107:20

Rü namaxã nanaxuegu nax naxca̱x yataanegüxü̃. Rü naxca̱x nitaanegü. Rü yemaacü ga Tupana rü yuwa ínananguxü̃xẽxẽ ga yema duü̃xü̃gü.

Ichaía 38:16

Rü yíxema Cori ya Tupana tüxna dauxe rü tá tamaxẽ, rü guxü̃ma i ngẽmatanüwa tá nixĩ i chamaxü̃xü̃ i chomax. Rü cuma nixĩ i cha̱u̱xca̱x cuyataanexẽẽxü̃ rü cha̱u̱xca̱x cunataeguxẽẽxü̃ i ngẽma chorü maxü̃.