Wiyaegü 3:7 - Tupanaarü Ore

⁷ Pa Corix, Pa Chorü Tupanax, ¡chauétüwa ínayuxu rü choxü̃ ínapoxü̃ nüxna i chorü uanügü! ¡Rü nachiwe idagü rü nabüü̃püta i ngẽma chorü uanügü i chauxchi aiexü̃!

Wiyaegü 3:7 Referans Kwoze

Wiyaegü 58:6

Pa Tupanax ¡napoxü̃püta i ngẽma chixexü̃ ügüxü̃! ¡Rü nabüü̃ ya yima norü cuainagü i ngẽma duü̃xü̃gü i leóü̃gürüxü̃ idüraexü̃!

Yox 29:17

Rü choma nixĩ ga íchayachaxãchixẽẽxü̃ ga yema duü̃xü̃gü ga chixexü̃arü üruü̃gü. Rü choma nixĩ ga naxme̱xwa tüxü̃ chanapuxü̃ ga guxema tümagu yadauxcüraxü̃xẽ.

Yox 16:10

Rü duü̃xü̃gü rü chauxü̃tawa naxĩ nax choxü̃ nacugüexü̃ca̱x rü choxna nawüa̱xgüxü̃ca̱x. Rü choxü̃ napegüchiwegüxü̃ca̱x nax ngẽmaãcü choxü̃ naxãnexẽẽgüxü̃ca̱x.

Wiyaegü 59:5

Pa Cori ya Guxãétüwa Ngẽxmacü ya Iraétanüxü̃arü Tupana Ixĩcüx, ¡írüda rü paxa napoxcue i guxü̃ma i ngẽma togü i nachixü̃anecüã̱x! ¡Rü taxṹ i cuxü̃́ nangechaü̃tümüxü̃güxü̃ i ngẽma chixexü̃ ügüxü̃ rü taechitawa̱xegüxü̃!

Wiyaegü 10:12

¡Inachi Pa Cori Pa Tupanax, rü napoxcu i ngẽma chixexü̃ üxü̃! ¡Rü taxṹ i tüxü̃ curüngü̃maxü̃ ya yíxema naxĩ̱xãchiãẽgüxe!

Ichaía 51:9

¡Pa Tupanax, paxa nango̱xẽxẽ i curü pora! ¡Rü inawe̱x i curü pora ga yexguma nũxcüma icunawe̱xgurüxü̃! ¿Tama ẽ̱xna cuma yixĩxü̃ ga cunada̱i̱xü̃ ga yema Equítuanecüã̱xgü ga yexguma cuyapayexẽẽgu ga már rü natamawa cuyachoü̃xẽẽgu ga curü duü̃xü̃gü ga Equítuanecüã̱xme̱xẽwa ícunguxü̃xẽxẽxü̃?

Wiyaegü 7:6

Pa Corix ¡curü numaxã inachi rü chauétüwa nachogü, rü nadai i ngẽma chorü uanügü i choxü̃ ima̱xgüchaü̃xü̃! ¡Rü napoxcue i ngẽma duü̃xü̃gü i chixexü̃ ügüxü̃! ¡Rü chauétüwa nachogü!

Wiyaegü 6:4

Pa Corix ¡nua naxũ rü cha̱u̱xca̱x yataanexẽxẽ! ¡Rü cuxü̃́ changechaü̃tümüxü̃gagu choxü̃ ínapoxü̃!

Auxexü̃chiga 3:30

Rü ngẽxguma texé cuxü̃ pechametügu ¡rü taxũtáma cuxütanü! Rü narümemae nixĩ nax Tupanamaxã nüxü̃ quixuxü̃ i ngẽma nax nüma cuxü̃ naxütanüxü̃ca̱x.

Wiyaegü 74:11

¿Rü tü̱xcüü̃ tama icunawéxchaü̃ i curü pora? ¿Rü tü̱xcüü̃ ngéma nüxü̃ cudawenümare?

Wiyaegü 44:23

Pa Corix ¿tü̱xcüü̃ cupe? ¡Rü naba̱i̱xãchi, rü taxṹ i toxü̃ ícuwogüxüchixü̃!

Wiyaegü 35:23

Pa Corix, Pa Chorü Tupanax ¡írüda rü chauétüwa nachogü!

Wiyaegü 12:5

Natürü nüma ya Cori ya Tupana rü ñanagürü: —Choma rü tá tümaétüwa chachogü rü tá tüxü̃ charüngü̃xẽxẽ ya yíxema ngearü diẽruã̱xgüxe rü turaexe rü chixri tümamaxã inacua̱xgüxe. Erü ngẽma nixĩ i tanaxwa̱xegüxü̃ ya yíxema ngúxü̃ ingegüxe —ñanagürü.

Abacú 2:19

Rü wüxi i ngechaü̃ nixĩ i tümaca̱x ya yíxema norü üruxü̃ erü ñatagürü nüxü̃: ¡Naba̱i̱xãchi! ñatagürü, rü wüxi ya nuta ya tama idexacüxü̃ tamu rü ñatagürü: ¡Inachi! ñatagürü. ¿Rü duü̃xü̃gümaxã yadexagüxü̃ yixĩxü̃ i ngẽma naxchicüna̱xãgü? Tama nidexagü erü ningearü maxü̃ã̱x woo nax úirumaxã rü diẽrumümaxã yaxãxü̃nexü̃.

2 Chamué 18:8

Rü guxü̃wama nangu ga nügü nax nada̱i̱xü̃ ga yema Efraíü̃arü naanewa. Rü yema taramaxã nügü ínadaixü̃gu nayue ga muxü̃ma, natürü yemaarü yexera nixĩ ga naixnecügu yuexü̃.

Wiyaegü 27:3

Rü woo muxũchixü̃ i churaragü choxü̃ íchomaeguãchigu rü taxuca̱xtama chamuü̃. Rü woo nügü ínamexẽẽgügu nax cha̱u̱xca̱x íyaxü̃ãchixü̃ca̱x rü taxuca̱xma chanaxĩ̱xãchiãxẽ.